प्रकाश 4:9 - चेपाङ

⁹ ओउः चार्‌ जीङः नाःओलम्इपाय् ओउः गलमा सीमालो राजाकोः थाव्‌हाङः च्‍युङःओचाक्‌कायः ताङ्‌ह्‌ताक्‌ती “च्‍युता” त तोती मनःधै मेधै मुलेःनै।

प्रकाश 4:9 Iomraidhean Croise

हेब्रैनी 7:25

द्याह्‌मा लोनेःमा गलकायःमा ओउःकायः ङ्‌हाम्‌ती परमेस्‍वर्‌कःताङ् वाङ्‌ह्ओलम्‌कायः ओउःइ पेतोलेः दल्‌ताक्‌सा खाय्‌नौ दोह् हायःती दाय्‍ह्‌सा ओउःमयःकायः परमेस्‍वर्‌कःताङ् तेती तोसाकायः येसुपाय् गलकायःमा मुलेःनाः।

हेब्रैनी 7:8

फेरी ओउः अरुसै त्‍याक्‌सा पुरोहीत्‌लम्‌खे सीसा खेःओ मान्‍तालम् लेःआः इ। ओउः आब्राहाम्‌सै त्‍याक्ओ मेल्‌कीसेदेक्‌खे आखरःहाङः “सीओआः” त ओउः कुरापाय् दोह्‌मा लेखल ओउःपाय् सेलः मुलेःनाः।

प्रकाश 1:18

ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।

प्रकाश 10:6

ओउः गलकायःमा जीङः नाःओ परमेस्‍वर्‌कोः मय्‍ङ् पेह्‌ती लाङ्‌काहाङः ल्‍हाव्‍ह्‌दैबाङ्‌हाङः द्युम्‌मालो तीःहाङः नाःओ थोक्‌लम्‌कायः जापीनःती जाङ्‌ह्ओ परमेस्‍वर्‌कोः मय्‍ङ् पेह्‌ती कीरीया जेःआकान् “लौ द्याह्‌पाय् बीलम्‌ब नाःल।

प्रकाश 15:7

ओहाङःसैको ओउः प्‍लैज्‍योः जीङः नाःओलम्‌कोः यात्‌ज्‍योःइ ओउः सात्‌गोता ल्‍होक्ओमयःकायः सात्‌गोता सुन्‌कोः माना बयःआथास। ओउः मानालम्‌हाङः ओउः गलकायःमा सेलः मुओ परमेस्‍वर्‌कोः ल्‍हुङ् मल्‍ह्ओपाय् धाक्‌सायःकोः तीःलो लेखालेः ब्‍लीङ्‌तोलेः खेःतो।

प्रकाश 21:5

ओहाङःसैको ओउः राजा च्‍युङःसा थाव्‌हाङः मुओचाक्‌पाय् “लौ सबै कुरा नयालेः जाङ्‌ह्‌नाङः बा” त दाय्‍ह्‌ती दाय्‍ह्ओ खेःतो। “लौ इ कुरापाय् दोङ् ङ्‌हाम्‌सीःओ कुरा लेःआः। ओउःपाय् लेखउ दा” तमा दाय्‍ह्‌ती ङाकायः तोआताङः।

प्रकाश 4:2

ओउःत तोओ कुस्‌ब्रक्‌तलेः परमेस्‍वर्‌कोः ग्‍वालामः दोःआलाङः। ओहाङःसैको लाङ्‌काहाङःपाय् यात्‌ज्‍योः राजा च्‍युङःसा थाव् मुओ खेःतो फेरी ओहाङः यात्‌चाक् च्‍युङःओ खेःतो।

प्रकाश 4:8

ओउःमयःपाय् छगोता पाप् नाःओलेः खेःइतो आङ्‌गन् नाःतो मीक् खेःतो बाहीरमा भीत्रमा मीक् खेःइतो। न्‍हीदीङ्‌मा याह्‌दीङ्‌मा गलकायःमा ओउःमयः परमेस्‍वर्‌कायः मनःती मुइतो “लौ सबैसै ग्‍वम् नाःओ प्रभु परमेस्‍वर्‌पाय् छय्‍ङ्ओलेः छय्‍ङ्ओलेः छय्‍ङ्ओ लेःआः बा। ओउःपाय् ङ्‌हालेः खेःतो द्याह्‌मा मुलेःनाः लोनेःमा वाङ्‌सा खेःलेःनाः” त दाय्‍ह्‌ती मेधै मुनै।

प्रकाश 5:1

ओहाङःसैको ओउः राजाकोः थाव्‌हाङः च्‍युङःओचाक्‌कोः ङोय् क्रुत्‌हाङः तुलःती गम्ओ कागत्‌कोः थुरी च्‍यवःआलाङः। ओउः कागत्‌पाय् खोस्‌सैमा काह्‌सैमा लेखओ खेःतो सात्‌गोता मोहर्‌ छाप्इ पानःओ खेःतो।

प्रकाश 6:16

ओहाङः नुक्‌तोक्‌हाङः ओउःमयःइ स्‍यालुङ्‌कायःमा बाङ्‌कायःमा “लौ ङीकायः क्‍लीमःती ओउः राजाकोः थाव्‌हाङः च्‍युङःओचाक्‌कोः मीक्‌सै फय्‌ताक्‌ताङी। ओउः भेदाकोः चोःकोः ल्‍हुङ् मल्‍ह्ओसै नुस्‌ताङी।

प्रकाश 7:15

ओउःत झ्‍यान्‍ते ओउःमयःपाय् परमेस्‍वर्‌कोः राजा च्‍युङःसा थाव्‌हाङः मुनै। आने ओउःमयःइ परमेस्‍वर्‌कोः मन्‍दीर्‌हाङः न्‍हीदीङ्‌मा याह्‌दीङ्‌मा ओउःकायः काम् जाङ्‌ह्‌धैलेः मुनै। ओहाङःसैको ओउः राजाकोः थाव्‌हाङः च्‍युङःओ परमेस्‍वर्‌इपाय् ओउःमयःकायः क्रुप्‌नाःथास।