प्रकाश 7:12 - चेपाङ

¹² “ओउःतलेः स्‍याव्‌पाः दै। ङीकोः सबै ग्‍वम् नाःओ सबैसै व्‍हाय्ओ परमेस्‍वर्‌कायः मनःतीमा लुङ्‌तीमा ताङ्‌ह्‌ताक्‌तीमा ‘च्‍युता’ त गलकायःमा तोती ल्‍हापाःथै। ओउःतलेः स्‍याव्‌पाः” त दाय्‍ह्‌ती परमेस्‍वर्‌कायः ताङ्‌ह्‌ताक्‌ती तोआथै।

प्रकाश 7:12 Iomraidhean Croise

मत्ती 6:13

ङीकायः सैतान्‌सै दल्‌ताक्‌ती रेव्‌तो जाङ्‌ह्‌साकायः ताक्‌तेःचाःताङी’ त दाय्‍ह्‌ती परमेस्‍वर्‌कायः तोसाआः।

रोमी 11:36

दोह् हायःती दाय्‍ह्‌सा थोक्‌लम्‌पाय् जुदालेः ओउःइलेः जाङ्‌ह्आकान्। फेरी सबै थोक्‌लम् ओउःइ तेन्‌छ्याङ्‌मा गम्‌लेःनौ सबै लयःकायःलेः जाङ्‌ह्ओ खेःतो। ओउः परमेस्‍वर्‌कायः गलकायःमा मानओमा ताङ्‌ह्‌ताक्ओमा स्‍याव्‌पाः। माःहै ओउःतलेः स्‍याव्‌पाः।

१ कोरीन्‍थी 14:16

नाङ् ग्‍वालामःहाङः ह परमेस्‍वर्‌कायः ताङ्‌ह्‌ताक्‌ती लुङ्‌ती तोतेःचनौ त खेःया अरुलम्इ ओउः कुराकोः माने गत हायःती चीःचानी। कुराकोः माने चीःमाःत झ्‍यान्‍ते अरुलम्इ गत हायःती “माः ओउःपाय् पेतो स्‍याव्‌पाः” त होम्‌ती दाय्‍ह्‌सा खाय्‌चानी र।

२ कोरीन्‍थी 4:15

इ सबै नीङ्‌कायः पेतो स्‍याव्‌ताक्‌सा लेःआः बा एत हायःती न्‍हाङ्‌तोलेः नाःतो मान्‍तालम्‌कायः परमेस्‍वर्‌इ योनःती योती ओउःकोः रौ जीङः दोःताक्‌नाःथास। ओउःच्‍युक् नाःतो मान्‍तालम्इपाय् न्‍हाङ्‌तोलेः परमेस्‍वर्‌कायः ताङ्‌ह्‌ताक्‌ती “च्‍युता” त दाय्‍ह्‌ती तोनानी।

कोलसी 2:7

नीङ्‌कायः ङ्‌हा स्‍यान्ओलो लेखा ख्रीस्‌कोः ग्‍वम् दोःती क्रोङ्ओ ल्‍हुङ्इ ग्रमःत मुती न्‍हाङ्‌तोतेः पेतोलेः ङ्‌हाम्‌नु दा। गलकायःमा परमेस्‍वर्‌कायः च्‍युता त तोती मुन।

कोलसी 3:17

दोह् खेःयामा दाय्‍ह्‌तेःनै दोह् खेःयामा जाङ्‌ह्‌तेःनानी सबै कुरा “इ प्रभु येसुकायः लेःआः” त दाय्‍ह्‌ती ख्रीस्‌कोः मान्‍तालो लेखा जाङ्‌ह्‌मानु। “इ कुरा प्रभु येसुइ दोःताक्आताङः” दाय्‍ह्‌ती परमेस्‍वर्‌ आपाकायः “च्‍युता” त तोमानु।

यहुदा 1:25

ङीकायः दल्‌ताक्‌सा यातैज्‍योः परमेस्‍वर्‌कायः ङीकोः प्रभु येसु ख्रीस्‌कुस्इलेः जुगाङ् ताङ्‌ह्ओ पेओ ग्‍वम् नाःओलेः ङ्‌हामा द्याह्‌मा लोनेःकायःमा मुताक्‌पाः। ओउःतलेः स्‍याव्‌पाः दै।

प्रकाश 1:18

ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।

प्रकाश 19:4

ओउः चौबीस् थालवःपालम्‌मा ओउः चार्‌गोता जीङः नाःओलम्‌मा ओउः राजाकोः थाव्‌हाङः च्‍युङःओ परमेस्‍वर्‌कायः मानआकानी “माः ओउःतलेः स्‍याव्‌पाः। परमेस्‍वर्‌कायः ताङ्‌ह्‌ताक्‌तीलेः तोपाःथै” त दाय्‍ह्‌ती लुङ्‌तीलेः तोआकानी।