प्रकाश 20:4 - चेपाङ4 ओहाङःसैको राजा च्युङःसा थाव्लम् च्यवःआलाङः। ओहाङः च्युङःती मुओलम्कायः तय्छनःती योसा ग्वम् बयःओ खेःतो। फेरी येसुकोः दोङ् कुरामा परमेस्वर्कोः नोःराय्मा थोल्ह्ती तोसाकायः पाल्ती सात्ओलम्कोः नामे रुआङ्लम्मा च्यवःआलाङः। ओउःमयःइपाय् ओउः तीःसै थाओकायःमा ओउःकोः मुर्तीकायःमा गलमा मानआक्नीली ओउःकोः चीन्ह जेल्ह्हाङः क्रुत्हाङः गलमा लात्आक्नीली। ओउःमयः सेलः उह्ती स्याव्ती ख्रीस्कुस् यात् हजार् बर्सच्युक्कायः राजालम् स्याव्नै। Faic an caibideil |
प्रकाश 20:4
40 Iomraidhean Croise
एत नोःकाय्ओ गालील अन्चल्कोः हेरोद् त तोओ राजाइ सायःआकान्। सायःआक्तीको “लौ अनम्ह् ङाइ पाल्ती सात्ताक्ओ युहना इलेः फेरी थाती वाङ्ओआः यादो” त दाय्ह्ती हेरोद् दाय्ह्आ। अनम्ह्लो हेरोद् राजाइ बाप्तीस्मा बयःओ युहनाकायः चुम्ती पानःसाकायः ल्होक्आकान्। ओउःकायः चुम्ती पानःआक्तीको हेरोद्इ झ्याल्खानहाङः काआथै दोह् हायःती दाय्ह्सा हेरोद्इ लयःकोः फीलीप्त तोओ हौकोः बुधीकायःलेः लयःकोः बुधी जाङ्ह्लाङ् वानःआकान् ओउःकोः हौ सीधाङ्माःखाहाङः।
उय्ह्लेकोः परमेस्वर्कोः ग्वम्मा ग्वालामःमा दोःओ एलीयालो लेखा स्याव्ती नाङ्कोः चोःपाय् परमेस्वर्इ तोती गम्ओ प्रभुकोः ङ्हासै वाह्नाः। ओउःइ आपालम् चोःलम्कुस् ब्राङ्ताक्मानौ रेव्ओ काम् जाङ्ह्ओ मान्तालम्कायः पेओ व्हाय्ओ ल्हुङ् स्याव्ताक्मानौ। ओउःत हायःती ओउःइ ख्रीस्कोः वाङ्सा बेलाहाङःकायः मान्तालम्इ प्रभुकायः रोम्ताक्नाःथै” त दाय्ह्ती ओउः ल्होक्ओमयःइ जखरीयाकायः तोआथै।
फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
ङापाय् युहना त तोओलेः नीङ्कोः पुः स्याव्ती ङाइ नीङ्कुस् येसुकायः लीह्सीःओ गोरःमानाङः नीङ्कुस्लेः ओउःकोः राजीहाङः मुमानाङः ओउः वाङ्साकायः ल्युङ्ह्तीलेः मुमानाङः। परमेस्वर्कोः नोःराय्मा येसुइ छ्यानःओ कुरामा थोल्ह्ती तोती झ्यान्ते ङापाय् पात्मोस् त तोओ तीःइ तोङःती गम्ओ देस्हाङः थुनतीलेः मुनाङः।
ओहाङःसैको ओउः सात्गोता ल्होक्ओमयःकोः ओउः दप्ती सोय्ह्तो स्याव्ओपाय् ओउःकोः तुरही मुत्आकान्। मुत्आक्तीको लाङ्काहाङः सोतो गोःओ हाव्नयःलम् सायःओ खेःतो “लौ ल्हाव्ह्दैबाङ्कोः राजीपाय् ङीकोः परमेस्वर्कोःमा ओउःकोः ख्रीस्कोःमा स्याव्ओआः बा। ओउःपाय् गलकायःमा हुकुम् बयःसा राजालेः स्याव्नाः” त दाय्ह्ती दाय्ह्ओ खेःतो।
ओहाङःसैको ङाइ यात्ज्योः ताङ्ह्ओ ऐनाकोः जाङ्ह्ओ दुम्हान् च्यवःआलाङः। ओउः ऐनापाय् म्हेःकुस् ल्याव्ह्ओ खेःतो। ओहाङःसैको दुम्हान्कोः चीनःहाङः ओउः तीःसै थाओकायःमा ओउःकोः मुर्तीकायःमा ओउःकोः मय्ङ्कोः नम्बर्कायःमा क्लीमःसा खाय्ओलम्पाय् परमेस्वर्इ बयःओ वरनी लात्तीलेः चीङ्ती मुओ खेःइतो।
नाङ्इ च्यवःओ सात् तालाङ् नाःओपाय् ङ्हालेः मुओ खेःतो देङीपाय् नाःल। ओउःपाय् लोनेः कामः नालासै लन्ह्ती वाङ्नाः। वाङ्आक्तीको जुगाङ् ह्र्योङःती वाय्तोलेः स्याव्नाः। ओहाङःसैको सुसु ल्हाव्ह्दैबाङ्कोः मान्तालम्पाय् सबै जापीनःती न्यास्तोक्हाङःसै ओउःमयःकोः मय्ङ् जीङः नाःओलम्कोः कीताप्हाङः लेखमाःत मुलेःनै ओउःमयःपाय् ओउः सात् तालाङ् नाःआकाय् योती झ्यान्ते ग्याङ्ह्लेःनै दोह् हायःती दाय्ह्सा ओउः सात् तालाङ् नाःओपाय् ङ्हालेः मुओ खेःतो देङीपाय् नाःल लोनेःमा थाती वाङ्लेःनाः।
Sanasan