प्रकाश 5:8 - चेपाङ8 ओउःत त्याक्आक्तीको ओउः चार्गोता जीङः नाःओलम्मा ओउः चौबीस् थालवःपालम्मा ओउःकःताङ् बाःती स्यवआकानी। ओउःमयःपाय् क्रुत्क्रुत्हाङः याःआःज्योः वरनीमा धुप् लात्साकायः सुन्कोः लोतामा धुप् ब्लीङ्तोलेः लात्आकानी। ओउः धुप्पाय् ङ्हाम्ओलम्इ परमेस्वर्कायः तेती तोओ कुरा लेःआः। Faic an caibideil |
प्रकाश 5:8
27 Iomraidhean Croise
ओहाङःसैको ङाइ यात्ज्योः ताङ्ह्ओ ऐनाकोः जाङ्ह्ओ दुम्हान् च्यवःआलाङः। ओउः ऐनापाय् म्हेःकुस् ल्याव्ह्ओ खेःतो। ओहाङःसैको दुम्हान्कोः चीनःहाङः ओउः तीःसै थाओकायःमा ओउःकोः मुर्तीकायःमा ओउःकोः मय्ङ्कोः नम्बर्कायःमा क्लीमःसा खाय्ओलम्पाय् परमेस्वर्इ बयःओ वरनी लात्तीलेः चीङ्ती मुओ खेःइतो।
ओउःमयःपाय् छगोता पाप् नाःओलेः खेःइतो आङ्गन् नाःतो मीक् खेःतो बाहीरमा भीत्रमा मीक् खेःइतो। न्हीदीङ्मा याह्दीङ्मा गलकायःमा ओउःमयः परमेस्वर्कायः मनःती मुइतो “लौ सबैसै ग्वम् नाःओ प्रभु परमेस्वर्पाय् छय्ङ्ओलेः छय्ङ्ओलेः छय्ङ्ओ लेःआः बा। ओउःपाय् ङ्हालेः खेःतो द्याह्मा मुलेःनाः लोनेःमा वाङ्सा खेःलेःनाः” त दाय्ह्ती मेधै मुनै।
ओउःत तोआक्तीको ङाइ योती यात्ज्योः भेदा मेत्छ्याःकोः चोः ओउः राजा च्युङःसा थाव्कोः माझहाङः सात्गार्ओ लेखा च्यवःआलाङः। ओउःकायः तोङःती ओउः चार् जीङः नाःओलम्मा ओउः चौबीस् थालवःपालम्मा मुओ खेःतो। ओउः भेदामेत्छ्याःकोः चोःपाय् सात्गोता रोङःमा सात्गोता मीक् नाःओ खेःतो। ओउःकोः सात्गोता मीक्पाय् ओउः ल्हाव्ह्दैबाङ्हाङः तीक्ती वाह्साकायः ल्होक्ओ परमेस्वर्कोः सात् ग्वालामः लेःआः इ।
Sanasan