प्रकाश 4:4 - चेपाङ4 ओउः थाव् तोङःतीलेः अरु चौबीस् राजा च्युङःसा थाव्लम् मुओ खेःतो। ओउः थाव्लम्हाङः चौबीस् भाम्ओ नाय् लावओ सुन्कोः मुकुत् ल्हुप्ती गम्ओ थालवःपालम् मुओ खेःइतो। Faic an caibideil |
प्रकाश 4:4
24 Iomraidhean Croise
फेरी देङी वाङ्सा लीह्सीःओ बेलाहाङःपाय् रैलाम्। नाङ्कायः गुच्युक् पेतो ङ्हाम्तेःनाः त ल्हुङ्तुक् वेलःती योसाकायः सैतान्इ यात्नीस्चाक् नाङ्कोः मान्तालम्कायः झ्याल्खानहाङः थुनताक्तेःनै। दस्दीन्कायः लीह्सीःओ च्यवःताक्तेःनानी इत ङाइ तोनेःनाङ्स। ओउः बेलाहाङःमा सात्खेःओ बेलाहाङःमा वाङ्नाः त खेःया ल्हुङ् ग्रमःतलेः मुती ङ्हाम्उ दा। ओहाङःसैको नाङ्कोः ङ्हाम्झ्याङ्कायः ङाइ पेओ रौ जीङः दोःताक्नेःनाङ्’
ओहाङःसैको राजा च्युङःसा थाव्लम् च्यवःआलाङः। ओहाङः च्युङःती मुओलम्कायः तय्छनःती योसा ग्वम् बयःओ खेःतो। फेरी येसुकोः दोङ् कुरामा परमेस्वर्कोः नोःराय्मा थोल्ह्ती तोसाकायः पाल्ती सात्ओलम्कोः नामे रुआङ्लम्मा च्यवःआलाङः। ओउःमयःइपाय् ओउः तीःसै थाओकायःमा ओउःकोः मुर्तीकायःमा गलमा मानआक्नीली ओउःकोः चीन्ह जेल्ह्हाङः क्रुत्हाङः गलमा लात्आक्नीली। ओउःमयः सेलः उह्ती स्याव्ती ख्रीस्कुस् यात् हजार् बर्सच्युक्कायः राजालम् स्याव्नै।
ओउःत तोआक्तीको ङाइ योती यात्ज्योः भेदा मेत्छ्याःकोः चोः ओउः राजा च्युङःसा थाव्कोः माझहाङः सात्गार्ओ लेखा च्यवःआलाङः। ओउःकायः तोङःती ओउः चार् जीङः नाःओलम्मा ओउः चौबीस् थालवःपालम्मा मुओ खेःतो। ओउः भेदामेत्छ्याःकोः चोःपाय् सात्गोता रोङःमा सात्गोता मीक् नाःओ खेःतो। ओउःकोः सात्गोता मीक्पाय् ओउः ल्हाव्ह्दैबाङ्हाङः तीक्ती वाह्साकायः ल्होक्ओ परमेस्वर्कोः सात् ग्वालामः लेःआः इ।
ओउःत दाय्ह्आक्तीको ओउःमयःपाय् लःलयः जोक्कायः यायाःज्योः भाम्ओ क्रमःनाय् बयःओ खेःतो “लौ ओउः नीङ्लो लेखा सात्तोलेः स्याव्सा खेःओ नीङ्कुस् काम् जाङ्ह्ओ साथीलम्मा हौलम्मा ओउःमयःकोः नम्बर् दाह्धाङ्मालो बेलाहाङःच्युक्कायः ल्हुङ् धोमाय्तोलेः ल्युङ्ह्ती मुआक्न” त दाय्ह्ती तोओमा खेःतो।
ओहाङःसैको ङाइ योती आन नाःतो हुम्ओ मान्तालम् च्यवःआलाङः। ओउःच्युक् नाःतोलेः सुइमा थेङ्सा खाय्नीली। ओउःमयः सबै जात्सै सबै खलक्सै सबै देस्सै सबै भासासै वाङ्ती ओउः राजा च्युङःसा थाव्कोः ङ्हासैमा ओउः भेदाकोः चोःकोः मीक्हाङःमा चीङ्ती मुओ खेःइतो। ओउःमयःपाय् भाम्ओ क्रमःनाय् लावइसीतो क्रुत्हाङः ल्ह्यय्ओ सीङःकोः मात् चुम्आकानी।
Sanasan