प्रकाश 16:9 - चेपाङ

⁹ य्‍हुमःआक्‌तीको मान्‍तालम्इ ओउः महामारी वानःसामा ल्‍होक्‌सामा खाय्ओ परमेस्‍वर्‌कोः मय्‍ङ्‌कायः प्रनःआकानी। ओउःकायः प्रनःनीतो लयःकोः पेमालो काम्‌लम् फेती परमेस्‍वर्‌कायः ताङ्‌ह्‌ताक्‌ती मानसा ओउःमयः ग्‍याइली।

प्रकाश 16:9 Iomraidhean Croise

लुका 13:3

खेःल लःलयःकोः रेव्‌तो काम्‌लम् फेती परमेस्‍वर्‌कोः पेओ कुरा नीङ्इ ङ्‌हाम्‌मादीक् नीङ्‌मा ओउः गालीलकोः मान्‍तालम्‌लो लेखालेः वाय्‌तोलेः स्‍याव्‌तेःनै बा।

लुका 13:5

खेःल लःलयःकोः रेव्‌तो हायःओ फेती नीङ्इ परमेस्‍वर्‌कोः पेओ कुरा ङ्‌हाम्‌मादीक् नीङ्‌मा ओउःमयःलो लेखालेः वाय्‌तो स्‍याव्‌तेःनै बा”।

२ कोरीन्‍थी 12:21

इ सबै ङाइ वाङ्ओहाङः च्‍यवःनाङः त खेःया ङा परमेस्‍वर्‌कोः मीक्‌हाङः जुगाङ् रास्‌सीःतो मीतो स्‍याव्‌नाङः। फेरी ओउः रेव्‌तो जाङ्‌ह्ओलम्इ लयःकोः अह्र्सीःओ ल्‍हास्‍या जाङ्‌ह्ओ काम्‌लम् फेमाःत झ्‍यान्‍ते ङा र्‍याःगार्‌सीःतो स्‍याव्‌चाङः यादो।

प्रकाश 11:13

ओहाङःसैको ओउः नीस् लन्‍ह्ओ कुस्‌ब्रक्‌तलेः ताङ्‌ह्ओ ल्‍याङ् वाङ्‌ती सहर्‌कोः दस् भाक्‌कायः यात् भाक् ह्र्योङःती वाय्ओ खेःतो। ल्‍याङ्इ सात्ओ मान्‍तालम्‌पाय् सात् हजार्‌ खेःतो अरु सात्‌मालोलम्इपाय् आन रैती लाङ्‌काहाङः मुओ परमेस्‍वर्‌कायः ताङ्‌ह्‌ताक्आकानी।

प्रकाश 14:7

“लौ परमेस्‍वर्‌कायः एङःतीलेः ताङ्‌ह्‌ताक्‌नु। ओउःइ मान्‍तालम्‌कायः तय्‌छनःती योसा दीन् दाह्ओआः बा। लौ ओउः ल्‍हाव्‍ह्‌दैबाङ् फेल्‌बाङ् तीःलम् जापीनःती न्‍यास्ओचाक्‌कायः लुङ्‌तीलेः ताङ्‌ह्‌ताक्‌नु दा” त दाय्‍ह्‌ती ओउः ल्‍होक्ओमयःइ सोतोलेः दाय्‍ह्आकाय्।

प्रकाश 16:21

ओहाङःसैको यात् मौन्‌च्‍युक् लीःओ वेर्‌ मान्‍ताकःताङ् ग्‍लेःआ। ओउःच्‍युक् रैसीःआ महामारी वाङ्‌ती झ्‍यान्‍ते मान्‍तालम्इ परमेस्‍वर्‌कायः प्रनःआकानी।

प्रकाश 2:21

ओउःकायःपाय् “लौ नाङ्‌कोः रेव्‌तो जाङ्‌ह्ओकायः फेउ” त तोझुङ्‌ङोतो ओउःकोः पेमालो काम्‌कायः फेसा जुगाङ् ग्‍याल।

प्रकाश 9:20

ओहाङःसैको ओउः अरु सात्आक्‌मालो मान्‍तालम्‌खेइपाय् लयः जाङ्‌ह्ओ थोक्‌लम्‌कायः मनःसाकायः फेनीली। लान्‌लम् मानसामा फेनीली सुन् चान्‍दी पीताल् बाङ्‌कोःमा सीङःकोःमा च्‍यवःसा सायःसा वाह्‌सा खाय्‌मालो मुर्‌तीकायः मानसाकायःमा फेनीली।