प्रकाश 11:9 - चेपाङ

⁹ ओहाङःसैको सबै देस् देस्‌सै खलक् खलक्‌सै सबै भासा नोःओलम्‌सै जात्‌लम्‌सै वाङ्ओ मान्‍तालम्इ साधे तीन् दीन्‌च्‍युक्‌कायः ओउः नीस्‌चाक्‌कोः म्‍हाङ्‌कायः योनानी ओउः नीस्‌कायः पाम्‍ह्‌सा ताक्‌नीली।

प्रकाश 11:9 Iomraidhean Croise

मत्ती 7:2

गत हायःतीलो नीङ्इ अरुखेकायः तय्‌छनःती योती न्‍युम्‍ह्‌ताक्‌तेःनानी ओउःतलेः परमेस्‍वर्‌इ नीङ्‌खेकायः तय्‌छनःती योती न्‍युम्‍ह्‌ताक्‌तेःनै।

प्रकाश 10:11

“लौ नाःतो देस्‌कोः मान्‍तालम्‌कायःमा जात्‌लम्‌कायःमा भासालम् राजालम्‌कायःमा नाङ्इ परमेस्‍वर्‌इ छ्यानःओ कुरा दाय्‍ह्‌सा खेःतो” त दाय्‍ह्‌ती ङाकायः तोओ खेःतो।

प्रकाश 11:11

मान्‍तालम्‌पाय् ओउःतलेः म्रोइतो साधे तीन् दीन् पुत्आक्‌तीको परमेस्‍वर्‌सै वाङ्ओ जीङः बयःसा सास् दोःती ओउःनीस्‌पाय् उह्आकाच। उह्आक्‌तीको ओउः नीक्‌चाक् चीङ्आकाच। ओउःनीस् चीङ्ओ योती ओउःत योओलम्‌पाय् आन रैआकाय्।

प्रकाश 13:7

ओहाङःसैको ओउः जाःकायःपाय् परमेस्‍वर्‌कोः मान्‍तालम्‌कायः मीन्‍ह्‌काय्‌ती क्‍लीमःसा ताक्ओ खेःतो। सबै खलक्‌लम्‌कायः सबै देस्‌लम् भासा नोःओलम् जात्‌लम्‌कायः हुकुम् बयःसा ग्‍वम् ओउःकायः बयःओ खेःतो।

प्रकाश 17:15

“लौ ओउः मोमःचोः च्‍युङःती मुओ तीःलम्‌पाय् सबै नाःतो हुम्ओ देस् देस्‌कोः मान्‍तालम्‌मा सबै जात्‌कोः मान्‍तालम्‌मा सबै भासा नोःओलम्‌मा लेःआः इ।

प्रकाश 5:8

ओउःत त्‍याक्आक्‌तीको ओउः चार्‌गोता जीङः नाःओलम्‌मा ओउः चौबीस् थालवःपालम्‌मा ओउःकःताङ् बाःती स्‍यवआकानी। ओउःमयःपाय् क्रुत्‌क्रुत्‌हाङः याःआःज्‍योः वरनीमा धुप् लात्‌साकायः सुन्‌कोः लोतामा धुप् ब्‍लीङ्‌तोलेः लात्आकानी। ओउः धुप्‌पाय् ङ्‌हाम्ओलम्इ परमेस्‍वर्‌कायः तेती तोओ कुरा लेःआः।

प्रकाश 5:9

ओहाङःसैको नया गीत् मेती “लौ ओउः थुरी त्‍याक्‌ती छाप् तेत्‌ती फास्‌साकायः नाङ्‌लेःतेः ज्‍योतेःनाः दोह् हायःती दाय्‍ह्‌सा नाङ्‌पाय् सात्ओलेः खेःतेःतो। नाङ्‌कोः वयःइ परमेस्‍वर्‌कायः सबै खलक् भासा देस् जात्‌लम्‌कोः मान्‍तालम् ल्‍हाङ्‌ती लेःतेःआकान्।