प्रकाश 7:10 - चेपाङ

¹⁰ इत मुतोक्‌हाङः “लौ ङीकायः दल्‌ताक्ओनीस्‌पाय् ङीकोः राजाकोः थाव्‌हाङः च्‍युङःओ परमेस्‍वर्‌मा ओउः भेदाकोः चोःमा ओउःनीस् लेःआः च” त दाय्‍ह्‌ती ओउः आन नाःतो हुम्ओलम् सोतोलेः दाय्‍ह्आकाय्।

प्रकाश 7:10 Iomraidhean Croise

लुका 3:6

ओहाङःसैको लोन्‍ते मान्‍तालम्‌कायः रेव्ओसै दल्‌ताक्‌सा प्रभु वाङ्ओलेः सबैलम्इ च्‍यवःनानी’ त दाय्‍ह्‌ती ओउः मान्‍ता दाय्‍ह्आ” एत एसायाइ तोती लेखआकान्।

युहना 1:29

ओहाङःसैको उनम्‌कोः स्‍याङ्‌ह्‌लोहाङः येसु वाङ्‌धै वाङ्ओलेः युहनाइ च्‍यवःआकान् “लौ इपाय् ल्‍हाव्‍ह्‌दैबाङ्‌कोः मान्‍ताकायः रेव्ओ काम् क्‍युम्‍ह्‌ताक्‌सा चाक् लेःआः। ओउःपाय् परमेस्‍वर्‌कायः ल्‍हाती सात्‌सा भेदाकोः चोःलो लेखा लेःआः।

युहना 1:36

ओहाङः चीङ्‌ती मुतोक्‌हाङः येसु द्याङ्‌ती वाह्ओ च्‍यवःआकानी। एत च्‍यवःती “लौ योनु दा। इपाय् परमेस्‍वर्‌कोः भेदा मेत्‌छ्याःकोः चोः लेःआः बा” त दाय्‍ह्‌ती युहनाइ तोआथाच।

युहना 4:22

तेन्‌छ्याङ् नीङ् समारीया देस्‌कोः मान्‍तालम्‌खेइ परमेस्‍वर्‌कायः मानसा पेतोलेः चीःधाङ्‌तेःनीली। ङीखेइ चीःनानी दोह् हायःती दाय्‍ह्‌सा परमेस्‍वर्‌कोः दल्‌ताक्ओ कुरा ङी यहुदी मान्‍तालम्‌कःसै दोःआनाः।

एफेसस् 2:8

नीङ् ख्रीस्‌कोः कुरा ङ्‌हाम्ओलम्‌पाय् परमेस्‍वर्‌इ योनःती योती दल्‌तेःताक्‌तेःआकाय् ओउःत हायःओपाय् नीङ्इ जाङ्‌ह्ओ काम् खेःल परमेस्‍वर्‌इ लयः जाङ्‌ह्ओआः बा।

प्रकाश 12:10

ओहाङःसैको ओउःमयः क्‍लाःआक्‌तीको लाङ्‌काहाङः सोतो हाव्‌नयः सायःआलाङः “लौ द्याह्‌गोते ङीकोः परमेस्‍वर्‌कोः दल्‌ताक्‌सा ग्‍वम्‌मा ओउः राजीमा छ्यानःओ लेःआः बा। ओउःकोः ख्रीस्‌कोः हुकुम् बयःसा ग्‍वम्‌मा छ्यानःओ लेःआः। ङीकोः पुःचोङ् हौचोङ्‌कायः परमेस्‍वर्‌कःताङ् न्‍हीदीङ्‌मा याह्‌दीङ्‌हाङःमा गाल्‌तुम्ओचाक्‌कायः लाङ्‌कासै रुनःती क्‍लाःओ लेःआः बा।

प्रकाश 19:1

ओहाङःसैको लाङ्‌कासै नाःतो हुम्ओ मान्‍तालम्‌कोः हाव्‌नयःलो लेखा सायःआलाङः “ङीकोः परमेस्‍वर्‌कायः ताङ्‌ह्‌ताक्‌तीलेः तोपाःथै। ओउःपाय् सबै दल्‌ताक्‌सा ग्‍वम् नाःओमा ताङ्‌ह्ओ परमेस्‍वर्‌ लेःआः बा।

प्रकाश 21:5

ओहाङःसैको ओउः राजा च्‍युङःसा थाव्‌हाङः मुओचाक्‌पाय् “लौ सबै कुरा नयालेः जाङ्‌ह्‌नाङः बा” त दाय्‍ह्‌ती दाय्‍ह्ओ खेःतो। “लौ इ कुरापाय् दोङ् ङ्‌हाम्‌सीःओ कुरा लेःआः। ओउःपाय् लेखउ दा” तमा दाय्‍ह्‌ती ङाकायः तोआताङः।

प्रकाश 22:3

ओहाङःसैको ओउः सहर्‌हाङःपाय् परमेस्‍वर्‌इ प्रनःओपाय् दोह्‌मा नाःल। ओहाङः परमेस्‍वर्‌कोःमा ओउः भेदाकोः चोःकोः च्‍युङःती मुओ थाव् मुलेःनाः। परमेस्‍वर्‌कायः ओउःकोः काम् जाङ्‌ह्ओलम्इ माननानी।

प्रकाश 4:6

ङ्‌हाहाङःमा पेओ ऐनालो लेखा ताङ्‌ह्ओ झेल्ओ दुम्‌हान् मुओ खेःतो। ओहाङःसैको ओउः थाव् द्याङ्‌तोलेः चार्‌ दोवाहाङः प्‍लैज्‍योः जीङः नाःओ थोक्‌लम् खेःतो। ओउःमयःपाय् आन मीक् नाःओलेः ङ्‌हासैमा लोन्‌सैमा मीक् नाःओ खेःइतो।

प्रकाश 5:7

ओउः भेदा मेत्‌छ्याःकोः चोःपाय् वाङ्‌ती ओउः कागत्‌कोः थुरीलेः राजाकोः थाव्‌हाङः च्‍युङःओ चाक्‌कोः ङोय् क्रुत्‌सै त्‍याक्आकान्।