रोमी 1:1 - चेपाङ1 इ चेती ङा पावुल् त तोओ येसु ख्रीस्कोः काम् जाङ्ह्ओ मान्ताइ लेखती ल्होक्नेःनाङ्स। ङाकायःपाय् परमेस्वर्इ गोत्ती ओउःकोः पेओ समचार् थोल्ह्ती तोसाकायः छ्युङ्ह्ती ल्होक्आताङः। Faic an caibideil |
रोमी 1:1
73 Iomraidhean Croise
ओउः पेओ नोःराय्पाय् थोल्ह्ती तोतोक्हाङः ङाइ गत खेःयाकायःमा रास्माःत ङाःतोलेः तोनाङः। ओउः नोःराय्पाय् परमेस्वर्कोः ग्वम् दोःताक्ओ नोःराय् लेःआः दोह् हायःती दाय्ह्सा ङ्हाम्आक्तीको सबै मान्तालम् दल्तो स्याव्नै। ङ्हापाय् यहुदीलम्इ लोने यहुदी खेःमालोलम्इ ङ्हाम्ती दल्तो स्याव्सा खाय्नानी।
इ चेती ङा पावुल् त तोओइमा ङीकोः हौ सोस्थेनेस्इमा नीङ् कोरीन्थ सहर्हाङः मुओ ङ्हाम्ओलम्कायः लेखती ल्होक्नेःनाङ्स। ङाकायःपाय् परमेस्वर्इ लयः झाक्तीलेः येसु ख्रीस्कोः कुरा छ्यानःसाकायः छ्युङ्ह्ती गोत्ती ल्होक्आताङः। नीङ्कायःमा सबै अरु ङीकोः प्रभु येसु ख्रीस्कःताङ् तेती तोओलम्कायःमा सबैकायः परमेस्वर्इलेः येसु ख्रीस्कुस् छय्ङ्तो स्याव्सा थेङा गोत्तेःआकाय्। एतलेः ख्रीस्पाय् ङीकोः प्रभुलेः मुनाः फेरी ओउःमयःकोः प्रभुमा मुनाः।
इ चेती ङा पावुल्मा ङीकोः हौ तीमोथीमा नीची नीस्चाक्इ नीङ् कोलसी सहर्हाङः मुओ येसु ख्रीस्कायः ङ्हाम्ओ छय्ङ्ओ हौलम्कायः लेखती ल्होक्नेःनाङ्स। ङाकायःपाय् परमेस्वर्इ लयः झाक्ती झ्यान्ते येसु ख्रीस्इ छ्युङ्ह्ती ल्होक्आताङः। लौ ङीकोः परमेस्वर् आपाइ नीङ्कायः योनःती झ्यान्ते ल्हुङ् धोमाय्ताक्तेःपै।
इ चेती ङा पावुल्इ ङाकुस् दोङ् पेतो ङ्हाम्ओ हौ तीतस्कायः लेखती ल्होक्नेःनाङ्। ङाकायःपाय् परमेस्वर्कोः काम् जाङ्ह्साकायः येसु ख्रीस्इ छ्युङ्ह्ती ल्होक्आताङः। ओउःइ छीह्ओ मान्तालम्कायः पेतो ङ्हाम्ताक्साकायःमा ओउःकोः दोङ् कुरा पेतो चीःती वाह्ताक्साकायःमा परमेस्वर्इ छ्युङ्ह्आताङः। लोने दोःसा गलमा वाय्मालो रौ जीङःकायः ङीइ झाह्तीलेः ल्युङ्ह्ती मुनाङी। इ रौ जीङःकोः कुरापाय् ओउः गलमा माःताक्मालो परमेस्वर्इ उय्ह्लेहाङःसै ङीकायः तोती गम्ओ लेःआः। ओउःइपाय् लयःकोः क्रोःओ बेलाहाङः ओउः कुराकोः नोःराय् छ्यानःआकान्। ओहाङःसैको ओउः नोःराय्पाय् थोल्ह्ती तोसाकायः ङीकायः दल्ताक्सा परमेस्वर्इपाय् ङाकायःलेः बयःती ल्होक्आताङः। लौ तीतस्य ङीकोः परमेस्वर् आपाइमा ङीकायः दल्ताक्सा येसु ख्रीस्इमा नाङ्कायः योनःती योती ल्हुङ् धोमाय्ताक्तेःपाः।
Sanasan