प्रकाश 7:11 - चेपाङ

¹¹ ओउः नोःओलम् ओउःत दाय्‍ह्‌तोक्‌हाङः सबै ल्‍होक्ओमयःपाय् ओउः राजाकोः थाव्‌कायःमा थालवःपालम्‌कायःमा चार्‌ जीङः नाःओमयःकायःमा तोङःतीलेः चीङ्‌ती मुओ खेःइतो। ओहाङःसैको ओउः नाःतो हुम्ओलम् दाय्‍ह्आक्‌तीको ओउः ल्‍होक्ओमयःइ राजाकोः थाव्‌कःताङ् बाःती स्‍यवती परमेस्‍वर्‌कायः मनःआकानी।

प्रकाश 7:11 Iomraidhean Croise

मत्ती 4:10

“लौ आल्अ नाङ् सैतान्‌पाय्। ‘नाङ्इ परमेस्‍वर्‌कायः झुङ्आले बाःती झाह्‌ती स्‍यवसा खेःनाः। ओउःकोः काम् ह जाङ्‌ह्उ दा’ तमा आखरःहाङः लेखती मुनाः” त दाय्‍ह्‌ती येसु त्‍याङ्आ।

युहना 5:23

बयःआक्‌तीको आपालो लेखा एङःतो चोःकायःमा एङःतोलेः स्‍याव्‌नाः। सुसुइ चोःकायः एङःथाल ओउःइलेः चोः ल्‍होक्ओ आपाकायःमा एङःथाल।

हेब्रैनी 1:6

परमेस्‍वर्‌इ लयःकोः ङ्‌हाकोः फुह्‌स्‍यारेःकोः चोःकायःपाय् ल्‍हाव्‍ह्‌दैबाङ्‌कःताङ् ल्‍होक्‌खेःओ बेलाहाङः “लौ सबै लाङ्‌काकोः ल्‍होक्ओमयःइ इकायः बाःती स्‍यवपानी” तमा परमेस्‍वर्‌ दाय्‍ह्‌ती तोआकान्।

प्रकाश 11:16

ओहाङःसैको ओउः लःलयःकोः राजाकोः थाव्‌लम्‌हाङः च्‍युङःओ परमेस्‍वर्‌कोः मीक्‌हाङः मुओ चौबीस् थालवःपाइ साःताङ् बाःती परमेस्‍वर्‌कायः मानती

प्रकाश 15:4

नाङ्‌कःहाङः सबै एङःतीलेः मुनै। नाङ्‌कोः मय्‍ङ्‌पाय् सबै ताङ्‌ह्‌ताक्‌लेःनानी दोह् हायःती दाय्‍ह्‌सा नाङ् ह जुगाङ् छय्‍ङ्ओलेः खेःतेःनाः। ‘नाङ्इ तय्‌छनःती योओ काम्‌लम् जुगाङ् पेओ लेःआः’ त सबैकायः छ्यानःओ लेःआः ओउःत झ्‍यान्‍ते सबै जात्‌लम् नाङ्‌कायः मानलाङ् वाङ्‌लेःनै” त दाय्‍ह्‌ती ओउःमयः मेआकाय्।

प्रकाश 22:9

“एत हायःलाम् ङापाय् नाङ्‌कुस्‌मा नाङ्‌कोः परमेस्‍वर्‌कोः कुरा छ्यानःओ पुःचोङ्‌कुस्‌मा इ कीताप्‌हाङःकोः कुरा ग्‍याती जाङ्‌ह्ओलम्‌कुस्‌मा परमेस्‍वर्‌कोः काम् जाङ्‌ह्ओचाक् लेःआः ङ। परमेस्‍वर्‌कायः मानउ” त दाय्‍ह्‌ती ओउःइ तोआताङः।

प्रकाश 4:10

ओउः बेलाहाङः ओउः चौबीस् थालवःपालम्इ ओउः राजाकोः थाव्‌हाङः च्‍युङःओचाक्‌कायः बाःती स्‍यवती मनःनानी। ओहाङःसैको लःलयःकोः सुन्‌कोः मुकुत्‌लम् ओउःकोः दोम्‌हाङः ल्‍हाती गम्‌ती

प्रकाश 4:4

ओउः थाव् तोङःतीलेः अरु चौबीस् राजा च्‍युङःसा थाव्‌लम् मुओ खेःतो। ओउः थाव्‌लम्‌हाङः चौबीस् भाम्ओ नाय् लावओ सुन्‌कोः मुकुत् ल्‍हुप्‌ती गम्ओ थालवःपालम् मुओ खेःइतो।

प्रकाश 4:6

ङ्‌हाहाङःमा पेओ ऐनालो लेखा ताङ्‌ह्ओ झेल्ओ दुम्‌हान् मुओ खेःतो। ओहाङःसैको ओउः थाव् द्याङ्‌तोलेः चार्‌ दोवाहाङः प्‍लैज्‍योः जीङः नाःओ थोक्‌लम् खेःतो। ओउःमयःपाय् आन मीक् नाःओलेः ङ्‌हासैमा लोन्‌सैमा मीक् नाःओ खेःइतो।

प्रकाश 4:8

ओउःमयःपाय् छगोता पाप् नाःओलेः खेःइतो आङ्‌गन् नाःतो मीक् खेःतो बाहीरमा भीत्रमा मीक् खेःइतो। न्‍हीदीङ्‌मा याह्‌दीङ्‌मा गलकायःमा ओउःमयः परमेस्‍वर्‌कायः मनःती मुइतो “लौ सबैसै ग्‍वम् नाःओ प्रभु परमेस्‍वर्‌पाय् छय्‍ङ्ओलेः छय्‍ङ्ओलेः छय्‍ङ्ओ लेःआः बा। ओउःपाय् ङ्‌हालेः खेःतो द्याह्‌मा मुलेःनाः लोनेःमा वाङ्‌सा खेःलेःनाः” त दाय्‍ह्‌ती मेधै मुनै।