प्रकाश 8:12 - चेपाङ

¹² ओहाङःसैको यात्‌चाक् अरु ल्‍होक्ओमयःइ ओउःकोः तुरही मुत्आकान्। मुत्आक्‌तीको न्‍याम्‌कोःमा लाह्‌कोःमा कार्‌लम्‌कोःमा सुम् भाक्‌कायः यातै भाक् च्‍याक्‌तो स्‍याव्ओ। न्‍हीदीङ्‌हाङःमा याह्‌दीङ्‌हाङःमा चार्‌ घन्‍ताकायः च्‍याक्ओ खेःतो दोह्‌मा थोङ्‌ल।

प्रकाश 8:12 Iomraidhean Croise

मत्ती 24:29

ओहाङःसैको ओउः लीह्ओ दीन्‌लम् दप्आक्‌तीको न्‍याम्‌मा लाह्‌मा पेतो थोङ्‌ल। कार्‌लम्‌मा फेल्‌बाङ्‌सै ग्‍लेःनाः फेल्‌बाङ्‌हाङः मुओ थोक्‌लम्‌पाय् सबै ह्रेन्‌तोलेः स्‍याव्‌नाः।

मत्ती 27:45

ओहाङःसैको बार बजे न्‍याम् तोकोतोय्‍ह्‌हाङःसै लोने तीन् बजे न्‍याम् योहोरीच्‍युक्‌हाङःकायः ओउः देस्‌हाङःपाय् जुगाङ् च्‍याक्‌तो स्‍याव्आ।

मर्‌कस् 13:24

ओहाङःसैको ओउः लीह्ओ दीन्‌लम् दप्आक्‌तीको न्‍याम्‌मा लाह्‌मा पेतो थोङ्‌ल

मर्‌कस् 15:33

ओहाङःसैको बार बजे न्‍याम् दोपारे स्‍याव्‌सा बेलाहाङः ओउः देस्‌हाङःपाय् च्‍याक्‌तो स्‍याव्आ। न्‍याम् दोपारेहाङःसै तीन् बजे योहोरी च्‍युक्‌हाङःकायः च्‍याक्ओ खेःतो।

लुका 21:25

ओहाङःसैको लोने फेल्‌बाङ्‌कोः न्‍याम्‌हाङःमा लाह् कार्‌लम्‌हाङःमा आन ग्‍याङ्‌ह्‌सीःओ च्‍यवःनानी। ल्‍हाव्‍ह्‌दैबाङ्‌कोः द्युम्‌मालो तीःपाय् ओउःच्‍युक् साङ्‌ह्‌तीमा मुक्‌तीमा देस् देस्‌कोः मान्‍तालम् आन रैनै।

खबरदुत 2:20

ओहाङःसैको ओउः प्रभुकोः ताङ्‌ह्ओ काम् जाङ्‌ह्ओ दीन्‌कोः ङ्‌हासै न्‍हीदीङ्‌हाङः न्‍याम्‌पाय् याह्‌दीङ्‌लो लेखा च्‍याक्‌तो स्‍याव्‌मानाः लाह्‌पाय् वयःलो लेखा दुताङ् क्‍वार्‌ त दुतो च्‍यवःमानाः।

२ कोरीन्‍थी 4:4

दोह् हायःती दाय्‍ह्‌सा ओउःमयःइ ल्‍हुङ्‌हाङः चीःती ङ्‌हाम्‌साकायः इ ल्‍हाव्‍ह्‌दैबाङ्‌कोः सैतान् राजाइ ताक्‌थासल। ओउःत खेःओ ओउः परमेस्‍वर्‌लो लेखा ताङ्‌ह्ओ ख्रीस्‌कोः पेओ समचार्‌पाय् ओउः मान्‍तालम्इमा चीःसा खाय्‌नीली ओउः पेओ कुराइमा ओउःमयःकोः ल्‍हुङ्‌हाङः थोङ्‌ताक्‌सा दोःल।

प्रकाश 12:4

ओउःकोः मेःइ फेल्‌बाङ्‌कोः कार्‌लम्‌कोः सुम् भाक्‌कायः यात् भाक् फ्‍यास्‌ती ल्‍हाव्‍ह्‌दैबाङ्‌ताङ् क्‍लाःती वाय्आकान्। ओउः रुपाय् ओउः मोमःचोःइ चोः ओत्‌माकादे चोःकायः जेःती माक्‌माकादे बोङःसाकायः ओउः मोमःचोःकोः ङ्‌हासै ल्‍युङ्‌ह्‌ती मुओ खेःतो।

प्रकाश 16:10

ओहाङःसैको प्‍लैज्‍योः वाङ्आक्‌तीको यात्‌ज्‍योः अरु ल्‍होक्ओमयः वाङ्‌ती ओउःकोः माना ओउः तीःसै थाओकोः राजा च्‍युङःसा थाव्‌हाङः ल्‍हुक्आकान्। ओउःत ल्‍हुक्आक्‌तीको ओउःकोः राजी जुगाङ् च्‍याक्‌तोलेः स्‍याव्आ। मान्‍तालम् ओउःच्‍युक् जीक्‌ती झ्‍यान्‍ते ओउःमयःइ सय्‍क् ङ्‌हीक्आकायःइसी।

प्रकाश 6:12

ओहाङःसैको ङाइ योधै मुतोक्‌हाङः ओउः भेदाकोः चोःइपाय् यात्‌ज्‍योः अरु छाप् तेत्आकान्। ओउःकुस् छगोता छाप् तेत्ओलेः खेःतो। ओहाङःसैको तेत्आक्‌तीको ताङ्‌ह्ओ ल्‍याङ्‌मा वाङ्आ न्‍याम्‌मा गाल्ओ ग्रान्‌नाय्‌लो लेखालेः च्‍याक्‌तो स्‍याव्आ लाह्‌मा वयःलो लेखालेः दुतो स्‍याव्आ।

प्रकाश 9:15

ओउः चार्‌ ल्‍होक्ओमयःपाय् इ बर्‌सकायः इ महीनाकायः इ दीन्‌कोः दोङ् क्रोःओ बेलाहाङःकायः पानःती गम्ओ खेःइतो। ओहाङःसैको इ बेलाहाङःपाय् ओउःमयःपाय् सबै मान्‍तालम्‌कोःपाय् सुम् भाक्‌कायः यातै भाक् सात्‌साकायः फेन्‌ती ल्‍होक्ओ खेःइतो।

प्रकाश 9:18

ओउः सुम् रेव्‌तो महामारी स्‍याव्‌ताक्ओइपाय् ओउः म्‍होतोङ्‌सै ग्‍ल्‍युङ्‌ह्ओ म्‍हेःइमा म्‍हेःकुःइमा गन्‌धक्इमा मान्‍तालम्‌कोः सुम् भाक्‌कायः यातै भाक् सात्आथास।