प्रकाश 3:8 - चेपाङ8 दोह् दोह्तेः हायःतेःनानी ओउःत ङाइ चीःलेःनेःनाङ्। लौ योउ दा नाङ्कोः ङ्हासै यात्ज्योः फोल्ओ धोका गम्आलाङः। ओउः धोकापाय् सुइमा राक्सा खाय्नीली। नाङ्कोः ग्वम्पाय् नाःसापाय् नाःतेःआक्ल बुरु ङाकोः नोःराय्कोः कुराकायःमा नाङ्इ फेतेःउलु ङाकोः मय्ङ् तोसाकायःमा नाङ् अह्र्तेःल। Faic an caibideil |
प्रकाश 3:8
25 Iomraidhean Croise
दोह् हायःती दाय्ह्सा यात् नीस् परमेस्वर्कोः कुरा ग्यामालोलम् नीङ्कःहाङः अरुइ चीःमाःत वाङ्आकाय्। ओउःमयःइपाय् परमेस्वर्इ योनःती योओ कुरा ङोय्ह्तोलेः स्यान्ती “लौ ङीइ ङ्हाम्ओलम्कायः द्याह् सबै काम् जाङ्ह्सा स्याव्नाः दोह्मा रेव्ओलेः खेःल” त माःती ल्हास्या काम् जाङ्ह्साकायः तोनानी। एत हायःती ङीकोः यातैज्योः प्रभुमा मालीक्मा येसु ख्रीस्कः झाक्माःत मुनै। ओउः खाल्कोः मान्तालम्कायः “न्युम्ह्तोलेः स्याव्नै” त दाय्ह्ओ उय्ह्लेहाङःसै आखरःहाङः लेखओआः बा।
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
नाङ्इतेः दोह् दोह्तेः हायःतेःनौ ओउःलेः ङाइ चीःलेःनाङः। नाङ्इ गुह्र्मामाःत आन त्युस्ती काम् जाङ्ह्तेःउतो पेमालो काम् जाङ्ह्ओलम्कः नाङ् ब्लाय्क्तेःनाः ओउःतमा चीःलेःनाङः। फेरी “ङीपाय् ख्रीस्इ छ्युङ्ह्ओ ल्होक्ओमयः लेःआः ङी” त माःती तोओलम्कायःमा नाङ्इ तय्छनःती योती ओउःमयःकोः माःओ कुरापाय् चीःती झ्यान्ते सायःतेःउलु एतमा चीःलेःनेःनाङ्।
दोह् दोह्तेः हायःतेःनौ ओउःपाय् ङाइ चीःलेःनाङः। ङाकोः काम्पाय् जुगाङ् म्ह्याङ्तीमातेः जाङ्ह्तेःउलु जुगाङ् म्ह्याङ्माःतमा जाङ्ह्तेःउलु। ब्ल्याओ तीःलो लेखा नाङ्पाय् धाह्मातेःल नीक्मातेःल। नाङ् धाह्ओ त खेःयाकायःमा झाक्लेःचाङः खेःतो नीक्ओ त खेःयाकायःमा झाक्लेःनाङः खेःतो नाङ्पाय् ओउःतलेः खेःतेःल
Sanasan