प्रकाश 9:4 - चेपाङ

⁴ “ओन्‌लम् सीङःलम् झ्‍युर्‌लम्‌कायः दोह्‌मा रेव्‌तो हायःताक्‌लाम् परमेस्‍वर्‌कोः छ्यानःसा छाप् जेल्‍ह्‌हाङः लावमालो मान्‍तालम्‌कायः ह रेव्‌तो हायःसा स्‍याव्‌लेःनाः” त दाय्‍ह्‌ती ओउः राय्‍क्‌न्‍यामःकोः खाल्‌कायः तोओ खेःतो।

प्रकाश 9:4 Iomraidhean Croise

मत्ती 24:24

लोन्‍तेहाङः मान्‍तालम् ‘लौ ङापाय् ख्रीस् लेःआः’ तमा ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः’ तमा माःती तोती वाङ्‌नै फेरी आन ग्‍याङ्‌ह्‌राय्‌मा जाङ्‌ह्‌नानी। ओउःमयःइ सबैकायःमा थ्‍योन्‍ह्‌ती होम्‌सा बोङःनानी परमेस्‍वर्‌कोः चल्ओमयःकायःमा होम्‌सा बोङःनानी ओउःमयःखेकायः होम्‌सा खाय्‌नीली।

एफेसस् 4:30

फेरी परमेस्‍वर्‌कोः छय्‍ङ्ओ ग्‍वालामःकायः लीह्‌ताक्‌लाम्। ओउःकोः ग्‍वालामःपाय् दोःआ त खेःया लोने वाङ्‌सा दीन्‌कायः नीङ् “ख्रीस्‌कोःलेः ल्‍हाङःती दल्ओ मान्‍ता स्‍याव्‌नै” त सबैकायः छ्यानःओ लेःआः।

प्रकाश 14:1

ओहाङःसैको ङाइ फेरी योतीलेः सीओन् त तोओ बुम्‌हाङः ओउः भेदाकोः चोः च्‍यवःआलाङः। ओउःकुस्‌पाय् यात् लाख् चवालीस् हजार्‌ मान्‍तालम् मुओ खेःतो। ओउःमयःकोः जेल्‍ह्‌हाङः ओउः चोःकोः मय्‍ङ्‌मा ओउःकोः आपाकोः मय्‍ङ्‌मा लेखओ खेःतो।

प्रकाश 6:6

ओहाङःसैको ओउः चार्‌ जीङः नाःओलम्‌कःसै दाय्‍ह्ओ हाव्‌नयःलो सायःआलाङः “लौ यात् दीन्‌कोः काम् जाङ्‌ह्‌झ्‍याङ्‌कायः यात् माना गहुङ् बयःसा यात् दीन्‌कोः सुम् माना जौ बयःसा स्‍याव्‌नाः। जैथुन् सायःकोः सातीमा धाक्‌सायःकोः तीःकायःमा छीःताक्‌लाम्” त दाय्‍ह्‌ती दाय्‍ह्ओआः।

प्रकाश 7:1

ओहाङःसैको योती चार्‌ लाङ्‌कासै ल्‍होक्ओमयः च्‍यवःआलाङः। ओउःमयःपाय् ल्‍हाव्‍ह्‌दैबाङ्‌कोः चार्‌ दोवाकोः मारुः वाङ्‌ताक्‌मासाकायः मुओ खेःइतो ओउःत झ्‍यान्‍ते साःहाङःमा द्युम्‌मालो तीःहाङःमा सबै सीङःहाङःमा मारुः वाङ्‌सा दोःल।

प्रकाश 8:7

ओउः ङ्‌हाकोः ल्‍होक्ओमयःइ ओउःकोः तुरही मुत्आकान्। मुत्आक्‌तीको ल्‍हाव्‍ह्‌दैबाङ्‌हाङः वयःकुस्इ ल्‍याव्‍ह्ओ वेर्‌मा म्‍हेःमा साःताङ् क्‍लाःओ खेःतो। ल्‍हाव्‍ह्‌दैबाङ्‌कोःमा सीङःकोःमा सुम् भाक्‌कायः यातै भाक् जाङ्‌ह्‌तीलेः म्‍हेःइ झम्‍ह्‌ती माक्ओ खेःतो ओन्‌लम्‌कायः सबै म्‍हेःइ झम्‍ह्‌ती माक्ओ खेःतो।