प्रकाश 13:6 - चेपाङ6 ओउः बेलाहाङः ओउः जाःइ परमेस्वर्कायः आन पेमालो तोआकान् परमेस्वर्कोः मय्ङ्कायःमा परमेस्वर्कोः याक्ती मुओ थाव्कायःमा सबै लाङ्काहाङः मुओलम्कायःमा ओउः जाःइ आन पेमालो तोआकान्। Faic an caibideil |
प्रकाश 13:6
26 Iomraidhean Croise
लौ उया लाङ्कामा लाङ्काहाङः मुओलम्खेमा चोङाय्तोलेः स्याव्तेःपै। ल्हाव्ह्दैबाङ्हाङःमा द्युम्मालो तीःहाङःमा ओहाङः मुओलम्खेमा लीह्तोलेः स्याव्तेःपै दोह् हायःती दाय्ह्सा सैतान्पाय् नीङ्कःताङ् क्लाःती ल्होक्ओ लेःआः। ओउःहाङः ओउःपाय् ज्याङःतो मुसा दोःल ओउःत चीःती झ्यान्ते सैतान् आन ल्हुङ् मल्ह्तो लेःआः बा” त दाय्ह्ती दाय्ह्ओ खेःतो।
“लौ लाङ्काहाङः मुओलम्य ओउः सहर् योती म्रोतोलेः मुन दा। नीङ् परमेस्वर्कायः ङ्हाम्ओलम्मा ओउःकोः छ्युङ्ह्ती ल्होक्ओमयःमा ओउःकोः कुरा छ्यानःओमयःमा नीङ् सबै म्रोतीलेः मुन दोह् हायःती दाय्ह्सा नीङ्कायः पेमालो हायःओ सहर्कायः परमेस्वर्इ ओउःकोः रेव्झ्याङ् बयःती द्याह् न्युम्ह्ताक्नौ बा” त दाय्ह्ती दाय्ह्ओ खेःतो।
ग्ल्युङ्ह्ती वाङ्तोक्हाङः ओउः राजा च्युङःसा थाव्सै सोतो हाव्नयःमा सायःआलाङः “लौ द्याह्गोते परमेस्वर्पाय् मान्तालम्कुस् याक्लेःनाः। ओउःत याक्तोक्हाङः ओउःमयः परमेस्वर्कोः मान्तालम् स्याव्लेःनै। माः है परमेस्वर्पाय् लयःलेः मान्तालम्कुस् याक्ती ओउःमयःकोः परमेस्वर् स्याव्लेःनाः।
ओहाङःसैको लाङ्काहाङःमा ल्हाव्ह्दैबाङ्हाङःमा नालाहाङःमा द्युम्मालो तीःहाङःमा सबै जीङः नाःओलम्पाय् मेती “लौ ओउः राजाकोः थाव्हाङः मुओचाक्कायःमा ओउः भेदाकोः चोःकायःमा ओउः सबैसै ग्वम् नाःओ नीस्चाक्कायः सबै लुङ्ती तोसामा मानसामा ताङ्ह्ताक्सामा गलकायःमा ल्हापाःथाच” त दाय्ह्ती मेओ सायःआलाङः।
ओहाङःसैको ङाइ योती आन नाःतो हुम्ओ मान्तालम् च्यवःआलाङः। ओउःच्युक् नाःतोलेः सुइमा थेङ्सा खाय्नीली। ओउःमयः सबै जात्सै सबै खलक्सै सबै देस्सै सबै भासासै वाङ्ती ओउः राजा च्युङःसा थाव्कोः ङ्हासैमा ओउः भेदाकोः चोःकोः मीक्हाङःमा चीङ्ती मुओ खेःइतो। ओउःमयःपाय् भाम्ओ क्रमःनाय् लावइसीतो क्रुत्हाङः ल्ह्यय्ओ सीङःकोः मात् चुम्आकानी।
Sanasan