प्रकाश 6:5 - चेपाङ

⁵ ओहाङःसैको ओउः भेदाकोः चोःइपाय् यात्‌ज्‍योः अरु छाप् तेत्आकान्। ओउः छाप् तेत्आक्‌तीको यात्‌ज्‍योः अरु जीङः नाःओमयःइपाय् “वाङ्अ” त दाय्‍ह्‌ती तोआकान्। ओउःत तोआक्‌तीको ङाइ योती यात्‌ज्‍योः गाल्ओ घोरा च्‍यवःआलाङः। ओउःकोः गीङ्‌हाङः लन्‍ह्‌ती वाह्ओचाक्इपाय् क्रुत्‌हाङः लाङ्‌साकायः तुलो लात्आकान्।

प्रकाश 6:5 Iomraidhean Croise

मत्ती 24:7

ओनम् दीन् यात्‌ज्‍योः देस्‌कोः मान्‍तालम् अरु देस्‌कोः मान्‍तालम्‌कुस् मीन्‍ह्‌काय्‌नै यात्‌ज्‍योः राजामा अरु राजाकुस्‌मा कायःकाय्‌मानै। थाव् थाव्‌हाङः ताङ्‌ह्ओ ल्‍याङ्‌मा वाङ्‌नाः जोक्‌तो अनीकाल्‌मा स्‍याव्‌नाः।

प्रकाश 5:5

ङा ओउःत र्‍याःतोक्‌हाङः थालवःपाकोः यात्‌चाक्इ ङाकायः ल्‍हेःती “लौ ताः ताः र्‍याःअल। योउ दा दावुद्‌कोः ताङ्‌ह्ओ प्‍लोमःदाने यहुदा खलक्‌कोः माजाः त तोओइ रेव्ओकायः सबै क्‍लीमःआकान्। ओउःइपाय् ओउः कागत्‌कोः सात्‌गोता छाप्‌लम् तेत्‌ती फास्‌सा खाय्‌लेःनौ” त दाय्‍ह्‌ती तोआताङः।

प्रकाश 5:9

ओहाङःसैको नया गीत् मेती “लौ ओउः थुरी त्‍याक्‌ती छाप् तेत्‌ती फास्‌साकायः नाङ्‌लेःतेः ज्‍योतेःनाः दोह् हायःती दाय्‍ह्‌सा नाङ्‌पाय् सात्ओलेः खेःतेःतो। नाङ्‌कोः वयःइ परमेस्‍वर्‌कायः सबै खलक् भासा देस् जात्‌लम्‌कोः मान्‍तालम् ल्‍हाङ्‌ती लेःतेःआकान्।

प्रकाश 6:1

ओहाङःसैको ङा योतोक्‌हाङः ओउः भेदाकोः चोः त तोओइ ओउः सात्‌गोता छाप्‌कोःपाय् यातैज्‍योः ङ्‌हाकोः छाप् तेत्आकान्। छाप् तेत्आक्‌तीको यात्‌ज्‍योः जीङः नाःओमयःइपाय् सोतो मुक्ओ हाव्‌नयःइलेः “वाङ्अ” त दाय्‍ह्‌ती तोआकान्।