प्रकाश 5:6 - चेपाङ6 ओउःत तोआक्तीको ङाइ योती यात्ज्योः भेदा मेत्छ्याःकोः चोः ओउः राजा च्युङःसा थाव्कोः माझहाङः सात्गार्ओ लेखा च्यवःआलाङः। ओउःकायः तोङःती ओउः चार् जीङः नाःओलम्मा ओउः चौबीस् थालवःपालम्मा मुओ खेःतो। ओउः भेदामेत्छ्याःकोः चोःपाय् सात्गोता रोङःमा सात्गोता मीक् नाःओ खेःतो। ओउःकोः सात्गोता मीक्पाय् ओउः ल्हाव्ह्दैबाङ्हाङः तीक्ती वाह्साकायः ल्होक्ओ परमेस्वर्कोः सात् ग्वालामः लेःआः इ। Faic an caibideil |
प्रकाश 5:6
35 Iomraidhean Croise
फीलीप्कायः गोत्तोक्हाङः ओउः मन्तरी परमेस्वर्कोः आखरःहाङः इतलेः पह्रओ खेःतो “पाल्साकायः वानःओ भेदामेत्छ्याःमा मेनः खुर्साकायः वानःओ भेदामेत्छ्याःकोः चोःलेः ओउःकायः सात्सा खुर्सा बोङःओ मान्ताकायः नोःसामा जान्सामा खाय्उलु ओउःलो लेखालेः ओउः मान्ताइलेः ओउःकायः सात्सा बोङःओ मान्तालम्कायः नोःउलु।
इ कुरा ङा युहना त तोओइ असीया अन्चल्हाङः मुओ सात् थाव्कोः ङ्हाम्ओलम्कायः लेखनाङः। लौ परमेस्वर्पाय् द्याह्लेः मुनाः ङ्हामा खेःलेःतो लोनेःमा वाङ्सा खेःलेःनाः। ओउः गलकायःमा मुओ परमेस्वर्इमा ओउःकोः राजालो च्युङःती मुओ थाव्कोः ङ्हासै मुओ सात्गोता ग्वालामःलम्इमा नीङ्कायः योनःती योती ल्हुङ् धोमाय्ताक्तेःपै।
ओहाङःसैको ओउःमयःपाय् ओउः भेदाकोः चोःकुस् मीन्ह्काय्लेःनै। ओउःकुस् मीन्ह्काय्इतो ओउःमयःकायः ओउः भेदाकोः चोःइ क्लीमःनाःथास दोह् हायःती दाय्ह्सा ओउः भेदाकोः चोःपाय् सबैसै ताङ्ह्ओ प्रभुमा राजा लेःआः बा। ओउःकुस् वाह्ओलम्पाय् ओउःइ छ्युङ्ह्ती गोत्ओ पेतो ङ्हाम्ओ मान्तालम् लेःआः इ” त दाय्ह्ती ओउः ल्होक्ओमयःइ तोआताङः।
ओउःमयःपाय् छगोता पाप् नाःओलेः खेःइतो आङ्गन् नाःतो मीक् खेःतो बाहीरमा भीत्रमा मीक् खेःइतो। न्हीदीङ्मा याह्दीङ्मा गलकायःमा ओउःमयः परमेस्वर्कायः मनःती मुइतो “लौ सबैसै ग्वम् नाःओ प्रभु परमेस्वर्पाय् छय्ङ्ओलेः छय्ङ्ओलेः छय्ङ्ओ लेःआः बा। ओउःपाय् ङ्हालेः खेःतो द्याह्मा मुलेःनाः लोनेःमा वाङ्सा खेःलेःनाः” त दाय्ह्ती मेधै मुनै।
ओहाङःसैको लाङ्काहाङःमा ल्हाव्ह्दैबाङ्हाङःमा नालाहाङःमा द्युम्मालो तीःहाङःमा सबै जीङः नाःओलम्पाय् मेती “लौ ओउः राजाकोः थाव्हाङः मुओचाक्कायःमा ओउः भेदाकोः चोःकायःमा ओउः सबैसै ग्वम् नाःओ नीस्चाक्कायः सबै लुङ्ती तोसामा मानसामा ताङ्ह्ताक्सामा गलकायःमा ल्हापाःथाच” त दाय्ह्ती मेओ सायःआलाङः।
Sanasan