प्रकाश 22:2 - चेपाङ

² सहर्‌कोः ताङ्‌ह्ओ ल्‍याम्‌कोः माझहाङः होती आल्‌नाः। ओउः तीःकोः इसै उसै चीनः चीनःसै ओउः जीङः बयःसा सीङः खेःतो। ओउः सीङःपाय् महीना महीनाहाङः सायःती बार पेन्‍ह्‌कायः सायः सायःनौ। ओउःकोः मात्‌पाय् देस् देस्‌कोः मान्‍तालम्‌कायः स्‍याक्‌ताक्‌साकायः मुओ।

प्रकाश 22:2 Iomraidhean Croise

लुका 4:18

“लौ ङापाय् प्रभु परमेस्‍वर्‌कोः ग्‍वालामः दोःआलाङः दोह् हायःती दाय्‍ह्‌सा ओउःकोः पेओ समचार्‌ नाःतो नाःमालोलम्‌कायः थोल्‍ह्‌ती तोसाकायःमा छ्युङ्‌ह्आताङः। थुनती मुओलम्‌कायः ‘लौ बेन्‌तेःनाः’ फेरी च्‍यवःसा खाय्‌मालोलम्‌कायः ‘लौ च्‍यवःतेःनानी’ त तोसाकायःमा अरुइ ग्रक्ओ मान्‍तालम्‌कायः फेताक्‌साकायःमा

१ पत्रुस् 2:24

येसु ख्रीस्इ ङीकोः रेव्‌तो हायःओ पेङ्‌कलःती वाय्‌साकायः क्‍ल्‍याय्ओ सीङःहाङः लयःकोः आङ् बयःती ङीकायः ल्‍हाङःती सीआ। ओहाङःसैको ङीपाय् रेव्‌तो हायःओ फेती द्याह् पेतो हायःती वाह्‌सा खाय्‌नाःतय्‍ह्‌नी ओउःकोः आङ् बयःओलेः ङीकायः स्‍याक्‌ताक्आतय्‍ही।

प्रकाश 2:7

लौ इ परमेस्‍वर्‌कोः ग्‍वालामःइपाय् ङ्‌हाम्ओलम्‌कायः तोओ कुरालेः पेतो सायःनु दा। सुसुइ रेव्ओकायः क्‍लीमःसा खाय्‌नानी ओउःपाय् परमेस्‍वर्‌कोः राङ्‌हाङः मुओ जीङः बयःसा सीङःसै जेःसा दोःताक्‌नाङः’

प्रकाश 21:21

ओउः बारगोता धोकालम्‌पाय् बारगोता मोतीकोः जाङ्‌ह्ओ खेःतो यात्‌ज्‍योः धोकापाय् यातैज्‍योः मोती खेःतो। ओउः सहर्‌कोः ल्‍याम्‌पाय् पेओ ऐनालो लेखा झेल्ओ सुन्‌कोःलेः जाङ्‌ह्ओ खेःतो

प्रकाश 21:24

ओउःकोः थोङ्ओहाङः सबै देस्‌कोः मान्‍तालम्इ वाह्‌सा खाय्‌नानी। ओउः सहर्‌हाङःमा ल्‍हाव्‍ह्‌दैबाङ्‌कोः राजालम्इ लयःकोः पेओ गह्र्लम् ग्राम् ग्रम्‌त वानःनानी।

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती

प्रकाश 22:14

सुसुइ लयःकोः क्रमःनाय्‌लम् धावःती भाम्‌ताक्‌नानी ओउःमयःपाय् चोङाय्‌तोलेः मुनै ओउःमयः ओउः जीङः बयःसा सीङःसै काव्‍ह्‌सामा दोःनै ओउः सहर्‌कोः धोकालम्‌हाङः पोक्‌सामा दोःलेःनै।

प्रकाश 22:19

ओहाङःसैको सुसुइ इ कीताप्‌कोः लोनेः स्‍याव्‌सा कुराकायः क्‍लेत्‌ताक्‌चानी ओउःकायः इ कीताप्‌हाङः छ्यानःओ जीङः नाःओ सीङःकोः सायः त्‍याक्‌सा भाक् खेःओमा ओउः छय्‍ङ्ओ सहर्‌हाङः वाह्‌ती मुसा खेःओमा परमेस्‍वर्‌इ लाती आलःनाःथास।