प्रकाश 5:11 - चेपाङ

¹¹ ओहाङःसैको ङा फेरीलेः योती आन नाःतो ल्‍होक्ओमयःलम्‌कोः मेओ हाव्‌नयः सायःआलाङः। ओउःमयः लाख्‌कोः लाख् नाःतोलेः स्‍याव्‌ती ओउः राजा च्‍युङःसा थाव्‌मा ओउः चार्‌ जीङः नाःओलम्‌मा ओउः चौबीस् थालवःपालम्‌मा सबैकायः तोङःतीलेः

प्रकाश 5:11 Iomraidhean Croise

हेब्रैनी 12:22

ओउःमयःलम्‌खे ओउःत युमःसीःओ सीनाय् बुम्‌ताङ् वाङ्ओ खेःइतो नीङ्‌खे ओउः सीओन् त तोओ बुम्‌ताङ् वाङ्‌तेःआकाय्। ओउः बुम्‌पाय् ओउः जीङः नाःओ परमेस्‍वर्‌कोः सहर्‌ “लाङ्‌काकोः यरुसालेम्” त तोओ सहर्‌लेः खेःनाः बा। ओहाङः आन नाःतो परमेस्‍वर्‌कोः ल्‍होक्ओमयः चोङाय्‌तीलेः हुम्‌ती मुनै।

यहुदा 1:14

हनोक् त तोओपाय् आदम्‌सै ग्‍ल्‍युङ्‌ह्‌ती सात् होह्र् खेःतो ओउःइ इ खाल्‌कोः रेव्ओ काम् जाङ्‌ह्ओलम्‌कोः कुरा ङ्‌हासै चीःती “लौ हजारै हजारै ओउःकोः लाङ्‌काकोः ल्‍होक्ओमयःकुस् प्रभुपाय्

प्रकाश 19:6

ओउःत दाय्‍ह्आक्‌तीको नाःतो हुम्ओलम्‌कोः हाव्‌नयः क्‍लोनःती ल्‍हक्अर्‌ओ तीःलो लेखामा न्‍याम् मुक्ओलो लेखामा सायःआलाङः “लौ परमेस्‍वर्‌कायः ताङ्‌ह्‌ताक्‌तीलेः तोपाःथै दोह् हायःती दाय्‍ह्‌सा ङीकोः ग्‍वम् नाःओ प्रभु परमेस्‍वर्‌पाय् सबैकोः राजालेः मुनाः।

प्रकाश 4:4

ओउः थाव् तोङःतीलेः अरु चौबीस् राजा च्‍युङःसा थाव्‌लम् मुओ खेःतो। ओउः थाव्‌लम्‌हाङः चौबीस् भाम्ओ नाय् लावओ सुन्‌कोः मुकुत् ल्‍हुप्‌ती गम्ओ थालवःपालम् मुओ खेःइतो।

प्रकाश 4:6

ङ्‌हाहाङःमा पेओ ऐनालो लेखा ताङ्‌ह्ओ झेल्ओ दुम्‌हान् मुओ खेःतो। ओहाङःसैको ओउः थाव् द्याङ्‌तोलेः चार्‌ दोवाहाङः प्‍लैज्‍योः जीङः नाःओ थोक्‌लम् खेःतो। ओउःमयःपाय् आन मीक् नाःओलेः ङ्‌हासैमा लोन्‌सैमा मीक् नाःओ खेःइतो।

प्रकाश 5:14

ओहाङःसैको ओउः चार्‌ जीङः नाःओलम्‌पाय् “ओउःतलेः स्‍याव्‌पाः” त दाय्‍ह्‌ती त्‍याङ्आकाय्। फेरीलेः ओउः चौबीस् थालवःपाइ बाःती ओउः नीस्‌कायः ताङ्‌ह्‌ताक्आथाच।

प्रकाश 5:6

ओउःत तोआक्‌तीको ङाइ योती यात्‌ज्‍योः भेदा मेत्‌छ्याःकोः चोः ओउः राजा च्‍युङःसा थाव्‌कोः माझहाङः सात्‌गार्‌ओ लेखा च्‍यवःआलाङः। ओउःकायः तोङःती ओउः चार्‌ जीङः नाःओलम्‌मा ओउः चौबीस् थालवःपालम्‌मा मुओ खेःतो। ओउः भेदामेत्‌छ्याःकोः चोःपाय् सात्‌गोता रोङःमा सात्‌गोता मीक् नाःओ खेःतो। ओउःकोः सात्‌गोता मीक्‌पाय् ओउः ल्‍हाव्‍ह्‌दैबाङ्‌हाङः तीक्‌ती वाह्‌साकायः ल्‍होक्ओ परमेस्‍वर्‌कोः सात् ग्‍वालामः लेःआः इ।

प्रकाश 5:8

ओउःत त्‍याक्आक्‌तीको ओउः चार्‌गोता जीङः नाःओलम्‌मा ओउः चौबीस् थालवःपालम्‌मा ओउःकःताङ् बाःती स्‍यवआकानी। ओउःमयःपाय् क्रुत्‌क्रुत्‌हाङः याःआःज्‍योः वरनीमा धुप् लात्‌साकायः सुन्‌कोः लोतामा धुप् ब्‍लीङ्‌तोलेः लात्आकानी। ओउः धुप्‌पाय् ङ्‌हाम्ओलम्इ परमेस्‍वर्‌कायः तेती तोओ कुरा लेःआः।

प्रकाश 7:11

ओउः नोःओलम् ओउःत दाय्‍ह्‌तोक्‌हाङः सबै ल्‍होक्ओमयःपाय् ओउः राजाकोः थाव्‌कायःमा थालवःपालम्‌कायःमा चार्‌ जीङः नाःओमयःकायःमा तोङःतीलेः चीङ्‌ती मुओ खेःइतो। ओहाङःसैको ओउः नाःतो हुम्ओलम् दाय्‍ह्आक्‌तीको ओउः ल्‍होक्ओमयःइ राजाकोः थाव्‌कःताङ् बाःती स्‍यवती परमेस्‍वर्‌कायः मनःआकानी।

प्रकाश 9:16

ओहाङः “बीस् क्रोद घोरा लन्‍ह्ओ सीपाहीलम् मुनाः” त दाय्‍ह्ओ ङाकायः तोओ खेःतो।