प्रकाश 6:2 - चेपाङ2 ओउःत तोतोक्हाङः ङाइ योती यात्ज्योः भाम्ओ घोरा च्यवःआलाङः। ओउः घोराकोः गीङ्हाङः लन्ह्ती वाह्ओचाक्पाय् लाःलुयः लात्ओ खेःतो ओउःकायःपाय् मुकुत् बयःओ खेःतो। बयःआक्तीको ओउःपाय् अरुकायः क्लीमःओचाक्लो लेखालेः अरुकायः क्लीमःलाङ् आल्आ। Faic an caibideil |
प्रकाश 6:2
22 Iomraidhean Croise
ओहाङःसैको ओउः सात्गोता ल्होक्ओमयःकोः ओउः दप्ती सोय्ह्तो स्याव्ओपाय् ओउःकोः तुरही मुत्आकान्। मुत्आक्तीको लाङ्काहाङः सोतो गोःओ हाव्नयःलम् सायःओ खेःतो “लौ ल्हाव्ह्दैबाङ्कोः राजीपाय् ङीकोः परमेस्वर्कोःमा ओउःकोः ख्रीस्कोःमा स्याव्ओआः बा। ओउःपाय् गलकायःमा हुकुम् बयःसा राजालेः स्याव्नाः” त दाय्ह्ती दाय्ह्ओ खेःतो।
अरु अरु जात्लम्पाय् ल्हुङ् मल्ह्तोलेः स्याव्आकाय् द्याह् नाङ्कोः ल्हुङ् मल्ह्ओ बेला दाह्ओआः बा। सीओलम्कायः तय्छनःती योसा बेलामा सबैकोः जाङ्ह्झ्याङ्कोः बयःसा बेलामा दाह्ओ लेःआः। नाङ्कोः काम् जाङ्ह्ओ कुरा छ्यानःती तोओलम्कायःमा नाङ्कायः ङ्हाम्ओलम्कायःमा नाङ्कोः मय्ङ् मनःओलम्कायःमा ताङ्ह्ओमा मीओमा सबैकायः काम् जाङ्ह्झ्याङ्कोः बयःसा बेला द्याह् दाह्ओआः। ल्हाव्ह्दैबाङ्कायः रेव्ताक्ती वाय्ताक्ओलम्कायःमा वाय्ताक्सा बेला दाह्ओ लेःआः बा” त दाय्ह्ती ओउः चौबीस् थालवःपालम् दाय्ह्आकाय्।
ओहाङःसैको ङाइ यात्ज्योः ताङ्ह्ओ ऐनाकोः जाङ्ह्ओ दुम्हान् च्यवःआलाङः। ओउः ऐनापाय् म्हेःकुस् ल्याव्ह्ओ खेःतो। ओहाङःसैको दुम्हान्कोः चीनःहाङः ओउः तीःसै थाओकायःमा ओउःकोः मुर्तीकायःमा ओउःकोः मय्ङ्कोः नम्बर्कायःमा क्लीमःसा खाय्ओलम्पाय् परमेस्वर्इ बयःओ वरनी लात्तीलेः चीङ्ती मुओ खेःइतो।
ओहाङःसैको ओउःमयःपाय् ओउः भेदाकोः चोःकुस् मीन्ह्काय्लेःनै। ओउःकुस् मीन्ह्काय्इतो ओउःमयःकायः ओउः भेदाकोः चोःइ क्लीमःनाःथास दोह् हायःती दाय्ह्सा ओउः भेदाकोः चोःपाय् सबैसै ताङ्ह्ओ प्रभुमा राजा लेःआः बा। ओउःकुस् वाह्ओलम्पाय् ओउःइ छ्युङ्ह्ती गोत्ओ पेतो ङ्हाम्ओ मान्तालम् लेःआः इ” त दाय्ह्ती ओउः ल्होक्ओमयःइ तोआताङः।
Sanasan