प्रकाश 4:2 - चेपाङ

² ओउःत तोओ कुस्‌ब्रक्‌तलेः परमेस्‍वर्‌कोः ग्‍वालामः दोःआलाङः। ओहाङःसैको लाङ्‌काहाङःपाय् यात्‌ज्‍योः राजा च्‍युङःसा थाव् मुओ खेःतो फेरी ओहाङः यात्‌चाक् च्‍युङःओ खेःतो।

प्रकाश 4:2 Iomraidhean Croise

मत्ती 22:43

“ओउःत खेःया दावुद् राजापाय् परमेस्‍वर्‌कोः ग्‍वालामः दोःआक्‌तीको दोह् हायःती ख्रीस्‌कायः ‘प्रभु’ त तोआकान्।

हेब्रैनी 8:1

ङीइ तोओ कुराकोः तुङः इलेःआः। ओउःलो खेःओ प्रधान् पुरोहीत्‌पाय् ङीकायः ओउः सबैसै ताङ्‌ह्ओ परमेस्‍वर्‌कोः गुल्‍ह्‌दाङ्‌लो लेखा ओउःकोः राजा च्‍युङःसा थाव्‌हाङः लाङ्‌काहाङः मुलेःनाः।

प्रकाश 1:10

प्रभुकोः दीन्‌हाङः ओउःकोः ग्‍वालामः दोःआक्‌तीको ङाइ सोतो हाव्‌नयः तुरहीलो लेखालेः काह्‌सै सायःआलाङः

प्रकाश 12:5

ओहाङःसैको रु ल्‍युङ्‌ह्‌ती मुतोक्‌हाङः ओउः मोमःचोःइ गोय्‌चोःचोःलेः ओत्आकान्। ओउः गोय्‌चोःपाय् लोनेः सबै जात्‌लम्‌कायः जोक्ओ ल्‍हुङ्इ राजालो लेखा हुकुम् बयःनाःथास। ओहाङःसैको ओत्आक्‌तीको ओउः चोःखेकायः रेन्‍ह्‌तोलेः रुकःसै लाती परमेस्‍वर्‌कःताङ्‌मा ओउःकोः राजा च्‍युङःसा थाव्‌ताङ्‌मा आलःओ खेःतो।

प्रकाश 17:3

ओहाङःसैको ङा परमेस्‍वर्‌कोः ग्‍वालामः दोःआलाङः। दोःआक्‌तीको ओउः ल्‍होक्ओमयःइ ङाकायः लात्‌ती मान्‍ता याक्‌गार्‌सीःमालो थाव्‌ताङ् आलःआताङः। ओहाङः दाह्आक्‌तीको ङाइ यात्‌चाक् मोमःचोः च्‍यवःआलाङः। ओउः मोमःचोःपाय् ओउः तीःसै थाओ दुओ खाल्‌हाङः लन्‍ह्‌ती मुओ खेःतो। ओउः तीःसै थाओखेपाय् सात् तालाङ्‌मा दस् रोङःमा नाःओ खेःतो। ओहाङः नाःतो परमेस्‍वर्‌कायः पेमालो जवओ मय्‍ङ्‌लम् लेखओ खेःतो।

प्रकाश 19:4

ओउः चौबीस् थालवःपालम्‌मा ओउः चार्‌गोता जीङः नाःओलम्‌मा ओउः राजाकोः थाव्‌हाङः च्‍युङःओ परमेस्‍वर्‌कायः मानआकानी “माः ओउःतलेः स्‍याव्‌पाः। परमेस्‍वर्‌कायः ताङ्‌ह्‌ताक्‌तीलेः तोपाःथै” त दाय्‍ह्‌ती लुङ्‌तीलेः तोआकानी।

प्रकाश 20:11

ओहाङःसैको ङाइ ताङ्‌ह्ओ भाम्ओ राजा च्‍युङःसा थाव्‌मा च्‍यवःआलाङः ओहाङः च्‍युङःओचाक्‌मा च्‍यवःआलाङः। ओउःकःसै ल्‍हाव्‍ह्‌दैबाङ्‌मा फेल्‌बाङ्‌मा क्रव्‌ती ज्‍याल्आ। जुगाङ् म्‍हीत्ओलेः खेःतो।

प्रकाश 21:10

ओहाङःसैको ङा परमेस्‍वर्‌कोः ग्‍वालामः दोःआलाङः। दोःआक्‌तीको ओउः ल्‍होक्ओमयःइ आन यास्ओ स्‍यालुङ्‌कोः च्‍योःताङ् लात्‌ती आलःआताङः। ओहाङः लात्‌ती आल्आक्‌तीको ङाकायः ओउः छय्‍ङ्ओ यरुसालेम् त तोओ सहर्‌लेः लाङ्‌काहाङः मुओ परमेस्‍वर्‌कःसै ग्‍ल्‍युङ्‌ह्‌ती वाङ्ओ छ्यानःआताङः।

प्रकाश 21:5

ओहाङःसैको ओउः राजा च्‍युङःसा थाव्‌हाङः मुओचाक्‌पाय् “लौ सबै कुरा नयालेः जाङ्‌ह्‌नाङः बा” त दाय्‍ह्‌ती दाय्‍ह्ओ खेःतो। “लौ इ कुरापाय् दोङ् ङ्‌हाम्‌सीःओ कुरा लेःआः। ओउःपाय् लेखउ दा” तमा दाय्‍ह्‌ती ङाकायः तोआताङः।

प्रकाश 3:21

सुसुइ रेव्ओकायः क्‍लीमःनानी ओउःकायः ङाकुस् राजा च्‍युङःसा थाव्‌हाङः मुसा दोःताक्‌नाङः। ओउःतलेः ङाइमा रेव्ओकायः क्‍लीमःआक्‌तीको ङाकोः आपाकोः राजा च्‍युङःसा थाव्‌हाङः ओउःकुस् मुसा दोःआलाङः’

प्रकाश 4:10

ओउः बेलाहाङः ओउः चौबीस् थालवःपालम्इ ओउः राजाकोः थाव्‌हाङः च्‍युङःओचाक्‌कायः बाःती स्‍यवती मनःनानी। ओहाङःसैको लःलयःकोः सुन्‌कोः मुकुत्‌लम् ओउःकोः दोम्‌हाङः ल्‍हाती गम्‌ती

प्रकाश 4:5

ओहाङःसैको ओउः मुल् थाव्‌सै प्‍लीङ्‌ह्ओमा मुक्ओमा वाङ्आ। ङ्‌हाहाङः सात्‌गोता म्‍हेः ल्‍युङ्ओ चेर्‌म्‍हेः खेःतो ओउःपाय् परमेस्‍वर्‌कोः सात् ग्‍वालामः लेःआः बा।

प्रकाश 4:9

ओउः चार्‌ जीङः नाःओलम्इपाय् ओउः गलमा सीमालो राजाकोः थाव्‌हाङः च्‍युङःओचाक्‌कायः ताङ्‌ह्‌ताक्‌ती “च्‍युता” त तोती मनःधै मेधै मुलेःनै।

प्रकाश 5:1

ओहाङःसैको ओउः राजाकोः थाव्‌हाङः च्‍युङःओचाक्‌कोः ङोय् क्रुत्‌हाङः तुलःती गम्ओ कागत्‌कोः थुरी च्‍यवःआलाङः। ओउः कागत्‌पाय् खोस्‌सैमा काह्‌सैमा लेखओ खेःतो सात्‌गोता मोहर्‌ छाप्इ पानःओ खेःतो।

प्रकाश 5:13

ओहाङःसैको लाङ्‌काहाङःमा ल्‍हाव्‍ह्‌दैबाङ्‌हाङःमा नालाहाङःमा द्युम्‌मालो तीःहाङःमा सबै जीङः नाःओलम्‌पाय् मेती “लौ ओउः राजाकोः थाव्‌हाङः मुओचाक्‌कायःमा ओउः भेदाकोः चोःकायःमा ओउः सबैसै ग्‍वम् नाःओ नीस्‌चाक्‌कायः सबै लुङ्‌ती तोसामा मानसामा ताङ्‌ह्‌ताक्‌सामा गलकायःमा ल्‍हापाःथाच” त दाय्‍ह्‌ती मेओ सायःआलाङः।

प्रकाश 6:16

ओहाङः नुक्‌तोक्‌हाङः ओउःमयःइ स्‍यालुङ्‌कायःमा बाङ्‌कायःमा “लौ ङीकायः क्‍लीमःती ओउः राजाकोः थाव्‌हाङः च्‍युङःओचाक्‌कोः मीक्‌सै फय्‌ताक्‌ताङी। ओउः भेदाकोः चोःकोः ल्‍हुङ् मल्‍ह्ओसै नुस्‌ताङी।