Johan 3:2 - Caekäcai Kangthae (Lemi)

² Äni la düngtä-a Isu tea ly kha “Särae ä, nang lä Säthaw ma mätaw saite särae lawngtä vi näte kai ce lä mäny dy. Säthaw lä khimi lawngtä hai mangtä awng y dylä, nang kätyng-a ämi la cangxei saite sa haw y lyng” näkha näpa.

Asang Khongso New Testament

² Duemto loa Jesuh khaeah a caeh moa, “Rabbi, nang loa Sithaw mah patoeh ih patukkung longto ni tito kang panoek o. Dawnraihaih na sak ihnawk hae Sithaw mah ohhaih ai nahaeloa amimah doeh sah thaih mak ai,” tiah a naa pae.

Johan 3:2 Iomraidhean Croise

Mathai 22:16

Äni ce lä äma ce üng äkähui phütä na hai Herodae üng äpy na bung Isu tea mätaw pa dy. Äni ce ma “Särae ä, nang lä kätüng khaw ni thui te kai ce lä mäny vi. Nang lä khimi ce Säthaw üng älang kätüng kätyng awng hethang mätu te vi. Khimi ce ma nang phüng aethang khai ngaila nang lä dawngcang te y. Khimi ce üng mimai tea la kheng y.

Mathai 23:7

Vyngjaw saite mityng-a khimi ce ma tämö khai kha särae näkha ka te la ngai ö vi.

Mathai 23:8

Tungaila khimi ce ma nang ce tea särae näkha ka hai hang. Nang ce tea särae lawngtä xyng ni awng kae. Nang ce angxynlyng na lä kangby jä-ai kangpraw ticaw na kätyng vi.

Marka 12:14

Honi khimi ce ma Isu tea ly ea “Särae ä, nang lä kätüng khaw saite älo ni thui te kai ce lä mäny. Khimi ce ma nang phüng makä dawng kha thui ngaila, nang lä dawngcang te y vi. Khimi üng mimai tea kheng y käla Säthaw üng älang tea kätüng khaw-a mätu te vi. Kai ce lä Sica sanphrang tea angko py sang mei, py sang y mei. Kai ce tea thui” näkha düng pa.

Johan 1:38

Tukha Isu lä aehawi kha änini hui hawi te nung ea “Nang ni lä äte ngai hawi te mei” näkha düng pa. Änini ma “Rabi ä, nang lä äte ma-a awng te vi mei” näkha düng hawi pa dy. Rabi näsaite älo lä särae näte vi.

Johan 10:38

Pä-ai üng kälu sa ö dylä Kai tea yng y ngaila Kai üng sa te kälu tea yng ö. Pä-ai lä Kai tea awng kha Kai la Pä-ai tea awng näte nang ce mäny ö ai mang” näkha mäthang pa.

Johan 12:37

Isu ma äni ce üng maw-a kamarae na awng mang-a sa pa vi dy. Tungaila äni ce lä Isu tea yng ö pa y vi rawng.

Johan 14:10

Kai lä Pä-ai tea awng kha Pä-ai la kai tea awng näte nang lä yng y mei. Nang ce tea kai thui te lä, kai ma üng lo y. Kai sa te na la kai tea awng saite Pä-ai lä äma üng kälu sa hai te vi.

Johan 15:24

Kai lä ämi la sa vai y saite kamarae äni ce maw-a sa y kha lä äni ce üng hunghö lä äni ce tea awng jawjaw hethang y. Vaihi äni ce lä hini kai sa saite kamarae na nung ngaila Kai hai Kai Pä-ai tea esäre ö te vi.

Johan 2:11

Isu lä angcü-a cangxei te kamarae lä Kalile khö Kana märü-a sa te vi. Äma üng phung-ang mätü pa dy. Äkähui na la Isu tea yng ö dy.

Johan 20:16

Isu lä “Maeri ä” näkha kähyng pa dy. Tukha Maeri lä Isu te mang-a aehawi kha Hebärai lo hai “Raboni” näkha kähyng pa. (Raboni näte lä “Särae ä” näte by kae vi.)

Johan 3:26

Baptismae Johan üng äkähui na lä äni tea ly kha “Särae ä, Jordan tävaw rei-a nang hai mangtä awng saite khimi ma nang ma thui saite lawngtä tea äni lä vaihi baptismae py dy. Äni tea khimi angxynlyng na lä ly dy” näkha thui pa.

Johan 4:31

Hini kätü-a äkähui na lä “Särae ä, käcakänei na ca jo re” näkha näpa.

Johan 5:36

Baptismae Johan üng ätete lo thui te qawng-a lengky saite ätete lo lä kai tea awng. Honi na khüng hai hethang Pä-ai ma kai kö thung-a a saite kälu vi. Kai vaihi sa saite kälu lä kai bung Pä-ai ma mätaw kha mätü te vi dy.

Johan 6:2

Naw saite khimi na tea hawi sa te kamarae nung te phüng-a khimipui na lä äni leithung hui ö dy.

Johan 7:31

Tungaila khimipui na thung üng khimi kä-awng mang na lä Isu tea yng ö te vi. Äni ce ma “Mesia cäqa te kätü-a lä Isu ma sa saite kamarae qawng-a cang y sa ai mei” näkha näpa.

Johan 9:16

Pharisai phütä na ma “Hini kä sa te lä Aehae te Käni üng Ubädi tea bäjui te y. Tukätephüng-a äni la Säthaw te mang üng mätaw saite Khimi y” näpa. Phütä na ma “Hunghö awng te khimi lä ätemakä hini cangxei te na sa haw ai mei” näkha näpa. Tukha äni ce lä lawngtä hai lawngtä bälung aedü ö pa y vi dy.

Angtawtha 10:38

Nazare märü üng Isu lä Säthaw te mang üng Muilaw Käcai hai haidae dang te phüng nang ce lä mäny ö vi. Säthaw lä äni hai mangtä awng te phüng-a, äni lä mityng qütä-a ly kha kähawi sa ea khimi ce bung naw hawi hai te vi. Angra kung te khimi ce thung üng mätho kha Setan angra üng haidae thung mang üng äni ce bung bälawi pa vi dy.

Angtawtha 2:22

“Isrelae khimi ce ä, hini älo na tängai ö! Säthaw ma Nazare märü üng Isu tea cangxei saite na hai kamarae na sa hethang aenae py pa vi. Honi hai-a Säthaw lä Isu bung mätaw kha mätü te vi. Honi tea nang ma ce ma lä mäny ö te kae be.

Filipi 1:14

Areng tea yng saite känawiky na ma lä kai thawng-a awng te phüng-a aethaw dang ö kha Khrista phüng khimi ce tea thui ö vawng rae pa vi dy.