प्रकाश 4:10 - चेपाङ

¹⁰ ओउः बेलाहाङः ओउः चौबीस् थालवःपालम्इ ओउः राजाकोः थाव्‌हाङः च्‍युङःओचाक्‌कायः बाःती स्‍यवती मनःनानी। ओहाङःसैको लःलयःकोः सुन्‌कोः मुकुत्‌लम् ओउःकोः दोम्‌हाङः ल्‍हाती गम्‌ती

प्रकाश 4:10 Iomraidhean Croise

मत्ती 2:11

कीम्‌हाङः दाह्‌ती पोक्आक्‌तीको चोःकोः नीस् आमाचाः च्‍यवःती ओउः चोः येसुकायः बाःती स्‍यवआकानी। स्‍यवआक्‌तीको ओउःमयःइ भारीलम् फास्‌ती चोःकायः सुन्‌मा आन पेओ धुप्‌मा मुर्‌ त तोओ सातीमा बयःआथै।

लुका 24:52

ओहाङःसैको येसु ओउःकुस् वाह्ओमयःकःसै वेङ्‌काय्आक्‌तीको ओउःमयः येसुकायः ताङ्‌ह्आक्‌तीको चोङाय्‌तीलेः यरुसालेम्‌ताङ् द्यान्‍ह्‌ती पाय्‍ह्आकाय्।

१ कोरीन्‍थी 15:10

परमेस्‍वर्‌इ ङाकायः योनःती योती झ्‍यान्‍ते ह ङापाय् तेन्‌छ्याङ्‌लेः ओउःकोः छ्युङ्‌ह्‌ती ल्‍होक्ओ मान्‍ता लेःआः ङ। माः रैस ओउःकोः योनःती योओपाय् आह्रे खेःल अरु छ्युङ्‌ह्ओमयःसै ङाइ परमेस्‍वर्‌कोः काम् आन त्‍युस्‌तीलेः जाङ्‌ह्आलाङः बा ङाइ झुङ्आले खेःल परमेस्‍वर्‌कोः ग्‍वम् दोःती जाङ्‌ह्आलाङः।

प्रकाश 10:6

ओउः गलकायःमा जीङः नाःओ परमेस्‍वर्‌कोः मय्‍ङ् पेह्‌ती लाङ्‌काहाङः ल्‍हाव्‍ह्‌दैबाङ्‌हाङः द्युम्‌मालो तीःहाङः नाःओ थोक्‌लम्‌कायः जापीनःती जाङ्‌ह्ओ परमेस्‍वर्‌कोः मय्‍ङ् पेह्‌ती कीरीया जेःआकान् “लौ द्याह्‌पाय् बीलम्‌ब नाःल।

प्रकाश 11:16

ओहाङःसैको ओउः लःलयःकोः राजाकोः थाव्‌लम्‌हाङः च्‍युङःओ परमेस्‍वर्‌कोः मीक्‌हाङः मुओ चौबीस् थालवःपाइ साःताङ् बाःती परमेस्‍वर्‌कायः मानती

प्रकाश 15:4

नाङ्‌कःहाङः सबै एङःतीलेः मुनै। नाङ्‌कोः मय्‍ङ्‌पाय् सबै ताङ्‌ह्‌ताक्‌लेःनानी दोह् हायःती दाय्‍ह्‌सा नाङ् ह जुगाङ् छय्‍ङ्ओलेः खेःतेःनाः। ‘नाङ्इ तय्‌छनःती योओ काम्‌लम् जुगाङ् पेओ लेःआः’ त सबैकायः छ्यानःओ लेःआः ओउःत झ्‍यान्‍ते सबै जात्‌लम् नाङ्‌कायः मानलाङ् वाङ्‌लेःनै” त दाय्‍ह्‌ती ओउःमयः मेआकाय्।

प्रकाश 15:7

ओहाङःसैको ओउः प्‍लैज्‍योः जीङः नाःओलम्‌कोः यात्‌ज्‍योःइ ओउः सात्‌गोता ल्‍होक्ओमयःकायः सात्‌गोता सुन्‌कोः माना बयःआथास। ओउः मानालम्‌हाङः ओउः गलकायःमा सेलः मुओ परमेस्‍वर्‌कोः ल्‍हुङ् मल्‍ह्ओपाय् धाक्‌सायःकोः तीःलो लेखालेः ब्‍लीङ्‌तोलेः खेःतो।

प्रकाश 19:4

ओउः चौबीस् थालवःपालम्‌मा ओउः चार्‌गोता जीङः नाःओलम्‌मा ओउः राजाकोः थाव्‌हाङः च्‍युङःओ परमेस्‍वर्‌कायः मानआकानी “माः ओउःतलेः स्‍याव्‌पाः। परमेस्‍वर्‌कायः ताङ्‌ह्‌ताक्‌तीलेः तोपाःथै” त दाय्‍ह्‌ती लुङ्‌तीलेः तोआकानी।

प्रकाश 4:2

ओउःत तोओ कुस्‌ब्रक्‌तलेः परमेस्‍वर्‌कोः ग्‍वालामः दोःआलाङः। ओहाङःसैको लाङ्‌काहाङःपाय् यात्‌ज्‍योः राजा च्‍युङःसा थाव् मुओ खेःतो फेरी ओहाङः यात्‌चाक् च्‍युङःओ खेःतो।

प्रकाश 4:4

ओउः थाव् तोङःतीलेः अरु चौबीस् राजा च्‍युङःसा थाव्‌लम् मुओ खेःतो। ओउः थाव्‌लम्‌हाङः चौबीस् भाम्ओ नाय् लावओ सुन्‌कोः मुकुत् ल्‍हुप्‌ती गम्ओ थालवःपालम् मुओ खेःइतो।

प्रकाश 4:9

ओउः चार्‌ जीङः नाःओलम्इपाय् ओउः गलमा सीमालो राजाकोः थाव्‌हाङः च्‍युङःओचाक्‌कायः ताङ्‌ह्‌ताक्‌ती “च्‍युता” त तोती मनःधै मेधै मुलेःनै।

प्रकाश 5:14

ओहाङःसैको ओउः चार्‌ जीङः नाःओलम्‌पाय् “ओउःतलेः स्‍याव्‌पाः” त दाय्‍ह्‌ती त्‍याङ्आकाय्। फेरीलेः ओउः चौबीस् थालवःपाइ बाःती ओउः नीस्‌कायः ताङ्‌ह्‌ताक्आथाच।

प्रकाश 5:8

ओउःत त्‍याक्आक्‌तीको ओउः चार्‌गोता जीङः नाःओलम्‌मा ओउः चौबीस् थालवःपालम्‌मा ओउःकःताङ् बाःती स्‍यवआकानी। ओउःमयःपाय् क्रुत्‌क्रुत्‌हाङः याःआःज्‍योः वरनीमा धुप् लात्‌साकायः सुन्‌कोः लोतामा धुप् ब्‍लीङ्‌तोलेः लात्आकानी। ओउः धुप्‌पाय् ङ्‌हाम्ओलम्इ परमेस्‍वर्‌कायः तेती तोओ कुरा लेःआः।

प्रकाश 7:11

ओउः नोःओलम् ओउःत दाय्‍ह्‌तोक्‌हाङः सबै ल्‍होक्ओमयःपाय् ओउः राजाकोः थाव्‌कायःमा थालवःपालम्‌कायःमा चार्‌ जीङः नाःओमयःकायःमा तोङःतीलेः चीङ्‌ती मुओ खेःइतो। ओहाङःसैको ओउः नाःतो हुम्ओलम् दाय्‍ह्आक्‌तीको ओउः ल्‍होक्ओमयःइ राजाकोः थाव्‌कःताङ् बाःती स्‍यवती परमेस्‍वर्‌कायः मनःआकानी।