प्रकाश 5:5 - चेपाङ

⁵ ङा ओउःत र्‍याःतोक्‌हाङः थालवःपाकोः यात्‌चाक्इ ङाकायः ल्‍हेःती “लौ ताः ताः र्‍याःअल। योउ दा दावुद्‌कोः ताङ्‌ह्ओ प्‍लोमःदाने यहुदा खलक्‌कोः माजाः त तोओइ रेव्ओकायः सबै क्‍लीमःआकान्। ओउःइपाय् ओउः कागत्‌कोः सात्‌गोता छाप्‌लम् तेत्‌ती फास्‌सा खाय्‌लेःनौ” त दाय्‍ह्‌ती तोआताङः।

प्रकाश 5:5 Iomraidhean Croise

लुका 23:28

“अ यरुसालेम्‌कोः नाःचोङ्‌य ङाखेकायः क्रेस्‌चाःनाङ्‌स नीङ् लयःकायःमा नीङ्‌कोः चोःलम् याङ्‌लम्‌खेकायःमा क्रेस्‌नु दा।

लुका 7:13

ओहाङःसैको ओउः सीओ चोःकोः आमाकायः येसुइ च्‍यवःती योनःआथै। “ताः र्‍याःल” त दाय्‍ह्‌ती येसुपाय् ओउः सीओ मान्‍ताकोः म्‍हाङ्‌कःताङ् वाङ्आ।

लुका 8:52

ओहाङःसैको कीम्‌हाङःपाय् सबै ओउः चोःकायः क्रेस्‌ती र्‍याःती मुओ खेःतो। इत च्‍यवःती “लौ ताः ताः र्‍याःतेःनल। ओउःपाय् सीलेःल एनःतीलेः मुओ ह” त दाय्‍ह्‌ती तोथासतो

युहना 20:13

एत च्‍यवःतोक्‌हाङः “अ मोमःचोः दोह् हायःतीतेः र्‍याःतेःनाः” त दाय्‍ह्‌ती ओउःनीस्इ व्‍हत्आथै “ङीकोः प्रभुकायः आलःआकानी। ओउःपाय् द्याह् ‘गाःहाङः गम्ओ’ त ङाइ चीःङल” त दाय्‍ह्‌ती त्‍याङ्‌तोक्‌हाङः लोय्‌ती

रोमी 1:3

ओउः पेओ नोःराय्‌पाय् ङीकोः प्रभु येसु ख्रीस्‌कोः कुरा लेःआः। येसु ख्रीस्‌त तोओपाय् परमेस्‍वर्‌कोः चोः लेःआः। ओहाङःसैको ओउःपाय् मान्‍ता स्‍याव्‌ती दावुद् राजाकोः प्‍लोमःदाने त तोओ खेःतो।

रोमी 15:12

ओहाङःसैको एसायाइ लेखओ आखरःहाङः “लौ येसेकोः प्‍लोमःदानेसै यात्‌चाक् वाङ्‌लेःनाः ओउःपाय् यहुदी खेःमालोलम्‌कोः राजालेः स्‍याव्‌नाः। ‘ओउःइलेः ङीकायः पेतो स्‍याव्‌ताक्‌नाःतय्‍ही’ त दाय्‍ह्‌ती ओउः वाङ्‌साकायः ओउःमयः झाह्‌ती ल्‍युङ्‌ह्‌ती मुनै” त दाय्‍ह्ओ लेखती मुनाः।

प्रकाश 1:1

इपाय् येसु ख्रीस्इ छ्यानःओ कुरा लेःआः। ओउःकोः लयःकोः काम् जाङ्‌ह्ओलम्‌कायः “रेन्‍ह्‌तोलेः वाङ्‌सा खेःओ कुरा दोह्‌लो” त स्‍यान्‌सा थेङा इ कुरा परमेस्‍वर्‌इ येसु ख्रीस्‌कायः बयःआथै। ओहाङःसैको येसुइ लयःकोः काम् जाङ्‌ह्ओ युहनाकायः इ कुरा छ्यानःसा थेङा यात्‌चाक् लाङ्‌कासै ल्‍होक्ओमयः ल्‍होक्आकान्।

प्रकाश 22:16

“लौ इ कुरा सबै ङ्‌हाम्ओलम् छ्यानःती तोसा थेङा ङा येसुइ ङाकोः ल्‍होक्ओमयःकायः नीङ्‌कःताङ् ल्‍होक्आलाङः। ङापाय् दावुद्‌कोः होह्र्कोः तुङःलेः ओउः बीहान प्रीमा च्‍योक्‌ती थाओ थोङ्ओ कार्‌ लेःआः ङ” त दाय्‍ह्‌ती ओउःपाय् दाय्‍ह्आ।

प्रकाश 3:21

सुसुइ रेव्ओकायः क्‍लीमःनानी ओउःकायः ङाकुस् राजा च्‍युङःसा थाव्‌हाङः मुसा दोःताक्‌नाङः। ओउःतलेः ङाइमा रेव्ओकायः क्‍लीमःआक्‌तीको ङाकोः आपाकोः राजा च्‍युङःसा थाव्‌हाङः ओउःकुस् मुसा दोःआलाङः’

प्रकाश 4:10

ओउः बेलाहाङः ओउः चौबीस् थालवःपालम्इ ओउः राजाकोः थाव्‌हाङः च्‍युङःओचाक्‌कायः बाःती स्‍यवती मनःनानी। ओहाङःसैको लःलयःकोः सुन्‌कोः मुकुत्‌लम् ओउःकोः दोम्‌हाङः ल्‍हाती गम्‌ती

प्रकाश 4:4

ओउः थाव् तोङःतीलेः अरु चौबीस् राजा च्‍युङःसा थाव्‌लम् मुओ खेःतो। ओउः थाव्‌लम्‌हाङः चौबीस् भाम्ओ नाय् लावओ सुन्‌कोः मुकुत् ल्‍हुप्‌ती गम्ओ थालवःपालम् मुओ खेःइतो।

प्रकाश 5:4

ओउः कागत् फास्‌ती योसाकायः ज्‍योओचाक्‌पाय् गाःहाङःमा च्‍यवःल त झ्‍यान्‍ते ङा आन लीह्‌ती र्‍याःआलाङः।

प्रकाश 6:1

ओहाङःसैको ङा योतोक्‌हाङः ओउः भेदाकोः चोः त तोओइ ओउः सात्‌गोता छाप्‌कोःपाय् यातैज्‍योः ङ्‌हाकोः छाप् तेत्आकान्। छाप् तेत्आक्‌तीको यात्‌ज्‍योः जीङः नाःओमयःइपाय् सोतो मुक्ओ हाव्‌नयःइलेः “वाङ्अ” त दाय्‍ह्‌ती तोआकान्।

प्रकाश 7:13

ओहाङःसैको “लौ इमयः भाम्ओ नाय् लावओलम्‌पाय् सुलो खेःनै गाःसै वाङ्ओलेः” त दाय्‍ह्‌ती यात्‌चाक् थालवःपाइ व्‍हत्‌ताङःतो