Johan 3:16 - Caekäcai Kangthae (Lemi)

¹⁶ Säthaw lä älawng khimi ce tea bälung aevaw te phüng-a Äcäpaw lawngtä xyng bung py vi. Äcäpaw tea yng saite khimi angxynlyng na lä muilaw dü y käla dungtäsa hing te dang vi.

Asang Khongso New Testament

¹⁶ Sithaw mah long kaminawk hae palung duekduek pongah a capa longto khueh tawnh ih to a paek kik, topongah ami doeh angmah ka taang boih loa dueh mak ai, to-e dungzan hinghaih to tawn tih.

Johan 3:16 Iomraidhean Croise

Mathai 9:13

Nang ce lä Caekäcai thung-a tärü te älo üng äphüng aetu ö re. Säthaw ma ‘Kai lä löci aesa te ngai y. Khimi ce lä äma ce tingtawi aebäheng te kai lä ngai te kae’ näkha näpa te vi. Kai lä khimi cüng saite na bung ka hethang ly te y. Khimi hunghö na bung ka hethang ly te kae vi” näkha näpa.

Marka 12:6

Angkhaw kung lä mätaw hethang äma bälung aevaw saite äcäpaw lawngtä xyng ni awng pa kae vi dy. Tukha Kangkhüng-a äni lä ‘Kai ma üng cäpaw tea lä äni ce tämö khai ö ai müng’ näkha aedawng ea äma üng cäpaw bung mätaw pa dy.

Luka 2:14

“Aesangky saite Säthaw tea bälaw ö si. Älawng qawng üng Säthaw ma bälung aevaw saite khimi na tea lä awngneng te awng jo sy” näkha thui pa ö dy.

Johan 1:14

Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Johan 1:18

Ämi la Säthaw bung nung vai te y. Tungaila Pä-ai üng äteng-a awng saite Äcäpaw lawngtä xyng ma Säthaw bung khimi ce tea mäny hai pa te vi.

Johan 1:29

Khawngdang mang üng käni-a Isu lä äni te mang-a ly te nung kha Johan ma “Älawng khimi ce üng hunghö la pa saite Säthaw üng beram caw tea kheng ö e.

Johan 10:28

Kai ma äni ce tähang dungtäsa hing te py dy. Manila äni ce la dü y dy. Ämi la Kai kö thung üng äni ce bung lawng haw y lyng.

Johan 3:15

Tukätephüng-a Khimi üng Cäpaw tea yng saite khimi angxynlyng la dungtäsa hing te dang vi.

Johan 3:18

“Säthaw üng Cäpaw tea yng saite khimi na tea lä Säthaw ma dengpy te awng y. Äcäpaw tea yng y saite khimi na tea lä vaihi ma Säthaw lä dengpy te vi dy. Ätephüng-a mei nädylä Säthaw üng Cäpaw lawngtä xyng tea yng pa y te phüng-a vi.

Johan 3:36

Äcäpaw tea yng te na la dungtäsa hing te dang ö dy. Äcäpaw tea yng y saite na lä dungtä hing te dang ö y lyng. Äni ce tea Säthaw ma dengpy jawjaw ö vi ai.”

Johan 6:40

Äcäpaw bung nung kha yng saite khimi angxynlyng na lä dungtäsa hing te dang hethang Pä-ai lä ngai te vi. Kai ma äni ce bung kangkhüng üng käni-a lä aetha ö hai tyng pa vi ai” näkha näpa.

Pawlae ma Rom märü üng kangkawng tähang tärü saite cae 5:10

Jangni-a mä-ai lä Säthaw üng täre na-a lawng vai ö te vi dy. Tungaila äni üng Cäpaw dü saite hai-a, mä-ai tea äni üng kangby jä-ai na-a bälawng te vi dy. Vaihi mä-ai lä Säthaw üng kangby jä-ai na lawng ö vi dy. Khrista üng hing te hai-a Säthaw lä mä-ai bung aeqang tätang khaw vi ai.

Pawlae ma Rom märü üng kangkawng tähang tärü saite cae 5:8

Tungaila Säthaw lä mä-ai tea matangtä bälung aevaw mei näte mätü pyng te vi dy. Mä-ai lä hunghö sa te thüng-a, Khrista lä mä-ai tähang dü pa te vi dy.

Pawlae ma Rom märü üng kangkawng tähang tärü saite cae 8:32

Äma üng Cäpaw khekhe bung mäsai y käla, mä-ai angxynlyng tähang löci sa pa vi dy. Äcäpaw bung py saite Säthaw lä ngai saite angxynlyng na mä-ai tea py tätang khaw vi ai.

Ephesi 2:4

Tungaila Säthaw lä mä-ai bung bälung aevaw phi kha mä-ai tea lä bäheng bärai te vi.

2 Thesalon 2:16

Mä-ai üng Areng Isu Khrista hai Pä-ai Säthaw ma mä-ai tea bälung aevaw kha tähang kähawi hai-a, dungtäsa aethaw dang saite hai aethang khai saite py te vi. Mä-ai üng Pä-ai Säthaw lä nang ce üng bälung na tea aethaw py kha hawi saite angxynlyng na thui hethang hai, kälu sa khü jawjaw ö hethang säbawng sy.

Titas 3:4

Tungaila mä-ai tea bäheng kha bälung aevaw saite mä-ai üng Aeqangkung Säthaw tho te kätü-a lä, mä-ai bung äni ma aeqang pa te vi dy. Honi lä mä-ai üng cüng saite hai sa saite phüng-a y vi. Äni üng bäheng te phüng-a mä-ai bung aeqang te kae. Säthaw ma mä-ai tea Muilaw Käcai py te hai-a mä-ai üng hunghö na mäse pang kha aepeng te kangthae hai hing saite kangthae py te phüng-a vi.

Hebrai 2:9

Tungaila mä-ai lä Isu bung nung ö te vi. Säthaw lä Isu bung Känipre üng angtawtha na qawng-a tänaetä äje cäcaw kaeneng-a khai pa vi. Hini kätyng Isu lä Säthaw üng tähang kähawi hai-a khimi angxynlyng na tähang dü pa hethang kae te vi. Äni lä mä-ai tähang mätang bälaica-a dü pa te phüng-a Säthaw ma vaihi lä äni tea cangxei-a sa kha phung-ang py pa te mä-ai lä mäny ö te vi.

1 Johan 3:1

Mä-ai üng Pä-ai Säthaw lä matangtä mä-ai tea bälung aevaw mei näte aedawng ö lawi. Säthaw lä mä-ai bung äma üng caw nade na näkha mäthi te vi. Mä-ai lä äni üng caw nade na tätang khaw ö vi dy. Hini älawngpre hai aesui saite khimi na ma mä-ai bung mäny y te lä Säthaw tea mäny ö y te phüng-a vi.

1 Johan 4:19

Säthaw lä mä-ai tea angcü üng hai ma bälung aevaw te phüng-a, mä-ai la Säthaw hai khimi kälang na tea bälung aevaw ö he kae.

Lokphong 1:5

Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.