प्रकाश 21:3 - चेपाङ

³ ग्‍ल्‍युङ्‌ह्‌ती वाङ्‌तोक्‌हाङः ओउः राजा च्‍युङःसा थाव्‌सै सोतो हाव्‌नयःमा सायःआलाङः “लौ द्याह्‌गोते परमेस्‍वर्‌पाय् मान्‍तालम्‌कुस् याक्‌लेःनाः। ओउःत याक्‌तोक्‌हाङः ओउःमयः परमेस्‍वर्‌कोः मान्‍तालम् स्‍याव्‌लेःनै। माः है परमेस्‍वर्‌पाय् लयःलेः मान्‍तालम्‌कुस् याक्‌ती ओउःमयःकोः परमेस्‍वर्‌ स्‍याव्‌लेःनाः।

प्रकाश 21:3 Iomraidhean Croise

युहना 1:14

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

युहना 14:23

“लौ सुसुइ ङाकायः राप्‌नाःताङः ओउःइलेः ङाइ तोआ कुरा ग्‍याती जाङ्‌ह्‌नानी। ओउःकायः ङाकोः आपाइ राप्‌ती नीची नीस् आपाचाः ओउःकःताङ् मुलाङ् वाङ्‌नाङःच।

२ कोरीन्‍थी 6:16

परमेस्‍वर्‌कोः मन्‍दीर्‌हाङः मुर्‌तीलम् मुसा दोःइली। ङीपाय् ओउः दोङ् जीङः नाःओ परमेस्‍वर्‌कोः मन्‍दीर्‌ लेःआः तय्‍ही। “ङापाय् लयःकोः मान्‍तालम्‌कुस् याक्‌मानाङः ओउःमयःकुस् वाह्‌मानाङः। ओउःमयःकोः परमेस्‍वर्‌ ङालेः स्‍याव्‌नाङः ओउःमयः ङाकोः मान्‍तालेः स्‍याव्‌नै” त दाय्‍ह्‌ती परमेस्‍वर्‌ दाय्‍ह्आ।

२ कोरीन्‍थी 6:18

“ङापाय् नाङ्‌कोः आपालेः स्‍याव्‌नाङः नीङ्‌पाय् ङाकोः चोःलम् चोःद्याङ्‌लम् स्‍याव्‌तेःनै” त दाय्‍ह्‌तीमा ओउः ग्‍वम् नाःओ परमेस्‍वर्‌ दाय्‍ह्आ।

१ थेसलोनिकि 3:11

लौ ङीकोः परमेस्‍वर्‌ आपाइमा ङीकोः प्रभु येसु ख्रीस्इमा नीङ्‌कःताङ् क्रुस्‌लाङ् दाक्‌पाःताङी।

हेब्रैनी 11:16

ओउःमयः ओउः ङ्‌हाहाङः फेओ देस्‌खेताङ् पाय्‍ह्इली ओउःसै पेओ लाङ्‌का देस्‌खेताङ् द्याह् आल्‌सा झाक्इतो ती ओउःत झ्‍यान्‍ते ओउःमयःइ परमेस्‍वर्‌कायः “लौ ङीकोः परमेस्‍वर्‌ लेःआः” त दाय्‍ह्‌ती तोतोक्‌हाङः ओउःमयःकः परमेस्‍वर्‌ अह्र्ल। ओउःपाय् अह्र्ल ओउः एत ङ्‌हाम्ओ लयःकोः मान्‍तालम्‌कायः याक्‌सा सहर्‌लेः जाङ्‌ह्आथास।

हेब्रैनी 8:10

“द्याह् ओउः वाङ्‌सा खेःओ दीन्‌लम्‌हाङः ओउः इस्राएल् त तोओलम्‌कुस् इ नया कुरा होम्‌काय्‌ती गम्‌नाङः ङाकोः हुकुम्‌लम्‌पाय् ओउःमयः ल्‍हुङ्‌तुक्‌हाङः सेती गम्‌ताक्‌लेःनाङःसु। ङापाय् ओउःमयःकोः परमेस्‍वर्‌लेः स्‍याव्‌नाङः ओउःमयःपाय् ङाकोः मान्‍तालेः स्‍याव्‌नै।

हेब्रैनी 8:2

फेरी ख्रीस्‌खेइपाय् अरु मान्‍ताखे पोक्‌सा दोःमालो मन्‍दीर्‌कोः दोङ् दुङ्‌हाङः पुरोहीत्‌कोः काम् जाङ्‌ह्‌लेःनौ। ओउः दोङ् मन्‍दीर्‌पाय् मान्‍ताइ जाङ्‌ह्ओ खेःल प्रभुइ जाङ्‌ह्ओ लेःआः बा।

प्रकाश 10:4

त्‍याङ्आक्‌तीको ओउःमयः त्‍याङ्ओ कुरापाय् लेखसा बोङःङोतो लाङ्‌कासै हाव्‌नयः वाङ्‌ती “लौ ओउः सात्‌गोता मुक्ओइ नोःओ कुरापाय् अरुकायः छ्यानःमाःत ल्‍हुङ्‌हाङः सेती गम्उ ओउःपाय् लेखलाम्” त दाय्‍ह्‌ती ङाकायः तोआताङः।

प्रकाश 10:8

ओहाङःसै ङाइ ङ्‌हा सायःओ लाङ्‌कासै वाङ्ओ हाव्‌नयःइपाय् फेरीलेः सायःती “लौ द्युम्‌मालो तीःहाङःमा साःहाङःमा तेक्ओ ल्‍होक्ओमयःकःताङ् आल्‌ती ओउःकोः क्रुत्‌हाङः मुओ कागत्‌कोः थुरी ओउःकःसै त्‍याक्उ दा” त ङाकायः दाय्‍ह्‌ती तोओ खेःतो।

प्रकाश 12:10

ओहाङःसैको ओउःमयः क्‍लाःआक्‌तीको लाङ्‌काहाङः सोतो हाव्‌नयः सायःआलाङः “लौ द्याह्‌गोते ङीकोः परमेस्‍वर्‌कोः दल्‌ताक्‌सा ग्‍वम्‌मा ओउः राजीमा छ्यानःओ लेःआः बा। ओउःकोः ख्रीस्‌कोः हुकुम् बयःसा ग्‍वम्‌मा छ्यानःओ लेःआः। ङीकोः पुःचोङ् हौचोङ्‌कायः परमेस्‍वर्‌कःताङ् न्‍हीदीङ्‌मा याह्‌दीङ्‌हाङःमा गाल्‌तुम्ओचाक्‌कायः लाङ्‌कासै रुनःती क्‍लाःओ लेःआः बा।

प्रकाश 21:7

सुसु रेव्ओकायः क्‍लीमःनानी ओउःकायः ङाइ इतलेः बयःलेःनाङः। ङापाय् ओउःकोः परमेस्‍वर्‌लेः स्‍याव्‌नाङः ओउःपाय् ङाकोः चोःलेः स्‍याव्‌नै।

प्रकाश 22:3

ओहाङःसैको ओउः सहर्‌हाङःपाय् परमेस्‍वर्‌इ प्रनःओपाय् दोह्‌मा नाःल। ओहाङः परमेस्‍वर्‌कोःमा ओउः भेदाकोः चोःकोः च्‍युङःती मुओ थाव् मुलेःनाः। परमेस्‍वर्‌कायः ओउःकोः काम् जाङ्‌ह्ओलम्इ माननानी।

प्रकाश 7:15

ओउःत झ्‍यान्‍ते ओउःमयःपाय् परमेस्‍वर्‌कोः राजा च्‍युङःसा थाव्‌हाङः मुनै। आने ओउःमयःइ परमेस्‍वर्‌कोः मन्‍दीर्‌हाङः न्‍हीदीङ्‌मा याह्‌दीङ्‌मा ओउःकायः काम् जाङ्‌ह्‌धैलेः मुनै। ओहाङःसैको ओउः राजाकोः थाव्‌हाङः च्‍युङःओ परमेस्‍वर्‌इपाय् ओउःमयःकायः क्रुप्‌नाःथास।