प्रकाश 2:2 - चेपाङ2 नाङ्इतेः दोह् दोह्तेः हायःतेःनौ ओउःलेः ङाइ चीःलेःनाङः। नाङ्इ गुह्र्मामाःत आन त्युस्ती काम् जाङ्ह्तेःउतो पेमालो काम् जाङ्ह्ओलम्कः नाङ् ब्लाय्क्तेःनाः ओउःतमा चीःलेःनाङः। फेरी “ङीपाय् ख्रीस्इ छ्युङ्ह्ओ ल्होक्ओमयः लेःआः ङी” त माःती तोओलम्कायःमा नाङ्इ तय्छनःती योती ओउःमयःकोः माःओ कुरापाय् चीःती झ्यान्ते सायःतेःउलु एतमा चीःलेःनेःनाङ्। Faic an caibideil |
प्रकाश 2:2
21 Iomraidhean Croise
यात्नीस्चाक्कायः ब्रःताक्ओ लेःआः बुरु दोह् दोह् परमेस्वर्इलेः लयः तोती गम्आकान् ओउःपाय् ग्रमःत मुओ तोस्बाङ्लो लेखा गलमा वाय्सा खाय्मालो लेःआः। ओउः बाङ्हाङः “लयःकोः मान्तालम्कायः प्रभुइ तय्ह्नाःथास” त दाय्ह्ओमा लेखती मुनाः। फेरी “सुसुइलो येसुकोः मीक्हाङः ओउःकायः ‘प्रभुय’ त दाय्ह्नै ओउःमयःइ रेव्ओ काम् जाङ्ह्ओकायः फेनानी” त दाय्ह्ओमा लेखती मुनाः।
नाङ्इ दोह् दोह् लीह्सीःओ गोरःओतेःआः ओउःमा चीःलेःनेःनाङ्। नाङ्पाय् ह्र्यात् खेःतेःनाः तमा ङाइ चीःलेःनेःनाङ्। ह्र्यात् खेःसापाय् खेःतेःनाः दोङ्सीलेः नाङ्पाय् नाःतो नाःओचाक्तेः खेःतेःनाः बा। अरुलम्इ नाङ्कायः माःती तोओ गाल्तुम्सा बोङःओ कुरामा चीःलेःनाङः। ओउःत माःती तोओलम्पाय् “यहुदीलम् खेःनाङी” त दाय्ह्ती नोःनीतो ओउःमयःपाय् दोङ् यहुदीलम् खेःइली सैतान्इ थनःताक्ओ मान्तालम् लेःआः इ।
दोह् दोह्तेः हायःतेःनौ ओउःपाय् ङाइ चीःलेःनाङः। ङाकोः काम्पाय् जुगाङ् म्ह्याङ्तीमातेः जाङ्ह्तेःउलु जुगाङ् म्ह्याङ्माःतमा जाङ्ह्तेःउलु। ब्ल्याओ तीःलो लेखा नाङ्पाय् धाह्मातेःल नीक्मातेःल। नाङ् धाह्ओ त खेःयाकायःमा झाक्लेःचाङः खेःतो नीक्ओ त खेःयाकायःमा झाक्लेःनाङः खेःतो नाङ्पाय् ओउःतलेः खेःतेःल
Sanasan