प्रकाश 4:11 - चेपाङ

¹¹ “लौ ङीकोः प्रभु परमेस्‍वर्‌य नाङ्‌पाय् ताङ्‌ह्‌ताक्‌सामा मनःसामा ग्‍वम् ल्‍हासा स्‍याव्ओ चाक् लेःतेःआः बा। दोह् हायःती दाय्‍ह्‌सा नाङ्इ सबै थोक्‌लेःतेः जापीनःतीतेः जाङ्‌ह्आकान्। सबै थोक्‌लम् नाङ्इ लयः झाक्‌तीलेः जापीनःती जाङ्‌ह्‌ती झ्‍यान्‍ते ओउः थोक्‌लम्‌पाय् मुलेःनै बा” त दाय्‍ह्‌ती ओउःमयः दाय्‍ह्‌नै।

प्रकाश 4:11 Iomraidhean Croise

खबरदुत 14:15

“नीङ्इ दोह् हायःसा बोङःतेःनानाङ्‌स। नीचीमा नीङ्‌लो लेखा मान्‍ता लेःआः ङच द्यव्‌तापाय् खेःङचल बा। ‘इ आह्रे मनःओ थोक्‌लम् फेती ओउः जीङः नाःओ फेल्‌बाङ् ल्‍हाव्‍ह्‌दैबाङ्‌मा साः तीःमा ओहाङः मुओलम्‌कायःमा जाङ्‌ह्ओ परमेस्‍वर्‌कायः झाह्‌ती फुस्‌ती तोनु’ त दाय्‍ह्‌ती इ पेओ समचार्‌ तोलाङ् वाङ्ओआः ङच बा।

खबरदुत 17:24

ओउः फेल्‌बाङ् ल्‍हाव्‍ह्‌दैबाङ् ओहाङः मुओ सबै थोक्‌लम् जाङ्‌ह्ओ परमेस्‍वर्‌लेः ओउःपाय् सबैसै ताङ्‌ह्ओ प्रभु लेःआः। एत ताङ्‌ह्ओ परमेस्‍वर्‌पाय् मान्‍ताकोः क्रुत्इ जाङ्‌ह्ओ थान्‌लम्‌हाङः गलमा याक्‌ल।

रोमी 11:36

दोह् हायःती दाय्‍ह्‌सा थोक्‌लम्‌पाय् जुदालेः ओउःइलेः जाङ्‌ह्आकान्। फेरी सबै थोक्‌लम् ओउःइ तेन्‌छ्याङ्‌मा गम्‌लेःनौ सबै लयःकायःलेः जाङ्‌ह्ओ खेःतो। ओउः परमेस्‍वर्‌कायः गलकायःमा मानओमा ताङ्‌ह्‌ताक्ओमा स्‍याव्‌पाः। माःहै ओउःतलेः स्‍याव्‌पाः।

एफेसस् 3:9

फेरी परमेस्‍वर्‌कोः रय्‍ह्‌ती गम्ओ कुरापाय् “गत स्‍याव्‌नाः” त सबैकायः छ्यानःसाकायःमा बयःआताङः। ओउः रय्‍ह्ओ कुरापाय् उय्‍ह्‌लेहाङःसै ओउः ख्रीस्‌कुस् सबै थोक् जाङ्‌ह्ओ परमेस्‍वर्‌इपाय् नुस्‌ती गम्आकान् ओउःत झ्‍यान्‍ते मान्‍तालम्‌कायः छ्यानःसा ताक्आक्‌मालो खेःतो।

हेब्रैनी 1:10

फेरीलेः आखरःहाङः “लौ प्रभुय ङ्‌हाहाङःपाय् नाङ्इ ल्‍हाव्‍ह्‌दैबाङ्‌मा जापीनःतीतेः न्‍यास्‌तेःआकान् फेल्‌बाङ्‌मा लयःइलेःतेः जाङ्‌ह्‌तेःआकान्।

हेब्रैनी 1:2

द्याह् इ लोनेकोः दीन्‌खेहाङः ओउःइ लयःकोः चोःकायःलेः ङीकायः तोसा थेङा ल्‍होक्आथै। ओउः चोःकुस्‌लेः परमेस्‍वर्‌इ सबै थोक् जापीनःती न्‍यास्आकान् लोनेः सबै थोक् ओउः चोःकोःलेः स्‍याव्‌नाः एत हायःसाकायः परमेस्‍वर्‌इ चोःकायः छ्युङ्‌ह्आथै।

प्रकाश 1:6

ङीकायः ओउःकोः राजीकोः मान्‍तालम् स्‍याव्‌ताक्‌ती “लौ ङाकोः परमेस्‍वर्‌ आपाकायः मानपानी” त दाय्‍ह्‌ती ङीकायः पुरोहीत् जाङ्‌ह्आतय्‍ही। ओउः येसु ख्रीस्‌कायःपाय् गलकायःमा ग्‍वम् नाःती ताङ्‌ह्‌तोलेः मुपाः। माः क्‍याने ओउःतलेः स्‍याव्‌पाः।

प्रकाश 10:6

ओउः गलकायःमा जीङः नाःओ परमेस्‍वर्‌कोः मय्‍ङ् पेह्‌ती लाङ्‌काहाङः ल्‍हाव्‍ह्‌दैबाङ्‌हाङः द्युम्‌मालो तीःहाङः नाःओ थोक्‌लम्‌कायः जापीनःती जाङ्‌ह्ओ परमेस्‍वर्‌कोः मय्‍ङ् पेह्‌ती कीरीया जेःआकान् “लौ द्याह्‌पाय् बीलम्‌ब नाःल।

प्रकाश 14:7

“लौ परमेस्‍वर्‌कायः एङःतीलेः ताङ्‌ह्‌ताक्‌नु। ओउःइ मान्‍तालम्‌कायः तय्‌छनःती योसा दीन् दाह्ओआः बा। लौ ओउः ल्‍हाव्‍ह्‌दैबाङ् फेल्‌बाङ् तीःलम् जापीनःती न्‍यास्ओचाक्‌कायः लुङ्‌तीलेः ताङ्‌ह्‌ताक्‌नु दा” त दाय्‍ह्‌ती ओउः ल्‍होक्ओमयःइ सोतोलेः दाय्‍ह्आकाय्।

प्रकाश 19:1

ओहाङःसैको लाङ्‌कासै नाःतो हुम्ओ मान्‍तालम्‌कोः हाव्‌नयःलो लेखा सायःआलाङः “ङीकोः परमेस्‍वर्‌कायः ताङ्‌ह्‌ताक्‌तीलेः तोपाःथै। ओउःपाय् सबै दल्‌ताक्‌सा ग्‍वम् नाःओमा ताङ्‌ह्ओ परमेस्‍वर्‌ लेःआः बा।

प्रकाश 5:12

आन सोतोलेः मेआकाय् “लौ ओउः सात्ओ भेदाकोः चोःपाय् ग्‍वम्‌मा गह्र्मा व्‍हाय्ओ म्‍हुक्ओ मनःओमा ताङ्‌ह्‌ताक्ओ लुङ्‌ती नोःओमा ल्‍हासा स्‍याव्ओचाक् लेःआः बा” त दाय्‍ह्‌ती मेलेःआकाय्।

प्रकाश 5:2

ओहाङःसैको यात्‌चाक् ताङ्‌ह्ओ ल्‍होक्ओमयःकायः च्‍यवःआलाङः “लौ छाप् तेत्‌ती इ कागत् खीह्‌ती फास्‌साकायः सुखेलो ज्‍योलेःनाः” त दाय्‍ह्‌ती ओउः ल्‍होक्ओमयः सोतोलेः व्‍हत्आकान्।

प्रकाश 5:9

ओहाङःसैको नया गीत् मेती “लौ ओउः थुरी त्‍याक्‌ती छाप् तेत्‌ती फास्‌साकायः नाङ्‌लेःतेः ज्‍योतेःनाः दोह् हायःती दाय्‍ह्‌सा नाङ्‌पाय् सात्ओलेः खेःतेःतो। नाङ्‌कोः वयःइ परमेस्‍वर्‌कायः सबै खलक् भासा देस् जात्‌लम्‌कोः मान्‍तालम् ल्‍हाङ्‌ती लेःतेःआकान्।