प्रकाश 3:1 - चेपाङ1 सार्दीस्हाङः मुओ ङ्हाम्ओलम्कोः ल्होक्ओमयःकायः इत लेखउ दा। ‘परमेस्वर्कोः सात्गोता ग्वालामः नाःओ सात्गोता कार् नाःओचाक्इ तोओ कुरापाय् इलेःआः। दोह् दोह्तेः हायःतेःनौ ओउःत ङाइ चीःलेःनेःनाङ्। नाङ्कायःपाय् “पेतो सेलः मुलेःनाः” त दाय्ह्ती तोओ कुरा मुलेःनाः बुरु नाङ्पाय् सीओ लेःतेःआः बा। Faic an caibideil |
प्रकाश 3:1
30 Iomraidhean Croise
ओहाङःसैको द्याह् येसुपाय् परमेस्वर्कोः ङोय्दोहाङः मुओ सबैसै व्हाय्ओ गुल्ह्दाङ् स्याव्नाः। ओउःपाय् एत ताङ्ह्तोलेः स्याव्ओआः ओहाङःसैको परमेस्वर्इ ङ्हा तोओलो लेखा येसुइ परमेस्वर्कोः ग्वालामः दोःती ओउः ग्वालामःपाय् मान्तालम्कायः ल्होक्आकान्। इ मान्तालम्कःताङ् ल्होक्आक्तीको नीङ्इ मेस्खा च्यवःओ मेस्खा सायःओ ग्याङ्ह्सीःओ काम् स्याव्आ।
ओउःमयः येसु ख्रीस्कोः ग्वालामः दोःती “ओउः लोने वाङ्सा खेःओ चाक्पाय् लीह्सीःओ गोरःआक्तीको लोने आन पेतोमा तोङ्ह्तोलेः स्याव्लेःनाः” त दाय्ह्ती ङ्हासै येसु ख्रीस्कोः कुरा छ्यानःआकानी। ओउःच्युक्पाय् छ्यानःसापाय् छ्यानःनीतो ओउः बेलाहाङः गतलो दाङ्नाः गलखा वाङ्नाः त चीःसाकायः आन बोङःआकानी।
ओउः खाल्कोः मान्तालम् नीङ्कोः प्रभु भोस् वाङ्ती ओउः भोस्कायः गाल्ताक्नानी। अरुलम्कायः गतमा म्हर्मामाःत लयःकायः ह जेःती कोस्ताक्नाःइसी। ओउःमयःपाय् मारुःइ वानःओ तीः लात्मालो हाःओ मुस्लो लेखालेः मुनाः। ओउःमयःपाय् सायःसा चीःमालो सीङःलो लेखालेः मुनै। ओउः खाल्कोः सीङःलम्पाय् च्योङ्ती फुक्ती जुगाङ् सीती वाय्ताक्साआः।
नाङ्इ च्यवःओ सात्गोता ङाकोः ङोय् क्रुत्हाङः चुम्ओ कार्लम्मा ओउः सात्गोता सुन्कोः बत्ती गम्ओ तेव्केरामा ओउःमयःकोः माने इलेः द्याह् छ्यान्ह्नेःनाङ्। ओउः सात्गोता कार्लम्पाय् सात् थाव्कोः ङ्हाम्ओलम्कोः ल्होक्ओमयः लेःआः इ। ओउः सुन्कोः सात्गोता बत्तीकोः तेव्केरापाय् सात् थाव्कोः ङ्हाम्ओलम् लेःआः इ बा”
इ कुरा ङा युहना त तोओइ असीया अन्चल्हाङः मुओ सात् थाव्कोः ङ्हाम्ओलम्कायः लेखनाङः। लौ परमेस्वर्पाय् द्याह्लेः मुनाः ङ्हामा खेःलेःतो लोनेःमा वाङ्सा खेःलेःनाः। ओउः गलकायःमा मुओ परमेस्वर्इमा ओउःकोः राजालो च्युङःती मुओ थाव्कोः ङ्हासै मुओ सात्गोता ग्वालामःलम्इमा नीङ्कायः योनःती योती ल्हुङ् धोमाय्ताक्तेःपै।
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
नाङ्इतेः दोह् दोह्तेः हायःतेःनौ ओउःलेः ङाइ चीःलेःनाङः। नाङ्इ गुह्र्मामाःत आन त्युस्ती काम् जाङ्ह्तेःउतो पेमालो काम् जाङ्ह्ओलम्कः नाङ् ब्लाय्क्तेःनाः ओउःतमा चीःलेःनाङः। फेरी “ङीपाय् ख्रीस्इ छ्युङ्ह्ओ ल्होक्ओमयः लेःआः ङी” त माःती तोओलम्कायःमा नाङ्इ तय्छनःती योती ओउःमयःकोः माःओ कुरापाय् चीःती झ्यान्ते सायःतेःउलु एतमा चीःलेःनेःनाङ्।
नाङ्इ दोह् दोह् लीह्सीःओ गोरःओतेःआः ओउःमा चीःलेःनेःनाङ्। नाङ्पाय् ह्र्यात् खेःतेःनाः तमा ङाइ चीःलेःनेःनाङ्। ह्र्यात् खेःसापाय् खेःतेःनाः दोङ्सीलेः नाङ्पाय् नाःतो नाःओचाक्तेः खेःतेःनाः बा। अरुलम्इ नाङ्कायः माःती तोओ गाल्तुम्सा बोङःओ कुरामा चीःलेःनाङः। ओउःत माःती तोओलम्पाय् “यहुदीलम् खेःनाङी” त दाय्ह्ती नोःनीतो ओउःमयःपाय् दोङ् यहुदीलम् खेःइली सैतान्इ थनःताक्ओ मान्तालम् लेःआः इ।
दोह् दोह्तेः हायःतेःनौ ओउःपाय् ङाइ चीःलेःनाङः। ङाकोः काम्पाय् जुगाङ् म्ह्याङ्तीमातेः जाङ्ह्तेःउलु जुगाङ् म्ह्याङ्माःतमा जाङ्ह्तेःउलु। ब्ल्याओ तीःलो लेखा नाङ्पाय् धाह्मातेःल नीक्मातेःल। नाङ् धाह्ओ त खेःयाकायःमा झाक्लेःचाङः खेःतो नीक्ओ त खेःयाकायःमा झाक्लेःनाङः खेःतो नाङ्पाय् ओउःतलेः खेःतेःल
ओउःत तोआक्तीको ङाइ योती यात्ज्योः भेदा मेत्छ्याःकोः चोः ओउः राजा च्युङःसा थाव्कोः माझहाङः सात्गार्ओ लेखा च्यवःआलाङः। ओउःकायः तोङःती ओउः चार् जीङः नाःओलम्मा ओउः चौबीस् थालवःपालम्मा मुओ खेःतो। ओउः भेदामेत्छ्याःकोः चोःपाय् सात्गोता रोङःमा सात्गोता मीक् नाःओ खेःतो। ओउःकोः सात्गोता मीक्पाय् ओउः ल्हाव्ह्दैबाङ्हाङः तीक्ती वाह्साकायः ल्होक्ओ परमेस्वर्कोः सात् ग्वालामः लेःआः इ।
Sanasan