Johan 4:10 - Caekäcai Kangthae (Lemi)

¹⁰ Isu ma “Säthaw ma py saite lasawng bung nang mäny y. Nang tea tui nei hethang mäkai te kai lä ämi mei näte nang mäny y. Hini na mäny dylä kai tea mäkai by vi ai. Kai ma nang tähang hing saite tui py ai” näpa.

Asang Khongso New Testament

¹⁰ Jesuh mah, “Sithaw mah hmuen paek ih hae timaw tihoi tui ka hnihkung hae amimaw tito na panoek nahaeloa angmah khaeah to na hnik lat moa hinghaih tui to na paek han e ah,” tiah a naa.

Johan 4:10 Iomraidhean Croise

Luka 11:13

Nang ce hunghö awng mang saite khimi mäteng ma caw nade na tea kähawi sai na py vävawi te vi. Tukätephüng-a Känipre-a awng saite nang ce üng Pä-ai lä mäkai saite khimi na tea Muilaw Käcai py khaw vi ai” näpa.

Johan 16:3

Khimi ce lä Pä-ai hai Kai ni bung mäny ö y te phüng-a, hini kätyng nang ce tea sa ö vi ai.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Johan 3:16

Säthaw lä älawng khimi ce tea bälung aevaw te phüng-a Äcäpaw lawngtä xyng bung py vi. Äcäpaw tea yng saite khimi angxynlyng na lä muilaw dü y käla dungtäsa hing te dang vi.

Johan 4:14

Tungaila kai ma py saite tui nei te hengtä lä manila tui aehe he y dy. Hini tui lä äni üng äthung-a tui cäpring-a aelawng kha dungtäsa hing saite dang hai ai” näpa.

Johan 6:35

Isu ma äni ce tea “Kai lä Kähing py saite Täkaw vi. Kai tea ly saite na lä manila äjo aelang y ai dy. Kai tea yng saite na lä manila tui aehe y ai dy.

Johan 6:51

Kai lä Känipre üng cäqa saite hing te Täkaw vi. Hini Täkaw ca saite khimi na lä dungtäsa hing te dang vi ai. Hini Täkaw lä kai üng ängang vi. Älawng üng khimi na tea hing hai hethang tähang-a kai üng ängang py te vi.”

Angtawtha 9:11

Areng ma “Nang lä lolang kätaw näsaite mang-a ly lawi. Judae üng ing-a Tasu märü üng Sawlae ämüng awng saite khimi lawngtä bung düng ba. Äni lä aetang kha awng te vi.

Pawlae ma Rom märü üng kangkawng tähang tärü saite cae 8:32

Äma üng Cäpaw khekhe bung mäsai y käla, mä-ai angxynlyng tähang löci sa pa vi dy. Äcäpaw bung py saite Säthaw lä ngai saite angxynlyng na mä-ai tea py tätang khaw vi ai.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

1 Korin 10:4

Äni ce angxynlyng na lä Säthaw ma py saite tui tea mangtä nei ö vi dy. Äni ce lä Säthaw ma äma ce tähang sa rüng pa saite lungphö üng lawng saite tui tea nei ö vi dy. Honi lungphö lä äni ce hai mangtä awng jawjaw saite Khrista Äma khekhe vi dy.

2 Korin 9:15

Mä-ai lä thui kha manila bynglei haw y saite Säthaw üng lasawng phüng-a, äni tea bälaw ö si.

Ephesi 2:8

Khrista tea yng te phüng-a äma üng bäheng saite hai-a, Säthaw ma nang ce bung aeqang vi dy. Nang ce üng aethawsa saite phüng-a, äni lä nang ce bung aeqang te y. Äni lä nang ce bung äjawng-a aeqang te vi.

Hebrai 6:4

Mä-ai ma üng yng saite na khaisö te khimi na tea lä ae-ui hai hethang nähai haw y lyng. Äni ce lä Säthaw üng kaevang-a awng vai kha Säthaw üng pyng saite hing te kangthae tea mäteng pyng ö te vi dy. Äni ce hai yng saite khimi kälang na tea lä Säthaw ma Muilaw Käcai mangtä py ö te vi dy.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.

Lokphong 21:6

Tukha äni ma kai tea, “Kai lä kälu sa khüng dy. Kai lä Alpha hai Omeka vi. Angcü hai Kangteng la vi. Tui aehe saite khimi na tea lä, kähing py saite tui cäpring tea ävang mäkai y käla nei hethang Kai ma py ai.

Lokphong 22:17

Muilaw Käcai hai aepawng saite nawngmädi anglaw ma, “Ly lawi” näkha thui vi. Hini tea thai saite angxynlyng na ma la, “ly lawi” näkha thui ö vi. Tui aehe saite khimi lä ly lawi sy. Kähing py saite tui tea ngai te khimi lä äjawng-a nei mai sy.

Lokphong 7:17

Ätephüng-a mei nädylä areng aety nae üng äsäla ung-a awng saite Beram caw lä äni ce bung rui saite beram kärui Kung-a lawng vi ai. Äni ma äni ce bung lä kähing py saite tui cäpring mityng-a bähawi pa vi ai. Tukha Säthaw lä äni ce üng ämi na mang tho saite minaw tui angxynlyng na tea mai pang vi ai” näkha nä vi.