प्रकाश 18:2 - चेपाङ

² ओउः ल्‍होक्ओमयःइपाय् आन सोतो गोःती “लौ ह्र्योङःती वाय्ओ लेःआः। ओउः ताङ्‌ह्ओ बाबीलोन् त तोओ सहर्‌पाय् ह्र्योङःती वाय्ओ लेःआः बा। द्याह्‌हाङःसै ओउः सहर्‌पाय् लान्‌लम्‌कोः जीरा तागालेः स्‍याव्‌नाः। ओहाङः सबै खाल्‌कोः पेमालो क्रीसीःओ वाःलम् मुलेःनाः

प्रकाश 18:2 Iomraidhean Croise

प्रकाश 1:15

ओउःकोः दोम्‌खेपाय् म्‍हेःहाङः युओ पीताल्‌लो लेखालेः थोङ्‌तोलेः खेःतो ओउःकोः हाव्‌नयःखे क्‍लोनःती ल्‍हक्अर्‌ओ तीःलो लेखालेः खेःतो।

प्रकाश 10:3

ओउःइपाय् माजाःकोः हाव्‌नयःलो लेखा ङुर्‌ती गोःउतो गोःआक्‌तीको सात्‌गोता मुक्ओ त्‍याङ्आकाय्।

प्रकाश 11:8

सात्आक्‌तीको ओउः नीस्‌चाक्‌कोः म्‍हाङ्‌पाय् ओउः ताङ्‌ह्ओ सहर्‌कोः ल्‍याम्‌हाङः फेती गम्ओ खेःतो। ओउः ताङ्‌ह्ओ सहर्‌पाय् ओउः नीस्‌कोः प्रभुकायः क्‍ल्‍याय्ओ सीङःहाङः योकोःती सात्ओ सहर्‌ लेःआः। ओउः सहर्‌पाय् सोदोम्‌मा मीस्रा त तोओ हाल् मय्‍ङ् बयःओलेः खेःतो।

प्रकाश 14:15

ओहाङःसैको यात्‌ज्‍योः अरु ल्‍होक्ओमयः मन्‍दीर्‌सै ग्‍ल्‍युङ्‌ह्‌ती ओउः मुस्‌हाङः च्‍युङःओचाक्‌कायः सोतो गोःती “लौ नाङ्‌कोः रामा त्‍याक्‌ती सायः राःउ दा। ल्‍हाव्‍ह्‌दैबाङ्‌कोः सायःलम्‌पाय् मीन्‌तीलेः मुनाः ओउःकायः राःती त्‍युम्‍ह्ओ बेलाहाङः दाह्ओआः बा” त दाय्‍ह्‌ती तोआथै।

प्रकाश 14:8

ओहाङःसैको ओउःकायः गुल्‍ह्‌ती यात्‌ज्‍योः अरु ल्‍होक्ओमयः वाङ्ओ “लौ ह्र्योक्‌ती वाय्ओ लेःआः बा। ओउः ताङ्‌ह्ओ बाबीलोन् त तोओ सहर्‌पाय् ह्र्योक्‌ती वाय्ओ लेःआः बा। ओउःइपाय् सबै जात्‌लम्‌कायः ओउःकोः ल्‍हास्‍या काम् जाङ्‌ह्‌साकायः थ्‍योन्‍ह्‌ती हान् ङोओलम्‌लो लेखालेः ब्रःताक्आकान्” त दाय्‍ह्‌ती ओउः ल्‍होक्ओमयः दाय्‍ह्आ।

प्रकाश 16:13

ओहाङःसैको सुम्‌ज्‍योः रेव्‌तो क्रीसीःओ तोक्राक्‌लो लेखा लान्‌लम् च्‍यवःआलाङः। ओउः लान्‌लम्‌पाय् ओउः ताङ्‌ह्ओ नाक् रुकोः म्‍होतोङ्‌सैमा ओउः तीःसै थाओकोः म्‍होतोङ्‌सैमा ओउः साःसै थाओ माःती स्‍यान्ओकोः म्‍होतोङ्‌सैमा थाती वाङ्आकाय्।

प्रकाश 16:19

ओउः ल्‍याङ् वाङ्आक्‌तीको ओउः ताङ्‌ह्ओ सहर्‌पाय् सुम् भाक्‌कायः वाक्ओलेः खेःतो सबै देस्‌कोः सहर्‌लम्‌पाय् ह्र्योङःती वाय्ओ खेःतो। ओउः ताङ्‌ह्ओ बाबीलोन् त तोओकोः पेमालो जाङ्‌ह्ओ कुरामा परमेस्‍वर्‌इ गीलती आन ल्‍हुङ् मल्‍ह्‌तोलेः स्‍याव्‌ती जुगाङ् दप्‌ताक्‌तोलेः न्‍युम्‍ह्‌ताक्आकान्।

प्रकाश 17:18

ओहाङःसैको नाङ्इ च्‍यवःओ मोमःचोःपाय् ल्‍हाव्‍ह्‌दैबाङ्‌कोः राजालम्‌कायः पुःओ ताङ्‌ह्ओ सहर्‌ लेःआः बा” त दाय्‍ह्‌ती ओउः ल्‍होक्ओमयःइ तोआताङः।

प्रकाश 17:5

ओउःकोः जेल्‍ह्‌हाङः चीःसा खाय्‌मालो मय्‍ङ् लेखओ खेःतो। ओउः मय्‍ङ्‌पाय् इत लेःआः खेःतो “ताङ्‌ह्ओ बाबीलोन्” त तोओ “ल्‍हास्‍यालम्‌कोःमा ल्‍हाव्‍ह्‌दैबाङ्‌हाङः मुओ क्रीसीःओ काम् जाङ्‌ह्ओलम्‌कोः आमा लेःआः बा”

प्रकाश 18:10

ओउःकोः न्‍युम्‍ह्ओकः आन रैती ओउः राजालम् लोक्‌तोसै योती “अह नाङ्‌पाय् न्‍युम्‍ह्‌तोलेः स्‍याव्‌तेःआ बा। नाङ् ताङ्‌ह्ओ ग्‍वम् नाःओ बाबीलोन् सहर्‌ न्‍युम्‍ह्‌तोतेः स्‍याव्‌तेःआ बा। यात् चीच्‍योक्‌हाङःपाय् नाङ्‌कायः न्‍युम्‍ह्‌ताक्ओ रैस” त दाय्‍ह्‌ती ओउःमयः र्‍याःती दाय्‍ह्‌लेःनै।

प्रकाश 18:21

ओहाङःसैको यात्‌चाक् ताङ्‌ह्ओ ल्‍होक्ओमयः ताङ्‌ह्ओ ग्रायःबाङ्‌च्‍युक् लीःओ बाङ् च्‍युन्‌ती द्युम्‌मालो तीःहाङः तोस्‌ती वाय्‌ती “लौ इतलेः ओउः ताङ्‌ह्ओ बाबीलोन् त तोओ सहर्‌पाय् तोस्‌ती वाय्‌लेःनाः। वाय्आक्‌तीको ओउःपाय् जुगाङ् म्‍हीत्‌लेःनाः” त दाय्‍ह्‌ती दाय्‍ह्आ।

प्रकाश 5:2

ओहाङःसैको यात्‌चाक् ताङ्‌ह्ओ ल्‍होक्ओमयःकायः च्‍यवःआलाङः “लौ छाप् तेत्‌ती इ कागत् खीह्‌ती फास्‌साकायः सुखेलो ज्‍योलेःनाः” त दाय्‍ह्‌ती ओउः ल्‍होक्ओमयः सोतोलेः व्‍हत्आकान्।