प्रकाश 2:9 - चेपाङ9 नाङ्इ दोह् दोह् लीह्सीःओ गोरःओतेःआः ओउःमा चीःलेःनेःनाङ्। नाङ्पाय् ह्र्यात् खेःतेःनाः तमा ङाइ चीःलेःनेःनाङ्। ह्र्यात् खेःसापाय् खेःतेःनाः दोङ्सीलेः नाङ्पाय् नाःतो नाःओचाक्तेः खेःतेःनाः बा। अरुलम्इ नाङ्कायः माःती तोओ गाल्तुम्सा बोङःओ कुरामा चीःलेःनाङः। ओउःत माःती तोओलम्पाय् “यहुदीलम् खेःनाङी” त दाय्ह्ती नोःनीतो ओउःमयःपाय् दोङ् यहुदीलम् खेःइली सैतान्इ थनःताक्ओ मान्तालम् लेःआः इ। Faic an caibideil |
प्रकाश 2:9
29 Iomraidhean Croise
लौ उया सुइमा दोह्इमा ङीकायः राप्ओ ख्रीस्सै वेङ्ताक्सा खाय्बाय्नीली। दोह्इ खेःयाकायःमा खाय्नीली लीह्सीःओ खेःयाकायःमा चाक्ओ काम् खेःयाकायःमा अरु घान्याकायःमा योङ्क्राय्ओ न्याम् झ्युङ्ओ प्रात्याकायःमा सीखेःओ सात्खेःओ स्याव्याकायःमा दोह् खेःयाकायःमा ङीकायः राप्ओ ख्रीस्सै ङीकायः वेन्ताक्सा खाय्बाय्तय्हीली।
ङापाय् युहना त तोओलेः नीङ्कोः पुः स्याव्ती ङाइ नीङ्कुस् येसुकायः लीह्सीःओ गोरःमानाङः नीङ्कुस्लेः ओउःकोः राजीहाङः मुमानाङः ओउः वाङ्साकायः ल्युङ्ह्तीलेः मुमानाङः। परमेस्वर्कोः नोःराय्मा येसुइ छ्यानःओ कुरामा थोल्ह्ती तोती झ्यान्ते ङापाय् पात्मोस् त तोओ तीःइ तोङःती गम्ओ देस्हाङः थुनतीलेः मुनाङः।
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
नाङ्इतेः दोह् दोह्तेः हायःतेःनौ ओउःलेः ङाइ चीःलेःनाङः। नाङ्इ गुह्र्मामाःत आन त्युस्ती काम् जाङ्ह्तेःउतो पेमालो काम् जाङ्ह्ओलम्कः नाङ् ब्लाय्क्तेःनाः ओउःतमा चीःलेःनाङः। फेरी “ङीपाय् ख्रीस्इ छ्युङ्ह्ओ ल्होक्ओमयः लेःआः ङी” त माःती तोओलम्कायःमा नाङ्इ तय्छनःती योती ओउःमयःकोः माःओ कुरापाय् चीःती झ्यान्ते सायःतेःउलु एतमा चीःलेःनेःनाङ्।
Sanasan