प्रकाश 21:5 - चेपाङ

⁵ ओहाङःसैको ओउः राजा च्‍युङःसा थाव्‌हाङः मुओचाक्‌पाय् “लौ सबै कुरा नयालेः जाङ्‌ह्‌नाङः बा” त दाय्‍ह्‌ती दाय्‍ह्ओ खेःतो। “लौ इ कुरापाय् दोङ् ङ्‌हाम्‌सीःओ कुरा लेःआः। ओउःपाय् लेखउ दा” तमा दाय्‍ह्‌ती ङाकायः तोआताङः।

प्रकाश 21:5 Iomraidhean Croise

लुका 5:38

खेःल रौ धाक्‌सायःकोः तीःपाय् रौ पोम्‌हाङः कासा खेःतो।

२ कोरीन्‍थी 5:17

ओउःत खेःया सुसु ख्रीस्‌कोः मान्‍ता लेःआः ओउःपाय् नया स्‍याव्ओ मान्‍ता खेःलेःनाः। आय् कुरा द्याह् म्‍हीत्‌ती मीह्‌लेःआ लौ सबै कुरा रौलेः खेःनाः बा।

हेब्रैनी 12:27

ओउःइ “लौ फेरी यातै पेन्‍ह्‌कायः साङ्‌ह्‌लेःताक्‌नाङः” त दाय्‍ह्‌ती तोती झ्‍यान्‍ते ओउः लोनेः वाङ्‌सा साङ्‌ह्‌ताक्‌सा बेलाहाङःपाय् सबै ङ्‌हा जापीनःती न्‍यास्ओ थोक्‌लम्‌पाय् जुगाङ् वाय्‌तो स्‍याव्‌नै त छ्यानःनाःतय्‍ही। ओउःखेपाय् वाय्‌लेःनै ओउः बेलाहाङःपाय् ओउः साङ्‌ह्‌तीलेः वाय्‌सा खाय्‌मालो कुराखे झुङ्आले मुलेःनाः।

प्रकाश 1:11

“लौ दोह् दोह्‌तेः च्‍यवःतेःनौ ओउःलेः कीताप्‌हाङः लेखआक्‌तीको ओउः कीताप्‌पाय् इ सात् थाव्‌कोः ङ्‌हाम्ओलम्‌कायः ल्‍होक्उ दा। ओउः सात् थाव्‌पाय् एफेसस् स्‍मर्‌ना पर्‌गामम् थुयातीरा सार्‌दीस् फीलादेल्‍फीया लाओदीकीया त तोआ सात् सहर्‌ लेःआः” त दाय्‍ह्‌ती तोआताङः।

प्रकाश 1:19

ओउःत दाय्‍ह्‌ती “लौ उया नाङ्इ द्याह् च्‍यवःओ कुरामा ङ्‌हा च्‍यवःओ कुरामा लोनेः च्‍यवःसा कुरामा लेखउ दा।

प्रकाश 19:9

ओहाङःसैको ओउः ल्‍होक्ओमयः ङाकायः तोती “लौ ‘ओउः भेदाकोः चोःकोः बीहा भोस्‌हाङः गोत्ओलम्‌पाय् चोङाय्‌तोलेः स्‍याव्‌नै’ त दाय्‍ह्ओ लेखउ दा” त दाय्‍ह्‌ती ओउःइ ङाकायः तोआताङः “माः है ओउःपाय् परमेस्‍वर्‌इ नोःओ दोङ् कुरा लेःआः बा” तमा ओउः ल्‍होक्ओमयःइ दाय्‍ह्‌ती तोआताङः।

प्रकाश 20:11

ओहाङःसैको ङाइ ताङ्‌ह्ओ भाम्ओ राजा च्‍युङःसा थाव्‌मा च्‍यवःआलाङः ओहाङः च्‍युङःओचाक्‌मा च्‍यवःआलाङः। ओउःकःसै ल्‍हाव्‍ह्‌दैबाङ्‌मा फेल्‌बाङ्‌मा क्रव्‌ती ज्‍याल्आ। जुगाङ् म्‍हीत्ओलेः खेःतो।

प्रकाश 22:19

ओहाङःसैको सुसुइ इ कीताप्‌कोः लोनेः स्‍याव्‌सा कुराकायः क्‍लेत्‌ताक्‌चानी ओउःकायः इ कीताप्‌हाङः छ्यानःओ जीङः नाःओ सीङःकोः सायः त्‍याक्‌सा भाक् खेःओमा ओउः छय्‍ङ्ओ सहर्‌हाङः वाह्‌ती मुसा खेःओमा परमेस्‍वर्‌इ लाती आलःनाःथास।

प्रकाश 22:6

ओहाङःसैको “लौ इ कुरापाय् दोङ् ङ्‌हाम्‌सीःओ कुरा लेःआः। ओउःकोः कुरा छ्यानःओलम्‌कायः लयःकोः ग्‍वालामः बयःताक्‌सा परमेस्‍वर्‌इपाय् देङी स्‍याव्‌सा कुरालेः लयःकोः काम् जाङ्‌ह्ओलम्‌कायः छ्यानःलेःनौ। ओउःत हायःसाकायः ओउःइ लयःकोः ल्‍होक्ओमयः ल्‍होक्आकान्” त दाय्‍ह्‌ती ओउः ल्‍होक्ओमयःइ तोआताङः।

प्रकाश 4:2

ओउःत तोओ कुस्‌ब्रक्‌तलेः परमेस्‍वर्‌कोः ग्‍वालामः दोःआलाङः। ओहाङःसैको लाङ्‌काहाङःपाय् यात्‌ज्‍योः राजा च्‍युङःसा थाव् मुओ खेःतो फेरी ओहाङः यात्‌चाक् च्‍युङःओ खेःतो।

प्रकाश 4:9

ओउः चार्‌ जीङः नाःओलम्इपाय् ओउः गलमा सीमालो राजाकोः थाव्‌हाङः च्‍युङःओचाक्‌कायः ताङ्‌ह्‌ताक्‌ती “च्‍युता” त तोती मनःधै मेधै मुलेःनै।

प्रकाश 5:1

ओहाङःसैको ओउः राजाकोः थाव्‌हाङः च्‍युङःओचाक्‌कोः ङोय् क्रुत्‌हाङः तुलःती गम्ओ कागत्‌कोः थुरी च्‍यवःआलाङः। ओउः कागत्‌पाय् खोस्‌सैमा काह्‌सैमा लेखओ खेःतो सात्‌गोता मोहर्‌ छाप्इ पानःओ खेःतो।