प्रकाश 7:16 - चेपाङ

¹⁶ क्रुप्‌तोक्‌हाङः ओउःमयःपाय् गलकायःमा योङ्‌क्राय्‌माइली तीः अप्‌माइली न्‍याम्इमा दोह्इमा गलमा रावःथासल।

प्रकाश 7:16 Iomraidhean Croise

मत्ती 13:21

लोने परमेस्‍वर्‌कोः काम् जाङ्‌ह्‌साकायः लीह्‌सीःओ बेला वाङ्‌नाः त खेःया ओउः कुरा फेनानी। इलो खेःओ मान्‍तालम् रुत् ज्‍युम्‍ह्‌ती आलःमालो बाङ् ह्र्युङ्‌हाङः दीह्ओ बीया चोयालो लेखा मुनै।

मत्ती 13:6

ओउःकोः रुत् पेओ साःहाङः जोय्‌ती पोक्‌सा खाय्‌माःत न्‍याम् रावःतोक्‌हाङः मात् झ्‍योम्‍ह्‌ती सीजेःआ।

मत्ती 5:6

खाले पेओ काम् जाङ्‌ह्‌सा झाक्ओलम्‌मा चोङाय्‌तोलेः स्‍याव्‌नै ओउःमयः झाक्ओपाय् लोनेः जुदालेः दोःनाः।

मर्‌कस् 4:6

ओउःकोः रुत् पेओ साःहाङः जोय्‌ती पोक्‌सा खाय्‌माःत न्‍याम् रावःतोक्‌हाङः मात् झ्‍योम्‍ह्‌ती सीजेःआ।

लुका 1:53

ओउः योङ्‌क्राय्ओलम्‌खेकायः परमेस्‍वर्‌इ जेःसा बयःनौ नाःतो नाःओलम्‌खेकायः ओउःइ बयःमाःत ल्‍होक्‌नौ।

लुका 6:21

नीङ् तेन्‌छ्याङ् योङ्‌क्राय्‌ती मुओ मान्‍तालम्‌मा चोङाय्‌तोतेः स्‍याव्‌तेःनै दोह् हायःती दाय्‍ह्‌सा लोनेः नीङ् धुमुक्‌त कोस्‌तेःनै। नीङ् तेन्‌छ्याङ् र्‍याःती मुओलम्‌मा चोङाय्‌तोतेः स्‍याव्‌तेःनै लोनेः नीङ् आसती स्‍याव्‌तेःनै।

युहना 4:14

सुसुइ ङाइ बयःसा तीः तुङ्‌नौ ओउःखे गलमा द्योक्‌मालो रौ जीङः दोःती अरु तुङ्‌सा परल। इ रौ जीङः दोःताक्‌सा तीःपाय् ङाकःसै गलमा लय्‍ङ्‌तीलेः वाङ्‌नाः” त दाय्‍ह्‌ती येसु त्‍याङ्आ।

याकुब् 1:11

न्‍याम् रवःतोक्‌हाङः रोकोः बीरुवामा झ्‍योम्‌नाः रोमा झ्‍योम्‌ती ग्‍लेःनाः ओहाङःसैको ओउः पेओ रोपाय् जुदालेः वाय्‌तोलेः स्‍याव्‌नाः। एतलेः साहु मान्‍तापाय् पैसा क्‍युओ बेलाहाङःलेः झ्‍योम्‌ती ग्‍लेःओ रोलो लेखालेः सीती वाय्‌तोलेः स्‍याव्‌नाः।

प्रकाश 21:4

सबै क्रेस्‌ती र्‍याःओलम्‌कोः मीक्‌क्‍लीः परमेस्‍वर्‌इ जुगाङ् थ्‍युर्‌ती वाय्‌नाःथास। सीओमा क्रेस्‌ती र्‍याःओमा जीक्ओमा द्याह्‌पाय् नाःल दोह् हायःती दाय्‍ह्‌सा ङ्‌हाकोः कुरापाय् सबै म्‍हीत्‌लेःआ” त दाय्‍ह्‌ती दाय्‍ह्ओ खेःतो।