Johan 15:2 - Caekäcai Kangthae (Lemi)

² Äni ma kai tea äthai aethai y saite cangpre angxynlyng na bung tälei pa vi. Äthai aethai saite cangpre na bung lä, äthai aethai rae hethang cangpre na bung dawi rung khytä tälei pa vi.

Asang Khongso New Testament

² Kai thungah athaih kathai ai tanghang boih loa aboeng king moa athaih kathai tanghang to loa a thoengsoek han hoi athaih aep hanah tanghang kahoih ai to a taep pae.

Johan 15:2 Iomraidhean Croise

Mathai 13:12

Sakaw te awng saite khimi tea lä Säthaw ma py rae vi ai. Tungaila sakaw te awng y saite khimi tea lä äma tea awng saite kaedawng tea mäteng ma Säthaw ma la king vi ai.

Mathai 13:33

Isu lä khimi ce tea mätae saite lo kälang hai thui pa dy. Äni ma “Säthaw ma pre pyng saite lä täkaw aepae saite aesi hai aetawng vi. Awng mang saite täkaw na tea aepae hai bawi hethang nawngmädi lawngtä lä täkawdi aesi la kha aeqo pa dy. Tukha awng mang saite täkawdi na tea lä aepae hai bawi pa dy” näkha näpa.

Mathai 15:13

Isu ma “Känipre üng kai üng Pä-ai ma e y saite äkung angxynlyng na lä äni ma angjüng aephawi king vi ai.

Mathai 21:19

Isu lä lolang teng-a awng saite thaidö kungtä bung nung kha ha-a ly dy. Tungaila äkung qawng-a ärang na qaitä awng te nung pa. Tukha Isu ma “Nang lä manila äthai aethai haile haw hang sy” näkha thaidö kung tea thui pa dy. Tupyng-a qengtä ma thaidö kung lä cei raw pa vi dy.

Mathai 25:29

Sakaw te awng saite khimi tea kai ma py rae vi ai. Tukätephüng-a äni lä aelo te qawng-a cang y awng mang rae vi ai. Tungaila awng y saite khimi na te üng lä awng angci saite mäteng ma kai ma la beng vi ai.

Mathai 3:10

Säthaw lä aetu süng kha äthai kung üng angjüng bälu hethang awng rüng te khimi lawngtä kätyng vi. Äni ma äthai aethai y saite äkung angxynlyng na bung bälu pang ea mai hai sawi vi ai.

Mathai 3:12

Äma üng kö-a caw mäsi hethang bäraw süngrüng saite khimi hai aetawng vi. Äni lä cawpai thung-a caw kangta na bung mäkawi pa vi ai. Cawfi bung lä dü y saite mai hai sawi vi ai” näkha näpa.

Mathai 7:19

Khimi ce lä äthai kähawi aethai y saite äkung angxynlyng na tea la bälu kha mai thung-a käde ö te vi.

Marka 4:20

Tungaila khimi kälang phütä na lä älawng kähawi hai aetawng vi. Äni ce lä Säthaw üng lo thai kha yng te phüng-a phü ruithungtä, phü rui tärutä hai phü cungvaitä aepu kha äthai na aethai mang pa vi dy” näpa.

Luka 8:13

Älung qawng-a aeqa te ämöti na lä Säthaw lo thai kha kawng bärai te hai yng praw saite khimi na tea thui te vi. Tungaila Säthaw lo äni ce üng bälung thung-a cakhi y te phüng-a tänaetä yng ö te kae. Mätangca saite aeting te kätü-a lä yng jawjaw ö y vi dy.

Johan 15:1

“Kai lä Cäpje kung tätang dy. Kai üng Pä-ai lä angkhaw Kung vi.

Johan 15:16

Nang ce ma kai bung re te y. Kai ma nang ce bung re te kae. Nang ce ly kha äthai aethai mang hethang kai lä mätaw te vi. Nang ce lä aekang jawjaw saite äthai na äthai he kae. Tupyng-a kai üng ämüng hai-a, nang ce mäkai saite angxynlyng na lä Pä-ai ma py ai mang.

Johan 15:3

Nang ce lä kai thui saite älo phüng-a caiping ö pyng te vi dy.

Johan 15:6

Khimi lawngtä lä kai hai aesui y dylä ärang-a käde saite cangpre käcei hai aetawng vi ai. Khimi ce lä honi cangpre na mäküng cu kha mai thung-a käde ö te vi.

Johan 15:8

Nang ce lä äthai awng mang-a aethai te hai-a, Pä-ai üng phung-ang aetüng hai pa dy. Honi hai-a nang ce lä kai üng äkähui-a, aelawng ö te dy.

Johan 17:12

Kai lä äni ce hai mangtä awng te thüng-a, äni ce bung Nang üng ämüng haidae hai aekung hai pa te vi. Säthaw ma pra hai hethang khimi lawngtä y dylä, ämi lawngtä la pra y lyng. Caekäcai thung-a tärü te lä cungrü hai te dy.

Pawlae ma Rom märü üng kangkawng tähang tärü saite cae 11:17

Olive thingkawng kung kähawi üng cangpre phütä na tea tängang vi dylä, khimi ce lä daithung üng olive kung cangpre na tea lä cangpre kälang na thung-a sätawng kha e vi dy. Nang ce ceng kälang na lä daithung üng olive cangpre na kätyng vi. Jangni-a Säthaw ma Judae khimi na tea aedo saite üng tähang kähawi na vaihi nang ce lä tengxyng y dang ö vi dy.

Pawlae ma Rom märü üng kangkawng tähang tärü saite cae 11:22

Hikä dylä Säthaw lä khimi tea matangtä bäheng kha matangtä dengpy te tea mä-ai lä mäny haw ö te vi. Äni lä äma tea aekö haile tyng saite khimi tea dengpy te vi. Tungaila äni üng bäheng te tea ae-y saite nang ce khimi ceng kälang na bung lä Säthaw ma bäheng jawjaw vi ai. Nang ce ma Säthaw üng bäheng saite tea ae-y jawjaw y dylä, nang ce tea lä Säthaw ma cangpre kätyng tängang ö by vi ai.

Pawlae ma Rom märü üng kangkawng tähang tärü saite cae 8:28

Säthaw tea bälung aevaw kha Säthaw lä äma üng mawlang kaedawng kätyng ka saite khimi ce tähang Säthaw ma äte angxynlyng na kähawi-a sa pa te tea mä-ai lä mäny ö vi.

1 Korin 13:1

Kai lä älawngpre khimi angxynlyng na üng älo na hai Känipre angtawtha na üng älo na aepe haw ngaila, kai üng kangby jä-ai na tea bälung aevaw y dylä, kai üng älo na lä mawng, y dylä qala the te tüng kätyng kae vi.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Hebrai 12:15

Säthaw üng tähang kähawi thung üng thoja y hethang sädi khai ö. Angjüng khaw saite äkung kätyng la aelawng y hethang sädi khai ö. Khimi lawngtä honi kung kätyng awng dylä nang ce thung-a käsi na awng mang-a sa haw te vi. Honi hai-a yng saite khimi awng mang te na tea Säthaw üng maw-a pawprae hai haw ö te vi.

1 Johan 2:19

Hini khimi na lä mä-ai thung üng thoja ö te vi. Tätang khaw-a nädylä äni ce lä mä-ai hai aesui ö te y lyng. Äni ce mä-ai hai aesui dylä, mä-ai hai mangtä awng jawjaw ö vi ai. Tungaila mä-ai thung üng tho kha ly ja vi dylä, mä-ai hai aesui te y näte tea mätü ö te vi dy.

Lokphong 3:19

Kai ma bälung aevaw saite khimi angxynlyng na tea kai lä dengpy kha pring te vi. Tudylä nang ce lä aethawsa kha ae-ui ö lawi.