प्रकाश 12:9 - चेपाङ9 ओउः ताङ्ह्ओ रुपाय् लान्कोः राजा सैतान् त तोओलेः ओउःपाय् सबै ल्हाव्ह्दैबाङ्हाङः मुओलम्कायः माःती थ्योन्ह्ओ काम् जाङ्ह्आकान्। क्लीमःतोक्हाङः ओउःकायःमा सबै ओउःकुस् वाह्ओ ल्होक्ओमयःकायःमा ल्हाव्ह्दैबाङ्ताङ् क्लाःओ खेःइतो। Faic an caibideil |
प्रकाश 12:9
68 Iomraidhean Croise
ओउः बीया चोया त तोओखे परमेस्वर्इ बयःओ पेओ कुरालो लेखा लेःआः। ओहाङःसैको कोय् मान्तालम्खे परमेस्वर्कोः कुरा सायःनानी सायःआक्तीको सैतान् त तोओ वाङ्ती ओउः सायःओलम्कोः ल्हुङ्तुक्सै ओउः पेओ कुरा सेक्ती आलःनौ। ओउःत झ्यान्ते ओउः मान्तालम्इ पेतो ङ्हाम्माःत रौ जीङः दोःइली। इ मान्तालम्पाय् ल्याम्कोः साःहाङः दीह्ओ बीया चोयालो लेखालेः मुनै।
नीङ्खे लयः सैतान् आपाकःसै वाङ्ती ओउःकोः मोह्हाय्ओ काम्लम् जाङ्ह्तेःनानी बा। ओउः सैतान्पाय् ङ्हाहाङःसै सात्रेव् खेःतो। ओउःपाय् दोङ् कुरा गलमा झाक्ल ओउःत झ्यान्ते दोङ् कुरा तोती जुगाङ्मा वाह्ल। ओउःपाय् माःरेव् ल्हुङ्तुक् लेःआः बा गलमा माःती तोती वाह्नाः। माः रैस ओउःखे माःरेव्मयःकोः आपा लेःआः।
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
लौ उया लाङ्कामा लाङ्काहाङः मुओलम्खेमा चोङाय्तोलेः स्याव्तेःपै। ल्हाव्ह्दैबाङ्हाङःमा द्युम्मालो तीःहाङःमा ओहाङः मुओलम्खेमा लीह्तोलेः स्याव्तेःपै दोह् हायःती दाय्ह्सा सैतान्पाय् नीङ्कःताङ् क्लाःती ल्होक्ओ लेःआः। ओउःहाङः ओउःपाय् ज्याङःतो मुसा दोःल ओउःत चीःती झ्यान्ते सैतान् आन ल्हुङ् मल्ह्तो लेःआः बा” त दाय्ह्ती दाय्ह्ओ खेःतो।
मीन्ह्काय्लाङ् वाङ्तोक्हाङः ओउः तीःसै थाओकायःमा ओउःकुस् वाह्ओ माःओ कुरा छ्यानःती तोओचाक्कायःमा चुम्आकानी। ङ्हापाय् ओउः माःती तोओइपाय् ग्याङ्ह्राय् जाङ्ह्ती ओउः तीःसै थाओकोः चीन्ह आङ्हाङः नाःओलम्कायःमा ओउःकोः मुर्तीकायः मानओलम्कायःमा ब्रःताक्ती थ्योन्ह्ओ खेःतो। ओहाङःसैको चुम्आक्तीको ओउः तीःसै थाओमा ओउः माःती तोओमा ओउःनीस्पाय् सेलः मुतोक्हाङः म्हेः ल्युङ्ओ गन्धक् नाःओ दुम्हान्हाङः तोस्ती वाय्ओ खेःचतो।
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
नाङ्इ दोह् दोह् लीह्सीःओ गोरःओतेःआः ओउःमा चीःलेःनेःनाङ्। नाङ्पाय् ह्र्यात् खेःतेःनाः तमा ङाइ चीःलेःनेःनाङ्। ह्र्यात् खेःसापाय् खेःतेःनाः दोङ्सीलेः नाङ्पाय् नाःतो नाःओचाक्तेः खेःतेःनाः बा। अरुलम्इ नाङ्कायः माःती तोओ गाल्तुम्सा बोङःओ कुरामा चीःलेःनाङः। ओउःत माःती तोओलम्पाय् “यहुदीलम् खेःनाङी” त दाय्ह्ती नोःनीतो ओउःमयःपाय् दोङ् यहुदीलम् खेःइली सैतान्इ थनःताक्ओ मान्तालम् लेःआः इ।
Sanasan