प्रकाश 17:5 - चेपाङ5 ओउःकोः जेल्ह्हाङः चीःसा खाय्मालो मय्ङ् लेखओ खेःतो। ओउः मय्ङ्पाय् इत लेःआः खेःतो “ताङ्ह्ओ बाबीलोन्” त तोओ “ल्हास्यालम्कोःमा ल्हाव्ह्दैबाङ्हाङः मुओ क्रीसीःओ काम् जाङ्ह्ओलम्कोः आमा लेःआः बा” Faic an caibideil |
प्रकाश 17:5
18 Iomraidhean Croise
नाङ्इ च्यवःओ सात्गोता ङाकोः ङोय् क्रुत्हाङः चुम्ओ कार्लम्मा ओउः सात्गोता सुन्कोः बत्ती गम्ओ तेव्केरामा ओउःमयःकोः माने इलेः द्याह् छ्यान्ह्नेःनाङ्। ओउः सात्गोता कार्लम्पाय् सात् थाव्कोः ङ्हाम्ओलम्कोः ल्होक्ओमयः लेःआः इ। ओउः सुन्कोः सात्गोता बत्तीकोः तेव्केरापाय् सात् थाव्कोः ङ्हाम्ओलम् लेःआः इ बा”
ओहाङःसैको ओउःकायः गुल्ह्ती यात्ज्योः अरु ल्होक्ओमयः वाङ्ओ “लौ ह्र्योक्ती वाय्ओ लेःआः बा। ओउः ताङ्ह्ओ बाबीलोन् त तोओ सहर्पाय् ह्र्योक्ती वाय्ओ लेःआः बा। ओउःइपाय् सबै जात्लम्कायः ओउःकोः ल्हास्या काम् जाङ्ह्साकायः थ्योन्ह्ती हान् ङोओलम्लो लेखालेः ब्रःताक्आकान्” त दाय्ह्ती ओउः ल्होक्ओमयः दाय्ह्आ।
ओउःकोः तय्छनःती योओमा न्युम्ह्ताक्ती बयःओ काम्लम् दोङ् पेओ लेःआः। दोह् हायःती दाय्ह्सा ओउः ल्हाव्ह्दैबाङ्हाङः मुओलम्कायः रेव्ताक्ओ ताङ्ह्ओ ल्हास्याकायःपाय् परमेस्वर्इ न्युम्ह्ताक्आकान्। ओउः ल्हास्याइपाय् परमेस्वर्कोः काम् जाङ्ह्ओलम्कायः सात्आकान् त झ्यान्ते ओउःकायः परमेस्वर्इ न्युम्ह्ताक्आथै” त दाय्ह्ती ओउःमयः दाय्ह्आकाय्।
Sanasan