प्रकाश 14:2 - चेपाङ

² ओहाङःसैको लाङ्‌कासै वाङ्ओ हाव्‌नयः सायःआलाङः। ओउः हाव्‌नयःपाय् क्‍लोनःती ल्‍हक्अर्‌ओ तीःलो लेखालेः खेःमाःतो सोतो न्‍याम् मुक्ओलो लेखामा खेःतो। वरनी प्रय्‍ह्ओ मान्‍तालम्‌कोः हाव्‌नयःलो लेखामा खेःतो।

प्रकाश 14:2 Iomraidhean Croise

१ कोरीन्‍थी 13:1

सुसुलो मान्‍ताकोः नोःराय्‌मा लाङ्‌कासै ल्‍होक्ओमयःकोः नोःराय्‌मा दाय्‍ह्‌चै बुरु अरुलम्‌कायः राप्‌नीली त खेःया ओउःपाय् चेकेवेङ्‌कोः हाव्‌नयःलो लेखालेः आह्रेलेः दाय्‍ह्‌नै बा।

प्रकाश 1:10

प्रभुकोः दीन्‌हाङः ओउःकोः ग्‍वालामः दोःआक्‌तीको ङाइ सोतो हाव्‌नयः तुरहीलो लेखालेः काह्‌सै सायःआलाङः

प्रकाश 1:15

ओउःकोः दोम्‌खेपाय् म्‍हेःहाङः युओ पीताल्‌लो लेखालेः थोङ्‌तोलेः खेःतो ओउःकोः हाव्‌नयःखे क्‍लोनःती ल्‍हक्अर्‌ओ तीःलो लेखालेः खेःतो।

प्रकाश 11:12

ओहाङःसैको लाङ्‌कासै सोतो दाय्‍ह्ओ हाव्‌नयः सायःआकानी “लौ इताङ् लन्‍ह्‌ती वाङ्‌ज दा” त दाय्‍ह्‌ती ओउः नीस्‌चाक्‌कायः तोओ खेःतो ओउःमयःकोः बीरोत्‌लम्इ योयोबालेकोः ओउःनीस् लाङ्‌काताङ् मुस्‌हाङः लन्‍ह्आकाच।

प्रकाश 11:15

ओहाङःसैको ओउः सात्‌गोता ल्‍होक्ओमयःकोः ओउः दप्‌ती सोय्‍ह्‌तो स्‍याव्ओपाय् ओउःकोः तुरही मुत्आकान्। मुत्आक्‌तीको लाङ्‌काहाङः सोतो गोःओ हाव्‌नयःलम् सायःओ खेःतो “लौ ल्‍हाव्‍ह्‌दैबाङ्‌कोः राजीपाय् ङीकोः परमेस्‍वर्‌कोःमा ओउःकोः ख्रीस्‌कोःमा स्‍याव्ओआः बा। ओउःपाय् गलकायःमा हुकुम् बयःसा राजालेः स्‍याव्‌नाः” त दाय्‍ह्‌ती दाय्‍ह्ओ खेःतो।

प्रकाश 15:2

ओहाङःसैको ङाइ यात्‌ज्‍योः ताङ्‌ह्ओ ऐनाकोः जाङ्‌ह्ओ दुम्‌हान् च्‍यवःआलाङः। ओउः ऐनापाय् म्‍हेःकुस् ल्‍याव्‍ह्ओ खेःतो। ओहाङःसैको दुम्‌हान्‌कोः चीनःहाङः ओउः तीःसै थाओकायःमा ओउःकोः मुर्‌तीकायःमा ओउःकोः मय्‍ङ्‌कोः नम्‍बर्‌कायःमा क्‍लीमःसा खाय्ओलम्‌पाय् परमेस्‍वर्‌इ बयःओ वरनी लात्‌तीलेः चीङ्‌ती मुओ खेःइतो।

प्रकाश 18:22

“ओउः सहर्‌हाङःपाय् वरनी प्रय्‍ह्ओ बाङ्‌सुली तुरही मुत्ओ गीत् मेओ हाव्‌नयः द्याह्‌हाङःसै गलमा सायःल। ओहाङःपाय् सीङःकोः जाङ्‌ह्ओमा सुन् चान्‍दी पीताल् जाङ्‌ह्ओ मान्‍तालम्‌मा गलमा च्‍यवःसा दोःल ग्रायःबाङ्इ ग्रायःओमा गलमा सायःसा दोःल।

प्रकाश 5:8

ओउःत त्‍याक्आक्‌तीको ओउः चार्‌गोता जीङः नाःओलम्‌मा ओउः चौबीस् थालवःपालम्‌मा ओउःकःताङ् बाःती स्‍यवआकानी। ओउःमयःपाय् क्रुत्‌क्रुत्‌हाङः याःआःज्‍योः वरनीमा धुप् लात्‌साकायः सुन्‌कोः लोतामा धुप् ब्‍लीङ्‌तोलेः लात्आकानी। ओउः धुप्‌पाय् ङ्‌हाम्ओलम्इ परमेस्‍वर्‌कायः तेती तोओ कुरा लेःआः।

प्रकाश 6:1

ओहाङःसैको ङा योतोक्‌हाङः ओउः भेदाकोः चोः त तोओइ ओउः सात्‌गोता छाप्‌कोःपाय् यातैज्‍योः ङ्‌हाकोः छाप् तेत्आकान्। छाप् तेत्आक्‌तीको यात्‌ज्‍योः जीङः नाःओमयःइपाय् सोतो मुक्ओ हाव्‌नयःइलेः “वाङ्अ” त दाय्‍ह्‌ती तोआकान्।

प्रकाश 8:7

ओउः ङ्‌हाकोः ल्‍होक्ओमयःइ ओउःकोः तुरही मुत्आकान्। मुत्आक्‌तीको ल्‍हाव्‍ह्‌दैबाङ्‌हाङः वयःकुस्इ ल्‍याव्‍ह्ओ वेर्‌मा म्‍हेःमा साःताङ् क्‍लाःओ खेःतो। ल्‍हाव्‍ह्‌दैबाङ्‌कोःमा सीङःकोःमा सुम् भाक्‌कायः यातै भाक् जाङ्‌ह्‌तीलेः म्‍हेःइ झम्‍ह्‌ती माक्ओ खेःतो ओन्‌लम्‌कायः सबै म्‍हेःइ झम्‍ह्‌ती माक्ओ खेःतो।