तीतस् 2:2 - चेपाङ

² बुधा स्‍याव्ओलम्‌कायःपाय् “मोह्‌हाय्ओ ल्‍हुङ् नाःमाःत व्‍हाय्ओ ल्‍हुङ्इ पेतो ङ्‌हाम्‌तीमा राप्‌तीमा ग्रमःत मुपै” एत स्‍यान्‌ती तोउ दा।

तीतस् 2:2 Iomraidhean Croise

मर्‌कस् 5:15

वाङ्आक्‌तीको ओउः लान्‌लम्इ ङ्‌हा ङायःओ मान्‍ता द्याह् येसुकोः दोम्‌हाङः च्‍युङःती सोह्‌पाय् खेःमाःत नाय् लावती सेलः मुओ च्‍यवःआकानी। एत च्‍यवःतीलेः ओउः वाङ्ओ मान्‍तालम्‌पाय् रैआकाय्।

लुका 8:35

ओउःमयःइ छ्यानःओ कुरा सायःती ओहाङःकोः मान्‍तालम् येसुकःताङ् योलाङ् वाङ्आकाय्। वाङ्आक्‌तीको ओउः लान्‌लम्इ ङ्‌हा फेओ मान्‍तापाय् येसुकोः दोम्‌हाङः च्‍युङःती द्याह् सोह् खेःमाःत नाय् लावओमा सेलः मुओमा च्‍यवःआकानी। इत च्‍यवःतीलेः ओउः योलाङ् वाङ्ओलम्‌पाय् रैआकाय्।

खबरदुत 24:25

तोतोक् बेलाहाङः “येसुकोः कुरा दोह् दोह् ङ्‌हाम्‌सा खेःतो” त पावुल्इ स्‍यान्‌ती “मान्‍तालम्इ लयःकोः रेव्ओकायः जाङ्‌ह्‌सामा म्‍हर्‌सामा स्‍याव्‌ल। सुसुलोइ पेमालो काम् फेसा ग्‍याइली लोनेः वाङ्‌सा दीन्‌हाङः ओउःमयःकायःलेः परमेस्‍वर्‌इ न्‍युम्‍ह्‌ताक्‌नाःथास” तमा पावुल्इ स्‍यान्‌ती तोतोक्‌हाङः फेलीकस्‌पाय् ल्‍हुङ् र्‍याङःती रैती “लौ छ्यो द्याह् इच्‍युक्‌लेः स्‍याव्‌पाः। आल्अ दा अरु काम् नाःमाःत य्‍हाङःओ बेलाहाङः ङाइ फेरी सायःलाङ् गोत्‌चेःनाङ्” त दाय्‍ह्‌ती पावुल्‌कायः ल्‍होक्आथै।

रोमी 12:3

परमेस्‍वर्‌इ ङाकायः बयःओ त खेःओ इ कुरा ङाइ द्याह् सबैकायः तोनेःनाङ्‌स। लयःकायः “ताङ्‌ह्‌नाङः” ततेः ताःतेःचाःइसी। ताङ्‌ह्‌तोलेः ताःमाःत गुच्‍युक्‌लेः परमेस्‍वर्‌इ ङ्‌हाम्‌ताक्‌तेःआकाय् ओउःच्‍युक्‌लेः “लौ परमेस्‍वर्‌इ ङाकायः इच्‍युक् जाङ्‌ह्‌सा बयःआताङः बा” त लःलयःकायः चीःसातेः खेःतो।

१ कोरीन्‍थी 15:34

व्‍हक्‌तोलेः चीःती पेओ काम् जाङ्‌ह्‌नौ दा नीङ्‌कोः रेव्ओ काम् ताःताः जाङ्‌ह्‌नुलु। नीङ्‌पाय् रास्‌सा खेःतो त तोनेःनाङ्‌स बा दोह् हायःती दाय्‍ह्‌सा यात्‌नीस्‌चाक्इ परमेस्‍वर्‌कायः तय्‍ह्‌तेःनीली।

१ कोरीन्‍थी 9:25

सुसुखे जीतसा बोङःनानी ओउःपाय् गलमा लीङ्‌हाय्‌मामाःत यातैज्‍योः ल्‍हुङ् स्‍याव्‌ती वाह्‌नै। एतलेः वाह्‌लेःनै ओउः तन्‌ती खेलओ मान्‍तालम्‌खे झ्‍योम्‍ह्‌ती वाय्‌सा रोकोः माला ह दोःनै ङीखे गलमा द्योक्‌मालो जीङः दोःनाःतय्‍ही।

२ कोरीन्‍थी 5:13

ङी लयःकायः ब्रःतीलेः नोःनाङी। एत यात्‌नीस्‌चाक् दाय्‍ह्‌नै यादो। लौ ओउःत नोःओपाय् परमेस्‍वर्‌कोः काम् जाङ्‌ह्‌साकायः नोःओ लेःआः। व्‍हक्‌तोलेः नोःनाङी त खेःया ओउःपाय् नीङ्‌कायःलेः नोःओआः बा।

फीलीपी 4:8

लौ पुःचोङ् हौचोङ्‌य दोह् कुरालो पेओमा लुङ्‌गार्‌सीःमा खेःलेःनाः ओउः कुरापाय् ल्‍हुङ्‌हाङः सेती मुन। दोह् दोह् दोङ् कुरा लेःआः दोह् दोह् ताङ्‌ह्ओ कुरा पेओ छय्‍ङ्ओ कुरा दोह् दोह् झाक्‌सीःओ सायःगार्‌सीःओ कुरा लेःआः इ खाल्‌कोः कुरालम् सबै ल्‍हुङ्‌हाङः सेती गम्‌नु।

१ थेसलोनिकि 5:6

ओउःत झ्‍यान्‍ते अरुलो लेखालेः ङीखे न्‍हील्‍ह्‌ती एनःओ मान्‍तालो लेखा मुसा स्‍याव्‌ल म्र्यातो व्‍हक्‌ती मुसा खेःनाःतय्‍ही।

१ थेसलोनिकि 5:8

ङी न्‍हीदीङ्‌कोः मान्‍तालम्‌खे ल्‍हुङ् म्र्यातो स्‍याव्‌ती राप्ओ ङ्‌हाम्ओ ल्‍हुङ् दोःती “लौ ङी पेतो दल्‌नाःतय्‍ही” त म्‍हर्‌ती चोङाय्‌तीलेः ल्‍युङ्‌ह्‌ती मुन।

१ तीमोथी 1:10

फेरी ल्‍हास्‍या मान्‍तालम्‌कायःमा गोय्‌चोः गोय्‌चोःकुस् च्‍योत्‌काय्ओलम्‌कायःमा कुःओ स्‍योलम् माःती तोओमा गाल्‌तुम्‌ती तोओ मान्‍तालम्‌मा सबै रेव्‌तो जाङ्‌ह्ओलम्‌कायःमा ओउः ऐन्‌पाय् जाङ्‌ह्ओलेः खेःतो। दोह् दोह्‌लेः दोङ् पेओ स्‍यान्ओलम्इ “इ रेव्ओ काम् लेःआः” त दाय्‍ह्‌ती स्‍यान्‌नानी ओउःकायः छ्यानःसाकायःलेः ओउः ऐन्‌पाय् बयःओ खेःतो।

१ तीमोथी 1:14

माः रैस ङीकोः प्रभुइ ङाकायः आन योनःती योती ओउःइ ङाकायःपाय् येसु ख्रीस्‌सै दोःओ राप्‌ती ङ्‌हाम्ओ ल्‍हुङ् बयःआताङः।

१ तीमोथी 1:2

नाङ्इ येसु ख्रीस्‌कायः दोङ्‌सीलेः ङ्‌हाम्‌तेःनौ त झ्‍यान्‍ते ङाकोः चोःलो लेखा मुतेःनाः। नाङ्‌कायःपाय् ङीकोः परमेस्‍वर्‌ आपाइमा प्रभु येसु ख्रीस्इमा काङ्‌तीलेः योनःती योती ल्‍हुङ् धोमाय्‌ताक्‌तेःपाः।

१ तीमोथी 1:5

नाङ्इ ओउःमयःकायः तोआक्‌तीको सबैइ परमेस्‍वर्‌कोः कुरा चीःओमा पेतो छय्‍ङ्ओ ल्‍हुङ्‌मा दोःती ख्रीस्‌कायः दोङ्‌सीलेः ङ्‌हाम्‌ती अरुकायः राप्‌पानी इत हायःसाकायः ङाइ ओउःतलेः तोनेःआलाङ्।

१ तीमोथी 3:11

ओउःकोः बुधीमा ओउःतलेः पेतो वाह्‌सा खेःइतो माःती गाल्‌तुम्‌ती तोओपाय् स्‍याव्‌ल। ओउःपाय् लीङ्‌हायःमामाःत बाय्‌मामाःत काम् पेतो जाङ्‌ह्‌पनौ।

१ तीमोथी 3:2

स्‍यालःओ मान्‍तापाय् नीङ्ओ ल्‍हुङ् नाःओ मान्‍ता खेःतो ओउःपाय् यातैज्‍योः बुधी वानःओ मान्‍ता खेःतो। फेरी ओउः मान्‍तापाय् व्‍हाय्ओमा गेओ ल्‍हुङ् नाःओ मान्‍ता खेःसा खेःतो अरुकायः वाङ्‌ह्‌ती रोम्ओ मान्‍ता खेःसा खेःतो अरुकायः स्‍यान्‌सा खाय्‌सा खेःतो।

१ तीमोथी 3:4

ओउःपाय् लयःकोः कीम्‌कोः मान्‍तालम्‌कायः पेतो गानाक्‌ती तोसा चीःओ मान्‍ता खेःतो। ओउःइ तोओ कुरा ओउःकोः लयःकोः चोःलम्इ ग्‍याती सायःसा खेःतो।

१ तीमोथी 3:8

ङ्‌हाम्ओलम्‌कायः काम् जाङ्‌ह्ओ मान्‍तामा पेओ ज्‍योओ मान्‍ता खेःसा खेःतो। ओउःपाय्‌लेः ब्रेह्‌ती माःती नोःओमा आन हान् तुङ्ओमा पैसा क्‍युसा मोह्‌हाय्ओमा स्‍याव्‌ल।

१ तीमोथी 5:1

थालवःपाकायः खह्र्तोलेः जान्‌लाम् लयःकोः आपालो लेखालेः “नाङ्‌कोः काम्‌पाय् इत पेतो जाङ्‌ह्उ” त तेती तोउ दा। अरु मान्‍तालम्‌खे नाङ्‌कोः हौलो लेखालेः तोउ।

तीतस् 1:13

ओउःपाय् दोङ् कुरा लेःआः ओउःत खेःओ ओउः आह्रे नोःओ सायःसा झाक्ओ मान्‍तालम्‌कायः जान्‌ती दोङ् पेओ कुरा ग्रमःत ङ्‌हाम्‌ताक्‌तेःनौ।

तीतस् 1:8

ओउःइ सबैकायः पेतो वाङ्‌ह्‌तीलेः रोम्‌सा खेःतो पेओ कुरा झाक्‌ती बोङःओ मान्‍ता खेःसा खेःतो। ओउःपाय् पेओ नीङ्ओ लीङ्‌हायःसा झाक्‌मालो व्‍हाय्ओ ओजायः जय्‌कुमःओ ल्‍हुङ् नाःओ मान्‍ता खेःसा खेःतो।

तीतस् 2:7

नाङ्इमा गलकायःमा पेओ काम् जाङ्‌ह्‌ती ओउःमयःकायः गत हायःती वाह्‌सा त छ्यानःउसु। स्‍यान्ओ बेलाहाङः दोङ् पेओ व्‍हाय्ओ कुरा स्‍यान्उ।

फीलेमोन् 1:9

बुरु नाङ् ल्‍हुङ् राप्‌ती योनःती मुतेःनाः त झ्‍यान्‍ते नाङ्‌कायः ङाइ द्याह् तेओ ह मुलेःनाङः। लौ ङा पावुल्‌पाय् थालवःपा स्‍याव्‌ती झ्‍याल्‍खानहाङः थुनती मुतोक्‌हाङः इतलेः तेनेःनाङ्।

१ पत्रुस् 1:13

ओउःत खेःओ ग्रमःत मुती ल्‍हुङ् व्‍हाय्‌तोलेः स्‍याव्‌तेःपै। “येसु ख्रीस्‌कोः थाती वाङ्‌सा दीन्‌हाङः पेतोलेः स्‍याव्‌नाःतय्‍ही” त दाय्‍ह्‌ती ओउः दीन् योसाकायः झाह्‌तोलेःमा चोङाय्‌तोलेःमा ल्‍युङ्‌ह्‌नु।

१ पत्रुस् 4:7

लौ सबै थोक्‌कोः द्युम्ओ बेलाहाङः दाह्‌खेःआ ओउःत झ्‍यान्‍ते घीःओ नीङ्ओ ल्‍हुङ् दोःती परमेस्‍वर्‌कः तेती तोनु दा।

१ पत्रुस् 5:8

लौ ब्रःमामाःत घीःतीलेः वाह्‌न। नीङ्‌कायः ह्र्योक्‌ती वाय्‌सा बोङःओ सैतान् त तोओइ जाःलो लेखा वेःताङ् ङोय्‌ताङ् सोङ्‌होली बोङ्‌होली त हायःती वाह्‌ती सुकायःमा जेःती माक्‌ती वाय्‌सा बोङःनौ।

२ पत्रुस् 1:6

व्‍हाय्‌तो स्‍याव्ओ कुस्‌ब्रक्‌त लीङ्‌हायःमाःतोलेः वाह्‌न। लीङ्‌हायःमाःत वाह्ओ कुस्‌ब्रक्‌त लीह्‌सीःओ गोरःसा ल्‍हुङ् दोःतेःपै। लीह्‌सीःओ गोरःसा ल्‍हुङ् दोःओ कुस्‌ब्रक्‌त परमेस्‍वर्‌कायः म्रोताक्ओ कुरा ग्‍याती जाङ्‌ह्‌नु।