प्रकाश 14:1 - चेपाङ1 ओहाङःसैको ङाइ फेरी योतीलेः सीओन् त तोओ बुम्हाङः ओउः भेदाकोः चोः च्यवःआलाङः। ओउःकुस्पाय् यात् लाख् चवालीस् हजार् मान्तालम् मुओ खेःतो। ओउःमयःकोः जेल्ह्हाङः ओउः चोःकोः मय्ङ्मा ओउःकोः आपाकोः मय्ङ्मा लेखओ खेःतो। Faic an caibideil |
प्रकाश 14:1
30 Iomraidhean Croise
परमेस्वर्कोः आखरःहाङःमा “लौ यहुदीलम्कोः सीओन् त तोओ मुल् सहर्हाङः यात्चाक् ङाकोः मान्ता गम्नाङः। ओउःपाय् ल्याम्हाङः मुओ क्वेन्ह्सा बाङ्लो लेखालेः मुनाः। नाःतो मान्तालम्खे ओउःकः दाह्ती त्योक्ती तोन्इतो सुसुखेइ ओउःकायः ङ्हाम्नौ ओउःपाय् ल्हुङ् घ्युम्तोलेः स्याव्ल” त दाय्ह्ती लेखती मुनाः।
सुसुइ रेव्ओकायः क्लीमःनानी ओउःकायः ङाकोः परमेस्वर्कोः मन्दीर्हाङः मुल्धुरीलो लेखा जाङ्ह्नाङःसु ओउः मन्दीर्सै ओउःपाय् गलमा ग्ल्युङ्ह्इली। फेरी ओउः मान्ताकःहाङः ङाकोः परमेस्वर्कोः मय्ङ्मा लेखनाङः ङाकोः परमेस्वर्कोः सहर्कोः मय्ङ्मा लेखनाङः। ओउः सहर्पाय् ङाकोः परमेस्वर्कःहाङःसै लाङ्कासै ग्ल्युङ्ह्लेःनाः ओउःपाय् “नया यरुसालेम्” त तोओ लेःआः। ओहाङःसै ओउः मान्ताकःहाङः ङाकोः नया मय्ङ्मा लेखलेःनाङः’
ओउःत तोआक्तीको ङाइ योती यात्ज्योः क्लीप्ती भाम्गार्ओ घोरा च्यवःआलाङः। ओउःकोः गीङ्हाङः लन्ह्ओचाक्पाय् “सीताक्मयः” त तोओ लेःआः। ओउःकोः लोन्ताङ् “गोबाङ्” त तोओ द्याङ्तोलेः गुल्ह्ती वाह्आ। ओउः नीस्कायःपाय् ल्हाव्ह्दैबाङ्कोः चार् भाक्कोः यातै भाक्हाङः आन तरवाल्इ सात्ताक्सा राव्ओ वाङ्ताक्सा ग्वम्मा बयःओ लेःआः। मीन्ह्काय्ओ अनीकाल् राव्ओ पीर् राव्ओ जाः राव्ओ वाङ्ताक्सालेः ग्वम्मा बयःओ खेःतो।
Sanasan