प्रकाश 16:1 - चेपाङ

¹ ओहाङःसैको मन्‍दीर्‌सै ङाइ सोतो हाव्‌नयः सायःआलाङः “लौ ल्‍हाव्‍ह्‌दैबाङ्‌हाङः ओउः सात् मानाहाङः मुओ परमेस्‍वर्‌कोः ल्‍हुङ् मल्‍ह्ओपाय् पुह्‌नु” त दाय्‍ह्‌ती ओउः सात्‌गोता ल्‍होक्ओमयःकायः तोओ खेःतो।

प्रकाश 16:1 Iomraidhean Croise

प्रकाश 11:19

ओहाङःसैको ओउःमयः दाय्‍ह्आक्‌तीको परमेस्‍वर्‌कोः लाङ्‌काहाङः मुओ मन्‍दीर्‌पाय् फोल्ओ खेःतो। फोल्आक्‌तीको ओउःकोः भीत्रहाङः तोती गम्ओ कुराकोः बकीस् च्‍यवःसाकायः छ्यान्‍ह्ओ खेःतो। ओहाङःसैको न्‍याम् प्‍लीङ्‌ह्‌ती मुक्ओकुस् ल्‍याङ्‌मा तोल्‌तोल्ओ वेर्‌मा वाङ्आ।

प्रकाश 14:15

ओहाङःसैको यात्‌ज्‍योः अरु ल्‍होक्ओमयः मन्‍दीर्‌सै ग्‍ल्‍युङ्‌ह्‌ती ओउः मुस्‌हाङः च्‍युङःओचाक्‌कायः सोतो गोःती “लौ नाङ्‌कोः रामा त्‍याक्‌ती सायः राःउ दा। ल्‍हाव्‍ह्‌दैबाङ्‌कोः सायःलम्‌पाय् मीन्‌तीलेः मुनाः ओउःकायः राःती त्‍युम्‍ह्ओ बेलाहाङः दाह्ओआः बा” त दाय्‍ह्‌ती तोआथै।

प्रकाश 14:18

आने यात्‌ज्‍योः अरु म्‍हेः योती गम्ओ ल्‍होक्ओमयः मन्‍दीर्‌कोः ल्‍हाती बयःसा बेदीसै ग्‍ल्‍युङ्‌ह्‌ती ओउः रामा लात्ओ ल्‍होक्ओमयःकायः सोतो गोःती “लौ नाङ्‌कोः व्‍हानःओ रामा लात्‌ती ल्‍हाव्‍ह्‌दैबाङ्‌हाङः मुओ धाक्‌सायः सायःलम् त्‍युम्‍ह्‌ती वानःउ। ओउः सायःपाय् मीन्ओ लेःआः” त दाय्‍ह्‌ती तोआथै।

प्रकाश 15:1

ओहाङःसैको अलवःहाङः अरु आन ताङ्‌ह्ओ ग्‍याङ्‌ह्‌राय् च्‍यवःआलाङः। ओहाङः सात्‌गोता ल्‍होक्ओमयः सात्‌गोता महामारी लात्‌ती वानःओ खेःतो। ओउः महामारीलम्‌पाय् सोय्‍ह्ओ महामारी खेःतो दोह् हायःती दाय्‍ह्‌सा ओउः महामारी वाङ्आक्‌तीको परमेस्‍वर्‌कोः ल्‍हुङ् मल्‍ह्ओपाय् द्युम्‌जेःआ बा।

प्रकाश 16:17

ओहाङःसैको ओउः लोनेकोः ल्‍होक्ओमयः ओउःकोः मानापाय् अलवःहाङः पुह्आकान्। ओउःकुस् थेङ्‌ती सात्‌गोता वाङ्ओ खेःतो। ओहाङःसैको ओउःकोः माना पुह्आक्‌तीको ओउः मन्‍दीर्‌हाङः मुओ राजा च्‍युङःसा थाव्‌सै यात्‌ज्‍योः सोतो हाव्‌नयः वाङ्‌ती “लौ द्याह्‌पाय् द्योक्‌जेःआ बा” त दाय्‍ह्‌ती दाय्‍ह्आ।