प्रकाश 7:1 - चेपाङ

¹ ओहाङःसैको योती चार्‌ लाङ्‌कासै ल्‍होक्ओमयः च्‍यवःआलाङः। ओउःमयःपाय् ल्‍हाव्‍ह्‌दैबाङ्‌कोः चार्‌ दोवाकोः मारुः वाङ्‌ताक्‌मासाकायः मुओ खेःइतो ओउःत झ्‍यान्‍ते साःहाङःमा द्युम्‌मालो तीःहाङःमा सबै सीङःहाङःमा मारुः वाङ्‌सा दोःल।

प्रकाश 7:1 Iomraidhean Croise

मत्ती 24:31

वाङ्आक्‌तीको ओउःइ लाङ्‌काकोः ल्‍होक्ओमयः ताङ्‌ह्ओ तुरहीकोः हाव्‌नयःकुस्इ ल्‍होक्‌ती परमेस्‍वर्‌इ छ्युङ्‌ह्ओ मान्‍तालम्‌कायः ल्‍हाव्‍ह्‌दैबाङ्‌कोः चार्‌दोवासै हुम्‌ती वानःनाःथास।

मर्‌कस् 13:27

वाङ्आक्‌तीको ओउःइ लाङ्‌काकोः ल्‍होक्ओमयः ल्‍होक्‌ती परमेस्‍वर्‌इ चल्ओ मान्‍तालम्‌कायः ल्‍हाव्‍ह्‌दैबाङ्‌कोः चार्‌दोवासै हुम्‌ती वानःनाःथास।

प्रकाश 20:8

बेन्आक्‌तीको ओउःइपाय् ल्‍हाव्‍ह्‌दैबाङ्‌कोः चार्‌ दोवाहाङः मुओ गोग् मागोग त तोओ मान्‍तालम्‌कायः माःती थ्‍योन्‍ह्‌ती ताङ्‌ह्ओ मीन्‍ह्‌काय्‌साकायः हुम्‌ताक्‌नाःथास। ओउः मान्‍तालम्‌पाय् आन नाःतोलेः ल्‍हाव्‍ह्‌दैबाङ्‌कोः बाङ्‌लम्‌च्‍युक् नाःतोलेः मुनै।

प्रकाश 6:6

ओहाङःसैको ओउः चार्‌ जीङः नाःओलम्‌कःसै दाय्‍ह्ओ हाव्‌नयःलो सायःआलाङः “लौ यात् दीन्‌कोः काम् जाङ्‌ह्‌झ्‍याङ्‌कायः यात् माना गहुङ् बयःसा यात् दीन्‌कोः सुम् माना जौ बयःसा स्‍याव्‌नाः। जैथुन् सायःकोः सातीमा धाक्‌सायःकोः तीःकायःमा छीःताक्‌लाम्” त दाय्‍ह्‌ती दाय्‍ह्ओआः।

प्रकाश 7:3

“लौ ङीकोः परमेस्‍वर्‌कोः काम् जाङ्‌ह्ओलम्‌कायः इत छ्यान्‍ह्‌सा छाप् जेल्‍ह्‌हाङः गम्‌धाङ्‌माच्‍युक्‌कायः ल्‍हाव्‍ह्‌दैबाङ्‌कायःमा द्युम्‌मालो तीःकायःमा सीङःकायःमा दोह्‌मा पेमालो स्‍याव्‌ताक्‌लाम्” त दाय्‍ह्‌ती तोआथास।

प्रकाश 8:7

ओउः ङ्‌हाकोः ल्‍होक्ओमयःइ ओउःकोः तुरही मुत्आकान्। मुत्आक्‌तीको ल्‍हाव्‍ह्‌दैबाङ्‌हाङः वयःकुस्इ ल्‍याव्‍ह्ओ वेर्‌मा म्‍हेःमा साःताङ् क्‍लाःओ खेःतो। ल्‍हाव्‍ह्‌दैबाङ्‌कोःमा सीङःकोःमा सुम् भाक्‌कायः यातै भाक् जाङ्‌ह्‌तीलेः म्‍हेःइ झम्‍ह्‌ती माक्ओ खेःतो ओन्‌लम्‌कायः सबै म्‍हेःइ झम्‍ह्‌ती माक्ओ खेःतो।

प्रकाश 9:14

“लौ ताङ्‌ह्ओ युफ्रातेस् त तोओ मातीःहाङः पानःती गम्ओ चार्‌ ल्‍होक्ओमयःकायः फास्‌ती फेन्उ दा” त दाय्‍ह्ओ ओउः मेस्‌लोहाङः तुरही मुत्ओ ल्‍होक्ओमयःकायः तोओ खेःतो।

प्रकाश 9:4

“ओन्‌लम् सीङःलम् झ्‍युर्‌लम्‌कायः दोह्‌मा रेव्‌तो हायःताक्‌लाम् परमेस्‍वर्‌कोः छ्यानःसा छाप् जेल्‍ह्‌हाङः लावमालो मान्‍तालम्‌कायः ह रेव्‌तो हायःसा स्‍याव्‌लेःनाः” त दाय्‍ह्‌ती ओउः राय्‍क्‌न्‍यामःकोः खाल्‌कायः तोओ खेःतो।