प्रकाश 12:4 - चेपाङ

⁴ ओउःकोः मेःइ फेल्‌बाङ्‌कोः कार्‌लम्‌कोः सुम् भाक्‌कायः यात् भाक् फ्‍यास्‌ती ल्‍हाव्‍ह्‌दैबाङ्‌ताङ् क्‍लाःती वाय्आकान्। ओउः रुपाय् ओउः मोमःचोःइ चोः ओत्‌माकादे चोःकायः जेःती माक्‌माकादे बोङःसाकायः ओउः मोमःचोःकोः ङ्‌हासै ल्‍युङ्‌ह्‌ती मुओ खेःतो।

प्रकाश 12:4 Iomraidhean Croise

युहना 8:44

नीङ्‌खे लयः सैतान् आपाकःसै वाङ्‌ती ओउःकोः मोह्‌हाय्ओ काम्‌लम् जाङ्‌ह्‌तेःनानी बा। ओउः सैतान्‌पाय् ङ्‌हाहाङःसै सात्‌रेव् खेःतो। ओउःपाय् दोङ् कुरा गलमा झाक्‌ल ओउःत झ्‍यान्‍ते दोङ् कुरा तोती जुगाङ्‌मा वाह्‌ल। ओउःपाय् माःरेव् ल्‍हुङ्‌तुक् लेःआः बा गलमा माःती तोती वाह्‌नाः। माः रैस ओउःखे माःरेव्‌मयःकोः आपा लेःआः।

१ पत्रुस् 5:8

लौ ब्रःमामाःत घीःतीलेः वाह्‌न। नीङ्‌कायः ह्र्योक्‌ती वाय्‌सा बोङःओ सैतान् त तोओइ जाःलो लेखा वेःताङ् ङोय्‌ताङ् सोङ्‌होली बोङ्‌होली त हायःती वाह्‌ती सुकायःमा जेःती माक्‌ती वाय्‌सा बोङःनौ।

प्रकाश 12:7

ओहाङःसैको लाङ्‌काहाङः आन मीन्‍ह्‌काय्ओ स्‍याव्आ। मीकाएल् त तोओ ताङ्‌ह्ओ ल्‍होक्ओमयःइमा ओउःकोः अरु ल्‍होक्ओमयःइ ओउः ताङ्‌ह्ओ रुकुस्‌मा ओउःकोः ल्‍होक्ओमयःकुस्‌मा मीन्‍ह्‌काय्‌ती कायःकाय्‌ती

प्रकाश 12:9

ओउः ताङ्‌ह्ओ रुपाय् लान्‌कोः राजा सैतान् त तोओलेः ओउःपाय् सबै ल्‍हाव्‍ह्‌दैबाङ्‌हाङः मुओलम्‌कायः माःती थ्‍योन्‍ह्ओ काम् जाङ्‌ह्आकान्। क्‍लीमःतोक्‌हाङः ओउःकायःमा सबै ओउःकुस् वाह्ओ ल्‍होक्ओमयःकायःमा ल्‍हाव्‍ह्‌दैबाङ्‌ताङ् क्‍लाःओ खेःइतो।

प्रकाश 13:2

ओउः तीःसै थाओ खाल्‌पाय् जाःलो लेखा खेःतो दोम्‌पाय् योम्‌कोःलेः म्‍होतोङ्‌पाय् माजाःकोः म्‍होतोङ्। ओउःकायः ओउः ताङ्‌ह्ओ रुइ लयःकोः ग्‍वम्‌मा लयःकोः राजा च्‍युङःसा थाव्‌मा सबै हुकुम् बयःसाकायः बयःआथै।

प्रकाश 13:4

ओहाङःसैको ओउः जाःकायः ओउः रुइलेः हुकुम् बयःसा ग्‍वम् बयःआकान् त चीःती ओउः रुकायःपाय् सबै मान्‍तालम्इ ताङ्‌ह्‌ताक्आथै। ओउः जाःकायःमा “लौ इ जाःच्‍युक् ताङ्‌ह्ओ सुलो खेःचाः र ओउःकायः सुइलो क्‍लीमःसा खाय्‌चौ” त दाय्‍ह्‌ती ओउःकायः ताङ्‌ह्‌ताक्आकानी।

प्रकाश 16:13

ओहाङःसैको सुम्‌ज्‍योः रेव्‌तो क्रीसीःओ तोक्राक्‌लो लेखा लान्‌लम् च्‍यवःआलाङः। ओउः लान्‌लम्‌पाय् ओउः ताङ्‌ह्ओ नाक् रुकोः म्‍होतोङ्‌सैमा ओउः तीःसै थाओकोः म्‍होतोङ्‌सैमा ओउः साःसै थाओ माःती स्‍यान्ओकोः म्‍होतोङ्‌सैमा थाती वाङ्आकाय्।

प्रकाश 17:18

ओहाङःसैको नाङ्इ च्‍यवःओ मोमःचोःपाय् ल्‍हाव्‍ह्‌दैबाङ्‌कोः राजालम्‌कायः पुःओ ताङ्‌ह्ओ सहर्‌ लेःआः बा” त दाय्‍ह्‌ती ओउः ल्‍होक्ओमयःइ तोआताङः।

प्रकाश 20:2

ओउः ल्‍होक्ओमयःइ ग्‍ल्‍युङ्‌ह्‌ती वाङ्‌ती ओउः उय्‍ह्‌लेहाङःसैकोः ताङ्‌ह्ओ सैतान् त तोओ नाक्‌रुकायःपाय् चुम्‌ती यात् हजार्‌ बर्‌सच्‍युक्‌कायःलेः पानःती

प्रकाश 8:10

ओहाङःसैको यात्‌चाक् अरु ल्‍होक्ओमयःइ ओउःकोः तुरही मुत्आकान्। मुत्आक्‌तीको चेर्‌कोः मेःलो लेखा यात्‌ज्‍योः ताङ्‌ह्ओ ल्‍युङ्‌ती मुओ कार्‌लेः फेल्‌बाङ्‌सै ग्‍लेःतीमा तीःलम्‌कोःमा तीःकावःराङ्‌कोःमा सुम् भाक्‌कायः यातै भाक्‌कायः ङायःआकान्

प्रकाश 8:11

ओउः कार्‌पाय् “तीतेपती” त मय्‍ङ्ओ खेःतो। ओहाङःसैको तीःलम्‌कोः सुम् भाक्‌कायः यातै भाक्‌लेः आन य्‍हाक्‌तो स्‍याव्आ। ओउः य्‍हाक्ओ तीः तुङ्‌ती झ्‍यान्‍ते नाःतो मान्‍तालम् सीआकाय्।

प्रकाश 8:12

ओहाङःसैको यात्‌चाक् अरु ल्‍होक्ओमयःइ ओउःकोः तुरही मुत्आकान्। मुत्आक्‌तीको न्‍याम्‌कोःमा लाह्‌कोःमा कार्‌लम्‌कोःमा सुम् भाक्‌कायः यातै भाक् च्‍याक्‌तो स्‍याव्ओ। न्‍हीदीङ्‌हाङःमा याह्‌दीङ्‌हाङःमा चार्‌ घन्‍ताकायः च्‍याक्ओ खेःतो दोह्‌मा थोङ्‌ल।

प्रकाश 8:7

ओउः ङ्‌हाकोः ल्‍होक्ओमयःइ ओउःकोः तुरही मुत्आकान्। मुत्आक्‌तीको ल्‍हाव्‍ह्‌दैबाङ्‌हाङः वयःकुस्इ ल्‍याव्‍ह्ओ वेर्‌मा म्‍हेःमा साःताङ् क्‍लाःओ खेःतो। ल्‍हाव्‍ह्‌दैबाङ्‌कोःमा सीङःकोःमा सुम् भाक्‌कायः यातै भाक् जाङ्‌ह्‌तीलेः म्‍हेःइ झम्‍ह्‌ती माक्ओ खेःतो ओन्‌लम्‌कायः सबै म्‍हेःइ झम्‍ह्‌ती माक्ओ खेःतो।

प्रकाश 8:8

ओहाङःसैको यात्‌चाक् अरु ल्‍होक्ओमयःइ चीङ्‌ती ओउःकोः तुरही मुत्आकान्। मुत्आक्‌तीको म्‍हेः ल्‍युङ्ओ ताङ्‌ह्ओ बुम्‌लो लेखा च्‍यवःआलाङः। ओउः बुम्‌पाय् द्युम्‌मालो तीःहाङः क्‍लाःओ खेःतो। ओहाङः क्‍लाःआक्‌तीको द्युम्‌मालो तीःकोः सुम् भाक्‌कायः यातै भाक् वयः स्‍याव्आ।

प्रकाश 8:9

ओउः तीःकोः ङाःलम् दोह्‌लम्‌कोः तीन् भाक्‌कायः यातै भाक् सीलेःआ। तीः जहास्‌कोःमा सुम् भाक्‌कायः यातै भाक्‌लेः ज्‍युप्‌ती वाय्ओ खेःतो।

प्रकाश 9:10

नेःकोस्‌लो लेखालेः ओउःमयः नेःसाकायः मेः नाःनै। मेःइ नेःओइ मान्‍तालम्‌कायः पास् महीनाकायः जीक्‌ताक्‌सालेः खाय्‌नानी।

प्रकाश 9:19

ओउः घोराकोः सात्‌सा ग्‍वम्‌पाय् म्‍होतोङ्‌हाङःमा मुलेःनाः मेःहाङःमा मुलेःनाः। ओउःमयःकोः मेःपाय् रुकोः तालाङ्‌लो लेखालेः मुनाः मेःइलेः मान्‍ताकायः आन रेव्‌तो हायःनाःथास।