प्रकाश 21:9 - चेपाङ

⁹ ओहाङःसैको ओउः सात्‌गोता मानाहाङः महामारी लात्ओ ल्‍होक्ओमयःकोः यात्‌चाक् ङाकःताङ् वाङ्‌ती “लौ वाङ्अ दा ङाइ ओउः भेदाकोः चोः त तोओकोः कमा छ्यानःनेःनाङ्” त दाय्‍ह्‌ती तोआताङः।

प्रकाश 21:9 Iomraidhean Croise

प्रकाश 1:1

इपाय् येसु ख्रीस्इ छ्यानःओ कुरा लेःआः। ओउःकोः लयःकोः काम् जाङ्‌ह्ओलम्‌कायः “रेन्‍ह्‌तोलेः वाङ्‌सा खेःओ कुरा दोह्‌लो” त स्‍यान्‌सा थेङा इ कुरा परमेस्‍वर्‌इ येसु ख्रीस्‌कायः बयःआथै। ओहाङःसैको येसुइ लयःकोः काम् जाङ्‌ह्ओ युहनाकायः इ कुरा छ्यानःसा थेङा यात्‌चाक् लाङ्‌कासै ल्‍होक्ओमयः ल्‍होक्आकान्।

प्रकाश 17:1

ओहाङःसैको यात्‌ज्‍योः माना लात्ओ ल्‍होक्ओमयःकोः ङाकःताङ् वाङ्‌ती “लौ ङाकुस् वाङ्अ ओउः आन पेमालो ल्‍हास्‍या मोमःचोः गत हायःती न्‍युम्‍ह्‌ताक्‌तोलेः स्‍याव्‌नाः त ङाइ छ्यानःनेःनाङ्। ओउःपाय् नाःतो तीः खोलालम्‌कोः चीनःसै मुओ सहर्‌ लेःआः।

प्रकाश 19:7

द्याह् म्रोतोमा चोङाय्‌तोमा स्‍याव्‌ती परमेस्‍वर्‌कायः ताङ्‌ह्‌ताक्‌नी दा दोह् हायःती दाय्‍ह्‌सा ओउः भेदाकोः चोःकोः बीहा जाङ्‌ह्‌सा दीन्‌पाय् दाह्ओ लेःआः बा। ओउःकोः वानःसा कमापाय् चीङ्‌धै मुलेःजेःनाः।

प्रकाश 21:17

ओउःकोः बार्‌कायःमा ओउः ल्‍होक्ओमयःइ क्रुआकान्। बार्‌लम्‌पाय् यात्‌सै चवालीस् मान्‍ताकोः तुप्‌क्रुच्‍युक् यास्ओलेः खेःतो ओउः ल्‍होक्ओमयःकोः दङ्‌गइ क्रुती इच्‍युक् यास्ओलेः खेःतो।

प्रकाश 21:2

ओहाङःसैको ओउः पेओ छय्‍ङ्ओ नया यरुसालेम् त तोओ सहर्‌ लाङ्‌काहाङः मुओ परमेस्‍वर्‌सै ग्‍ल्‍युङ्‌ह्‌ती वाङ्ओमा च्‍यवःआलाङः। ओउः सहर्‌पाय् देङीलो भाव्इ वानःसा खेःओ आन पेओ नाय्‌लम् लावओ सायःलम् लीक्ओ कमालो लेखालेः खेःतो।

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती

प्रकाश 22:17

ओहाङःसैको परमेस्‍वर्‌कोः ग्‍वालामःमा ओउः भेदाकोः चोःकोः कमामा “लौ वाङ्अ दा” त दाय्‍ह्‌ती तोनाःचु। ओउः कुरा सायःओलम्‌मा “माः है वाङ्‌चाक्अ दै” तमा सबैइ तोपानी। ओहाङःसै सुसुमा अप्‌लेःनै ओउःपाय् ग्‍यातीलेः वाङ्‌ती ओउः पैसा आःताः त्‍याक्‌माःत सोह् बयःओ जीङः बयःसा तीः त्‍याक्‌पानी।

प्रकाश 22:6

ओहाङःसैको “लौ इ कुरापाय् दोङ् ङ्‌हाम्‌सीःओ कुरा लेःआः। ओउःकोः कुरा छ्यानःओलम्‌कायः लयःकोः ग्‍वालामः बयःताक्‌सा परमेस्‍वर्‌इपाय् देङी स्‍याव्‌सा कुरालेः लयःकोः काम् जाङ्‌ह्ओलम्‌कायः छ्यानःलेःनौ। ओउःत हायःसाकायः ओउःइ लयःकोः ल्‍होक्ओमयः ल्‍होक्आकान्” त दाय्‍ह्‌ती ओउः ल्‍होक्ओमयःइ तोआताङः।