प्रकाश 18:1 - चेपाङ

¹ ओहाङःसैको ङाइ यात्‌चाक् अरु ताङ्‌ह्ओ ल्‍होक्ओमयः लाङ्‌कासै ग्‍ल्‍युङ्‌ह्ओ च्‍यवःआलाङः। ओउःपाय् आन ग्‍वम् नाःओ खेःतो आन पेओ अङ्‌ग थङ्‌ग त थोङ्‌ती झ्‍यान्‍ते ओउःइपाय् ल्‍हाव्‍ह्‌दैबाङ्‌कायः सबै हवःआकान्।

प्रकाश 18:1 Iomraidhean Croise

लुका 17:24

दोह् हायःती दाय्‍ह्‌सा ङा मान्‍ताकोः चोः त तोओखे वाङ्ओपाय् दाह्‌न्‍याम्‌सै ब्‍लक्‌न्‍याम्‌ताङ् प्‍लीङ्‌ह्ओ न्‍याम्‌लो लेखालेः सबै च्‍यवःसा दोःलेःनै।

२ थेसलोनिकि 2:8

ओहाङःसैको ओउः आल्‌सा बेलाहाङःपाय् ओउः रेव्ओ चाक्‌पाय् छ्यानःतीलेः थानाः। थाआक्‌तीको प्रभु येसुइ आन पेतो आङ्‌ग थाङ्‌ग त ग्‍वम्‌कुस् वाङ्‌ती ओउः रेव्ओचाक्‌कायः यातै सास्‌हाङः सात्‌ती वाय्‌नाःथै।

प्रकाश 10:1

ओहाङःसैको यात्‌चाक् अरु ताङ्‌ह्ओ ल्‍होक्ओमयः लाङ्‌कासै ग्‍ल्‍युङ्‌ह्ओ च्‍यवःआलाङः। ओउःपाय् मुस्इलेः क्रमःओ खेःतो। तालाङ्‌हाङः यो मुतो ओउःकोः खेन्‌पाय् न्‍याम्‌लो लेखा थोङ्‌तो दोम्‌पाय् म्‍हेः ल्‍युङ्ओ धुर्‌कुनःसीङःलो लेखा खेःतो।

प्रकाश 17:1

ओहाङःसैको यात्‌ज्‍योः माना लात्ओ ल्‍होक्ओमयःकोः ङाकःताङ् वाङ्‌ती “लौ ङाकुस् वाङ्अ ओउः आन पेमालो ल्‍हास्‍या मोमःचोः गत हायःती न्‍युम्‍ह्‌ताक्‌तोलेः स्‍याव्‌नाः त ङाइ छ्यानःनेःनाङ्। ओउःपाय् नाःतो तीः खोलालम्‌कोः चीनःसै मुओ सहर्‌ लेःआः।

प्रकाश 17:7

ङा आन ग्‍याङ्‌ह्‌ती झ्‍यान्‍ते “लौ दोह् हायःतीतेः इतलेः ग्‍याङ्‌ह्‌तेःनाः” त दाय्‍ह्‌ती ओउः ल्‍होक्ओमयःइ व्‍हत्आताङः “ओउः मोमःचोःकोः कुरामा ओउःकायः लात्ओ सात् तालाङ् दस् रोङः नाःओकोः अरुइ चीःसा खाय्‌मालो कुरामा ङाइ द्याह् छ्यानःनेःनाङ्।

प्रकाश 21:23

ओउः सहर्‌कायःपाय् न्‍याम् थोङ्ओमा लाह् हवःओमा जुगाङ् परल दोह् हायःती दाय्‍ह्‌सा परमेस्‍वर्‌इपाय् अङ्‌ग थङ्‌ग त मुती ओउः सहर्‌कायः थोङ्‌ताक्‌नौ। ओउः भेदाकोः चोःमा ओउः सहर्‌कोः बत्तीलो लेखा मुनाः।