प्रकाश 5:2 - चेपाङ

² ओहाङःसैको यात्‌चाक् ताङ्‌ह्ओ ल्‍होक्ओमयःकायः च्‍यवःआलाङः “लौ छाप् तेत्‌ती इ कागत् खीह्‌ती फास्‌साकायः सुखेलो ज्‍योलेःनाः” त दाय्‍ह्‌ती ओउः ल्‍होक्ओमयः सोतोलेः व्‍हत्आकान्।

प्रकाश 5:2 Iomraidhean Croise

प्रकाश 10:1

ओहाङःसैको यात्‌चाक् अरु ताङ्‌ह्ओ ल्‍होक्ओमयः लाङ्‌कासै ग्‍ल्‍युङ्‌ह्ओ च्‍यवःआलाङः। ओउःपाय् मुस्इलेः क्रमःओ खेःतो। तालाङ्‌हाङः यो मुतो ओउःकोः खेन्‌पाय् न्‍याम्‌लो लेखा थोङ्‌तो दोम्‌पाय् म्‍हेः ल्‍युङ्ओ धुर्‌कुनःसीङःलो लेखा खेःतो।

प्रकाश 18:21

ओहाङःसैको यात्‌चाक् ताङ्‌ह्ओ ल्‍होक्ओमयः ताङ्‌ह्ओ ग्रायःबाङ्‌च्‍युक् लीःओ बाङ् च्‍युन्‌ती द्युम्‌मालो तीःहाङः तोस्‌ती वाय्‌ती “लौ इतलेः ओउः ताङ्‌ह्ओ बाबीलोन् त तोओ सहर्‌पाय् तोस्‌ती वाय्‌लेःनाः। वाय्आक्‌तीको ओउःपाय् जुगाङ् म्‍हीत्‌लेःनाः” त दाय्‍ह्‌ती दाय्‍ह्आ।

प्रकाश 5:1

ओहाङःसैको ओउः राजाकोः थाव्‌हाङः च्‍युङःओचाक्‌कोः ङोय् क्रुत्‌हाङः तुलःती गम्ओ कागत्‌कोः थुरी च्‍यवःआलाङः। ओउः कागत्‌पाय् खोस्‌सैमा काह्‌सैमा लेखओ खेःतो सात्‌गोता मोहर्‌ छाप्इ पानःओ खेःतो।

प्रकाश 5:5

ङा ओउःत र्‍याःतोक्‌हाङः थालवःपाकोः यात्‌चाक्इ ङाकायः ल्‍हेःती “लौ ताः ताः र्‍याःअल। योउ दा दावुद्‌कोः ताङ्‌ह्ओ प्‍लोमःदाने यहुदा खलक्‌कोः माजाः त तोओइ रेव्ओकायः सबै क्‍लीमःआकान्। ओउःइपाय् ओउः कागत्‌कोः सात्‌गोता छाप्‌लम् तेत्‌ती फास्‌सा खाय्‌लेःनौ” त दाय्‍ह्‌ती तोआताङः।