Filemon 1:1 - Caekäcai Kangthae (Lemi)

¹ Isu Khrista üng Angthang thui te phüng-a, thawng thung-a pä-ung hethang kae saite kai, Pawlae, hai mä-ai üng äpy Timothe lä kai ce kätyng Khrista tähang kälu sa saite rawijae ma nang Philemon tea cae tärü te dy.

Asang Khongso New Testament

¹ Khrih Jesuh ranghoiah thongim ah ka krah kai Paul hoi aicae ih amnauk Timote mah aicae ih ampui hoi toksah nawn ampui Filemon hoi,

Filemon 1:1 Iomraidhean Croise

Angtawtha 16:1

Tupyng-a Pawlae lä Debe märü hai Lutara märü-a tyng vi dy. Lutara märü-a Timothe näsaite Yng saite khimi lawngtä awng vi. Äni üng änä-awi lä yng saite Judae nawngmädi vi. Tungaila äpä-ai lä Käri khimi lawngtä vi.

1 Korin 3:9

Kai ni lä Säthaw üng kälu tea sa saite kangby jä-ai na vi. Nang ce la Säthaw üng lai kätyng vi. Nang ce lä Säthaw üng Ingkäcai kätyng by vi.

2 Korin 1:1

Hini cae lä kai, Pawlae hai mä-ai üng kangby Timothe te üng tha te vi. Säthaw lä äma üng aely kängai hai-a, kai bung Khrista Isu üng angtawtha lawng hethang re vi dy. Kai lä Korin märü-a awng saite Säthaw üng kangkawng hai Käri pre-a awng saite Säthaw üng khimi käcai angxynlyng na tea hini cae tärü te vi.

Galati 3:26

Nang ce angxynlyng lä Khrista Isu tea yng te hai-a, Säthaw üng caw nade na-a lawng ö vi dy.

Ephesi 3:1

Tukätephüng-a ceng kälang na tea Isu Khrista üng Angthang Kähawi thui te phüng-a thawng thung-a pä-ung saite kai, Pawlae, lä nang ce tähang aetang pa dy.

Ephesi 4:1

Areng üng kälu sa te phüng-a kai bung lä thawng thung-a pä-ung te vi. Säthaw ma nang ce bung ka te hai kaeteng-a nang ce lä kähawi-a awng hethang kai lä aesi aebai te vi.

Ephesi 6:20

Kai lä Angthang Kähawi thui hethang Isu Khrista ma re saite angtawtha lawngtä vi. Hini kätyng sa te phüng-a kai bung lä thawng thung-a pä-ung te vi. Angthang Kähawi tea ri y käla ma thui he kae te kätyng thui haw hethang kai tähang Säthaw tea aetang pa ö jo.

Filipi 1:1

Pawlae hai Timothe ni lä Isu Khrista üng mawsawng na vi. Kai, Pawlae, ma Philipi märü-a awng saite Säthaw üng khimi na hai kangkawng üng mätawngky na hai kangkawng-a säbawng saite khimi na tea cae tärü dy.

Filipi 2:25

Kai hai mangtä kälu sa saite kai üng kangby Epaprodita bung nang ce tea mätaw he aely ngai näte kai lä aedawng vi dy. Äni lä kai hai mangtä täre tea aety kha kai tea säbawng hethang nang ce ma mätaw saite nang ce üng angtawtha lawngtä vi.

Filipi 4:3

Honi qawng-a cang y, kai üng ae-yky saite äpy ä, nang la honi nawngmädi ni tea säbawng pa jo ba. Änini lä khimi ce tea Angthang Kähawi thui hethang tähang kai hai mangtä aethawsa bärai hawi saite ni vi. Klement hai kai hai mangtä kälu sa saite äpy kälang na la qa ö by vi. Dungtäsa hing saite na üng ämüng tärü saite Säthaw üng cae-u thung-a äni ce üng ämüng la qa ö te vi.

Kolosa 1:1

Hini lä kai, Pawlae, ma tärü saite cae vi. Säthaw ma re te phüng-a, kai lä Isu Khrista üng angtawtha lawngtä vi. Kai lä mä-ai üng kangby Timothe hai mangtä hi-a awng hawi te vi. Kai ni ma nang ce tea kawng te lo thui hawi te dy ba.

Kolosa 4:11

Justus näkha mäthi saite Isu la nang ce tea cibai sa te lo thui by. Äni ce lawng thungtä lä Säthaw üng kälu tea kai hai mangtä sa saite Judae khimi na vi. Äni ce phüng-a kai lä aethaw dang bärai te vi.

1 Thesalon 3:2

Hi-a kai ce awng te thüng-a, mä-ai üng kangby Timothe bung nang ce tea kai ce lä mätaw te vi dy. Äni lä Khrista üng Angthang Kähawi thui tea kai ce hai mangtä Säthaw üng kälu sa te vi. Nang ce üng yng saite na tea säbawng hethang hai aethaw py hethang äni bung kai ce ma mätaw te vi.

2 Thesalon 1:1

Hini cae lä kai, Pawlae, ma Thesalonika märü üng Areng Isu Khrista hai mä-ai üng Pä-ai Säthaw tea yng saite khimi na tea tärü te vi. Kai hai mangtä awng saite Saila hai Timothe ni la nang ce tea aedawng te lo thui hawi by dy.

2 Timote 1:8

Tukätephüng-a mä-ai üng Areng Isu phüng khimi ce tea thui hethang aejae hang ba. Äni üng tähang thawng thung-a pä-ung saite kai tähang la aejae hang. Angthang Kähawi tähang mätang bälaica saite thung-a kai hai mangtä mätang hethang awng rüng ba. Säthaw lä nang tea haidae py ai mang.

Filemon 1:23

Isu Khrista üng Angthang Kähawi thui te phüng-a, kai hai mangtä thawng thung-a pä-ung saite Epaphra la nang tea kawng bärai sa te lo thui te by vi.

Filemon 1:24

Kai hai kälu sa saite äpy na Marka, Aristaku, Dema hai Luka ce ma la nang tea aedawng ö te by vi.