प्रकाश 13:5 - चेपाङ

⁵ ओउः जाःकायःपाय् लयःकायः ताङ्‌ह्‌ताक्ओमा परमेस्‍वर्‌कायः म्‍होतोङ्‌सै राव्ओ कुरालम् नोःसा ताक्ओ खेःतो बयालीस् महीनाकायः ओउःत हायःसा ग्‍वम् दोःओ खेःतो।

प्रकाश 13:5 Iomraidhean Croise

२ थेसलोनिकि 2:3

ओउःपाय् खेःल बा। ओउःत माःती तोओ कुरातेः सायःतेःचानी। परमेस्‍वर्‌कोः बीरोत्‌लम् ओउःकः काय्‌काय्‌लाङ् चीङ्‌धाङ्‌माःच्‍युक्‌हाङःमा ओउः लोने वाय्‌तो स्‍याव्‌सा जुगाङ् रेव्ओचाक् छ्यानःधाङ्‌माःच्‍युक्‌हाङःमा ङीकोः प्रभु वाङ्‌सा दीन्‌पाय् पुत्‌तो स्‍याव्‌धाङ्‌ल।

२ थेसलोनिकि 2:4

फेरी ओउः रेव्ओचाक्‌पाय् लयःकायः ताङ्‌ह्‌ताक्‌ती सबै मान्‍ताइ मानओ द्यव्‌तालम्‌मा थोक्‌लम्‌मा “ओउःमयःसै ङापाय् ताङ्‌ह्‌तोलेः मुनाङः” त दाय्‍ह्‌ती ओउः थोक्‌लम् मानसा ताक्उलु लयःकायःलेः “ङापाय् परमेस्‍वर्‌ लेःआः ङ” त तोती परमेस्‍वर्‌कोः मन्‍दीर्‌हाङः च्‍युङःनाः।

२ थेसलोनिकि 2:8

ओहाङःसैको ओउः आल्‌सा बेलाहाङःपाय् ओउः रेव्ओ चाक्‌पाय् छ्यानःतीलेः थानाः। थाआक्‌तीको प्रभु येसुइ आन पेतो आङ्‌ग थाङ्‌ग त ग्‍वम्‌कुस् वाङ्‌ती ओउः रेव्ओचाक्‌कायः यातै सास्‌हाङः सात्‌ती वाय्‌नाःथै।

प्रकाश 11:7

ओहाङःसैको ओउः नीस्‌चाक्इ कुरा थोल्‍ह्‌ती तोओ दप्आक्‌तीको ओउः कामःअ नालासै ग्‍ल्‍युङ्‌ह्‌ती वाङ्ओ जाःलम्‌कोः खाल् वाङ्‌ती ओउः नीस्‌चाक्‌कुस् मीन्‍ह्‌काय्‌ती ओउःनीस्‌कायः क्‍लीमःती सात्‌नाःथाच।

प्रकाश 12:14

गुल्‍ह्‌तोक्‌हाङः ओउः रुसै दल्‌तो स्‍याव्‌साकायः याक्‌गार्‌सीःमालो थाव्‌ताङ् स्‍युङ्‌ती आल्‌साकायः ओउः मोमःचोःकायः ताङ्‌ह्ओ मुवाःकोः नीस्‌ज्‍योः पाप् बयःओ खेःतो। याक्‌गार्‌सीःमालो थाव्‌हाङः ओउः मोमःचोःकायः साधे तीन् बर्‌सकायः स्‍यास्‌सा खेःतो।

प्रकाश 12:6

आमाखेपाय् मान्‍ता याक्‌गार्‌सीःमालोहाङः परमेस्‍वर्‌इ ङ्‌हा जाङ्‌ह्ओ थाव्‌ताङ् क्रव्आ। ओहाङः बारसै साथी दीन्‌च्‍युक्‌कायः ओउः मोमःचोःकायः स्‍यास्‌सा खेःतो।

प्रकाश 13:7

ओहाङःसैको ओउः जाःकायःपाय् परमेस्‍वर्‌कोः मान्‍तालम्‌कायः मीन्‍ह्‌काय्‌ती क्‍लीमःसा ताक्ओ खेःतो। सबै खलक्‌लम्‌कायः सबै देस्‌लम् भासा नोःओलम् जात्‌लम्‌कायः हुकुम् बयःसा ग्‍वम् ओउःकायः बयःओ खेःतो।