प्रकाश 3:7 - चेपाङ

⁷ फीलादेल्‍फीयाहाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा ‘ओउः दोङ् छय्‍ङ्ओ चाक्‌पाय् दावुद् राजाकोः सान्‍चो नाःओचाक् लेःआः। ओउःइ फोल्ओ धोकापाय् सुइमा राक्‌सामा खाय्‌मानीली। ओउःइ राक्ओ धोकापाय् सुइमा फोल्‌सामा खाय्‌मानीली। ओउःइ तोओ कुरापाय् इलेःआः।

प्रकाश 3:7 Iomraidhean Croise

मत्ती 16:19

नाङ्‌कायः ङाइ लाङ्‌काकोः फोल्‌सा खाय्ओ सान्‍चो बयःतेःनाः दोह् दोह् ल्‍हाव्‍ह्‌दैबाङ्‌हाङः नाङ्इ पानःतेःनौ ओउःलेः लाङ्‌काहाङः पानःओ लेःआः। दोह् दोह् ल्‍हाव्‍ह्‌दैबाङ्‌हाङः नाङ्इ फेन्‌तेःनौ ओउःलेः लाङ्‌काहाङः फेन्ओ लेःआः” त येसु दाय्‍ह्‌ती तोआथै।

मत्ती 24:35

फेरी ल्‍हाव्‍ह्‌दैबाङ्‌मा फेल्‌बाङ्‌मा लोन्‍ते म्‍हीत्‌जेःनाः ङाइ तोओ कुरा गलमा मीह्‌ती वाय्‌ल।

मर्‌कस् 1:24

ओउःखेइ गोःती “अ नाङ् नासरेत्‌कोः येसुय। नाङ्इ ङीकायः दोह् हायःलाङ् वाङ्‌तेःआ। ङीकायः ह्र्योङःताक्‌लाङ् वाङ्ओतेःआः यादो। लौ नाङ्‌कायः ङाइ तय्‍ह्‌लेःआनाङः बा। नाङ्‌जा परमेस्‍वर्‌कोः जय्‌कुमःत मुओ चाक् लेःतेःआः बा” त दाय्‍ह्‌ती तोथातो।

लुका 1:32

ओउःपाय् आन ताङ्‌ह्‌तो मान्‍ता लेःआः स्‍याव्‌नाः ओउःकायःपाय् ‘सबैसै ताङ्‌ह्ओ परमेस्‍वर्‌कोः चोःलेः’ त अरुइ तोनानी। फेरी ओउःकोः दावुद् त तोओ तोकानःलो लेखा परमेस्‍वर्‌इ ओउःकायः इस्राएल् मान्‍तालम्‌कोः हुकुम् बयःसा राजा स्‍याव्‌ताक्‌नाःथै। ओहाङःसैको ओउःकोः राजी गलमा द्युम्‌ल” त दाय्‍ह्‌ती ओउः ल्‍होक्ओमयःइ तोआथै।

लुका 4:34

ओउः मान्‍ताखेइ सोतो गोःती “आया नाङ् नासरेत्‌कोः येसुय। नाङ्इ ङीकायः दोह् हायःलाङ् वाङ्‌तेःआ। ङीकायः ह्र्योङःताक्‌लाङ् वाङ्ओतेःआः यादो। लौ नाङ्‌कायः ङाइ तय्‍ह्‌नेःआनाङ् बा। नाङ्‌जा परमेस्‍वर्‌कोः लयःकोः जय्‌कुमःत मुओ चाक् लेःतेःआः बा” त दाय्‍ह्‌ती तोथातो

युहना 14:6

“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।

खबरदुत 3:14

ओउः पेओ जय्‌कुमःओ येसुखेकायः ‘फेलाम्’ ततेः तोतेःनीतो यात्‌चाक् रेव्ओ अरु मान्‍ता सात्ओ मान्‍ताखेकायः ‘इखे फेउ’ ततेः तोतेःआकानी बा।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।

प्रकाश 1:11

“लौ दोह् दोह्‌तेः च्‍यवःतेःनौ ओउःलेः कीताप्‌हाङः लेखआक्‌तीको ओउः कीताप्‌पाय् इ सात् थाव्‌कोः ङ्‌हाम्ओलम्‌कायः ल्‍होक्उ दा। ओउः सात् थाव्‌पाय् एफेसस् स्‍मर्‌ना पर्‌गामम् थुयातीरा सार्‌दीस् फीलादेल्‍फीया लाओदीकीया त तोआ सात् सहर्‌ लेःआः” त दाय्‍ह्‌ती तोआताङः।

प्रकाश 1:18

ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।

प्रकाश 1:5

ओउः ङ्‌हाम्‌सीःओ परमेस्‍वर्‌कोः कुरा छ्यानःओचाक् येसु ख्रीस्इमा नीङ्‌कायः योनःती योती ल्‍हुङ् धोमाय्‌ताक्‌तेःपै। ओउः परमेस्‍वर्‌कोः चोः येसुपाय् अरुसै ङ्‌हालेः सीओसै उह्‌ती च्‍योक्‌माआ ओउःपाय् ल्‍हाव्‍ह्‌दैबाङ्‌कोः राजालम्‌सै पुःमानाः। येसु ख्रीस्इपाय् ङीकायः राप्‌लेःनाःतय्‍ही ओउःकोः वयः बयःती ङीकोः रेव्‌झ्‍याङ्‌कोः क्‍युम्‍ह्‌ताक्आतय्‍ही।

प्रकाश 15:3

ओउःमयःपाय् परमेस्‍वर्‌कोः काम् जाङ्‌ह्ओ मोसाकोः गीत्‌मा ओउः भेदाकोः चोःकोः गीत्‌मा मेधै मुइतो “लौ नाङ् ग्‍वम् नाःओ प्रभु परमेस्‍वर्‌य नाङ्इ जाङ्‌ह्ओ काम्‌लम् आन ताङ्‌ह्ओ लेःआः आन ग्‍याङ्‌ह्‌सीःओ लेःआः बा। सबै जात्‌लम्‌कोः राजा मुलेःतेःनाः। नाङ् गलकायःमा दोङ् पेतोलेः हायःतेःनौ।

प्रकाश 16:7

ओउः दाय्‍ह्आक्‌तीको बेदीसै यात्‌ज्‍योः हाव्‌नयः सायःआलाङः “अ नाङ् ग्‍वम् नाःओ प्रभु परमेस्‍वर्‌य दोङ्‌सीलेः नाङ्इ न्‍युम्‍ह्‌ताक्‌ती जाङ्‌ह्ओपाय् दोङ् पेतो लेःआः बा” त दाय्‍ह्‌ती दाय्‍ह्ओ खेःतो।

प्रकाश 19:11

ओहाङःसैको लाङ्‌का फोल्ओलेः च्‍यवःआलाङः। ओहाङः यात्‌ज्‍योः भाम्ओ घोरा मुओ खेःतो। ओउः घोरा लन्‍ह्ओचाक्‌पाय् “दोङ् ङ्‌हाम्‌सीःओ” त तोओ लेःआः। ओउःइपाय् पेतोलेः तय्‌छनःती योमानौ परमेस्‍वर्‌कोः बीरोत्‌लम्‌कुस् मीन्‍ह्‌काय्‌ती पेतोलेः क्‍लीमःमानौ।

प्रकाश 19:2

ओउःकोः तय्‌छनःती योओमा न्‍युम्‍ह्‌ताक्‌ती बयःओ काम्‌लम् दोङ् पेओ लेःआः। दोह् हायःती दाय्‍ह्‌सा ओउः ल्‍हाव्‍ह्‌दैबाङ्‌हाङः मुओलम्‌कायः रेव्‌ताक्ओ ताङ्‌ह्ओ ल्‍हास्‍याकायःपाय् परमेस्‍वर्‌इ न्‍युम्‍ह्‌ताक्आकान्। ओउः ल्‍हास्‍याइपाय् परमेस्‍वर्‌कोः काम् जाङ्‌ह्ओलम्‌कायः सात्आकान् त झ्‍यान्‍ते ओउःकायः परमेस्‍वर्‌इ न्‍युम्‍ह्‌ताक्आथै” त दाय्‍ह्‌ती ओउःमयः दाय्‍ह्आकाय्।

प्रकाश 2:1

“लौ एफेसस्‌हाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा। ‘लौ ङोय् क्रुत्‌हाङः सात्‌गोता कार्‌लम् लात्‌ती ओउः सात्‌गोता सुन्‌कोः बत्तीहाङः वाह्ओचाक्इ तोओ कुरापाय् इलेःआः।

प्रकाश 21:5

ओहाङःसैको ओउः राजा च्‍युङःसा थाव्‌हाङः मुओचाक्‌पाय् “लौ सबै कुरा नयालेः जाङ्‌ह्‌नाङः बा” त दाय्‍ह्‌ती दाय्‍ह्ओ खेःतो। “लौ इ कुरापाय् दोङ् ङ्‌हाम्‌सीःओ कुरा लेःआः। ओउःपाय् लेखउ दा” तमा दाय्‍ह्‌ती ङाकायः तोआताङः।

प्रकाश 3:14

लाओदीकीयाहाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा। ‘ओउः जुगाङ् ङ्‌हाम्‌सीःओ दोङ् कुरा छ्यानःओ आमेन् त तोओ चाक्‌पाय् सबै जापीनःती न्‍यास्ओकोः जादरः लेःआः। ओउःइ तोओ कुरा इलेःआः।

प्रकाश 4:8

ओउःमयःपाय् छगोता पाप् नाःओलेः खेःइतो आङ्‌गन् नाःतो मीक् खेःतो बाहीरमा भीत्रमा मीक् खेःइतो। न्‍हीदीङ्‌मा याह्‌दीङ्‌मा गलकायःमा ओउःमयः परमेस्‍वर्‌कायः मनःती मुइतो “लौ सबैसै ग्‍वम् नाःओ प्रभु परमेस्‍वर्‌पाय् छय्‍ङ्ओलेः छय्‍ङ्ओलेः छय्‍ङ्ओ लेःआः बा। ओउःपाय् ङ्‌हालेः खेःतो द्याह्‌मा मुलेःनाः लोनेःमा वाङ्‌सा खेःलेःनाः” त दाय्‍ह्‌ती मेधै मुनै।

प्रकाश 5:9

ओहाङःसैको नया गीत् मेती “लौ ओउः थुरी त्‍याक्‌ती छाप् तेत्‌ती फास्‌साकायः नाङ्‌लेःतेः ज्‍योतेःनाः दोह् हायःती दाय्‍ह्‌सा नाङ्‌पाय् सात्ओलेः खेःतेःतो। नाङ्‌कोः वयःइ परमेस्‍वर्‌कायः सबै खलक् भासा देस् जात्‌लम्‌कोः मान्‍तालम् ल्‍हाङ्‌ती लेःतेःआकान्।

प्रकाश 6:10

ओउःमयः सोतोलेः “अ नाङ् दोङ् छय्‍ङ्‌तोलेः मुओ प्रभु परमेस्‍वर्‌य ल्‍हाव्‍ह्‌दैबाङ्‌कोः मान्‍तालम्‌कायः तय्‌छनःती योसा दीन्‌पाय् गल वाङ्‌नाः। ङीकायः सात्ओलम्‌कायः न्‍युम्‍ह्‌ताक्‌सा गुच्‍युक् ज्‍याङःतोहाङः स्‍याव्‌नाः” त दाय्‍ह्‌ती दाय्‍ह्आकाय्।