प्रकाश 4:1 - चेपाङ

¹ ओहाङःसैको ङाकायः ओउःत तोआक्‌तीको ङाइ फेरीलेः माङःखाहाङः योती त्‍यावःअ लाङ्‌काहाङः फोल्ओ धोका च्‍यवःआलाङः। ओहाङःसैको ङाइ ङ्‌हा सायःओ तुरहीलो लेखा सोतो हाव्‌नयः फेरीलेः दाय्‍ह्‌ती “लौ इहाङः त्‍यावःअ लन्‍ह्‌ती वाङ्अ ओहाङःसै ङाइ लोनेः स्‍याव्‌सा कुरा छ्यानःनेःनाङ्” त दाय्‍ह्‌ती तोआताङः।

प्रकाश 4:1 Iomraidhean Croise

मत्ती 3:16

ओहाङःसैको बाप्‍तीस्‍मा जाङ्‌ह्आक्‌तीको येसु तीःसै ग्‍ल्‍युङ्‌ह्‌तोक्‌हाङः फेल्‌बाङ् वाक्‌ती फोल्आक्‌तीको परमेस्‍वर्‌कोः ग्‍वालामः धुकुर्‌वाःकोः रुप्‌लो थाङ्‌ती लयःकःताङ् ग्‍ल्‍युङ्‌ह्ओ येसुइ च्‍यवःआकान्।

मर्‌कस् 1:10

बयःआक्‌तीको तीःसै ग्‍ल्‍युङ्‌ह्‌तोक्‌हाङः येसुइ फेल्‌बाङ् वाक्‌ती फोल्ओ च्‍यवःआकान् फेरी परमेस्‍वर्‌कोः ग्‍वालामः धुकुर्‌वाःकोः रुप्‌लो थाङ्‌ती ओउःकोः अलवःहाङः ग्‍ल्‍युङ्‌ह्‌ती वाङ्आ।

लुका 3:21

ओहाङःसैको याक्‌गार्‌सीःमालो बेलाङ् मुधाङ्‌तोक्‌हाङः युहनाइ अरु मान्‍तालम्‌कायः बाप्‍तीस्‍मा जाङ्‌ह्आक्‌तीको येसुकायःमा बाप्‍तीस्‍मा बयःआकान्।

युहना 16:13

लोने परमेस्‍वर्‌कोः दोङ् कुरा स्‍यान्ओ ग्‍वालामः वाङ्ओहाङः ओउःइ सबै दोङ् कुरा स्‍यान्‌तेःनै। लयःकोः ल्‍हुङ्‌सै चीःओ कुरा खेःल दोह्‌लो ओउःइ सायःनौ ओउःलेः स्‍यान्‌ती तोनौ फेरी लोने ताप्‌ती स्‍याव्‌सा कुरामा छ्यान्‍ह्‌नौ।

खबरदुत 10:11

ओहाङःसै ओउः माङःखा च्‍यवःतोक्‌हाङः फेल्‌बाङ् ओङ्‌ह्‌ती ओउःसै लाइ चार्‌ चोङ्‌हाङः छुःती गम्ओ लावःलो लेखा साःताङ् क्‍लाःओ च्‍यवःआकान्।

खबरदुत 7:56

“लौ दा फेल्‌बाङ्‌लेः ओङ्‌ह्‌ती मुती परमेस्‍वर्‌कोः ङोय्‌दोहाङः ओउः मान्‍ताकोः गोय्‌चोः त मुओ च्‍यवःआनाङः बा” त दाय्‍ह्‌ती स्‍तीफन्इ तोआथास।

प्रकाश 1:10

प्रभुकोः दीन्‌हाङः ओउःकोः ग्‍वालामः दोःआक्‌तीको ङाइ सोतो हाव्‌नयः तुरहीलो लेखालेः काह्‌सै सायःआलाङः

प्रकाश 1:12

ओउः हाव्‌नयः सायःआक्‌तीको “ङाकायः सुइ एत तोनाःताङः” त दाय्‍ह्‌ती म्‍हर्‌ती ङाइ काह्‌सै ल्‍हेःती योआलाङः। काह्‌सै ल्‍हेःती योतोक्‌हाङः ङाइ सात्‌गोता बत्ती गम्‌सा तेव्‌केरामा च्‍यवःआलाङः। ओउःपाय् सुन्‌कोः जाङ्‌ह्ओलेः खेःतो।

प्रकाश 1:19

ओउःत दाय्‍ह्‌ती “लौ उया नाङ्इ द्याह् च्‍यवःओ कुरामा ङ्‌हा च्‍यवःओ कुरामा लोनेः च्‍यवःसा कुरामा लेखउ दा।

प्रकाश 11:12

ओहाङःसैको लाङ्‌कासै सोतो दाय्‍ह्ओ हाव्‌नयः सायःआकानी “लौ इताङ् लन्‍ह्‌ती वाङ्‌ज दा” त दाय्‍ह्‌ती ओउः नीस्‌चाक्‌कायः तोओ खेःतो ओउःमयःकोः बीरोत्‌लम्इ योयोबालेकोः ओउःनीस् लाङ्‌काताङ् मुस्‌हाङः लन्‍ह्आकाच।

प्रकाश 11:19

ओहाङःसैको ओउःमयः दाय्‍ह्आक्‌तीको परमेस्‍वर्‌कोः लाङ्‌काहाङः मुओ मन्‍दीर्‌पाय् फोल्ओ खेःतो। फोल्आक्‌तीको ओउःकोः भीत्रहाङः तोती गम्ओ कुराकोः बकीस् च्‍यवःसाकायः छ्यान्‍ह्ओ खेःतो। ओहाङःसैको न्‍याम् प्‍लीङ्‌ह्‌ती मुक्ओकुस् ल्‍याङ्‌मा तोल्‌तोल्ओ वेर्‌मा वाङ्आ।

प्रकाश 16:17

ओहाङःसैको ओउः लोनेकोः ल्‍होक्ओमयः ओउःकोः मानापाय् अलवःहाङः पुह्आकान्। ओउःकुस् थेङ्‌ती सात्‌गोता वाङ्ओ खेःतो। ओहाङःसैको ओउःकोः माना पुह्आक्‌तीको ओउः मन्‍दीर्‌हाङः मुओ राजा च्‍युङःसा थाव्‌सै यात्‌ज्‍योः सोतो हाव्‌नयः वाङ्‌ती “लौ द्याह्‌पाय् द्योक्‌जेःआ बा” त दाय्‍ह्‌ती दाय्‍ह्आ।

प्रकाश 19:11

ओहाङःसैको लाङ्‌का फोल्ओलेः च्‍यवःआलाङः। ओहाङः यात्‌ज्‍योः भाम्ओ घोरा मुओ खेःतो। ओउः घोरा लन्‍ह्ओचाक्‌पाय् “दोङ् ङ्‌हाम्‌सीःओ” त तोओ लेःआः। ओउःइपाय् पेतोलेः तय्‌छनःती योमानौ परमेस्‍वर्‌कोः बीरोत्‌लम्‌कुस् मीन्‍ह्‌काय्‌ती पेतोलेः क्‍लीमःमानौ।

प्रकाश 22:6

ओहाङःसैको “लौ इ कुरापाय् दोङ् ङ्‌हाम्‌सीःओ कुरा लेःआः। ओउःकोः कुरा छ्यानःओलम्‌कायः लयःकोः ग्‍वालामः बयःताक्‌सा परमेस्‍वर्‌इपाय् देङी स्‍याव्‌सा कुरालेः लयःकोः काम् जाङ्‌ह्ओलम्‌कायः छ्यानःलेःनौ। ओउःत हायःसाकायः ओउःइ लयःकोः ल्‍होक्ओमयः ल्‍होक्आकान्” त दाय्‍ह्‌ती ओउः ल्‍होक्ओमयःइ तोआताङः।