प्रकाश 10:5 - चेपाङ

⁵ ओहाङःसैको ङाइ ङ्‌हा च्‍यवःओ तीः माल्‍गहाङःमा साःहाङःमा तेक्ओ ल्‍होक्ओमयःइ ङोय् क्रुत्‌पाय् लाङ्‌काताङ् प्‍योती

प्रकाश 10:5 Iomraidhean Croise

खबरदुत 14:15

“नीङ्इ दोह् हायःसा बोङःतेःनानाङ्‌स। नीचीमा नीङ्‌लो लेखा मान्‍ता लेःआः ङच द्यव्‌तापाय् खेःङचल बा। ‘इ आह्रे मनःओ थोक्‌लम् फेती ओउः जीङः नाःओ फेल्‌बाङ् ल्‍हाव्‍ह्‌दैबाङ्‌मा साः तीःमा ओहाङः मुओलम्‌कायःमा जाङ्‌ह्ओ परमेस्‍वर्‌कायः झाह्‌ती फुस्‌ती तोनु’ त दाय्‍ह्‌ती इ पेओ समचार्‌ तोलाङ् वाङ्ओआः ङच बा।

खबरदुत 17:23

नीङ्‌कोः सहर्‌हाङः वाह्‌तोक् बेलाहाङः ङाइ नाःतो मुर्‌ती च्‍यवःआलाङः बा। च्‍यवःतोक्‌हाङः यात्‌ज्‍योः थान्‌हाङः ‘इ थान् ङीइ चीःमालो इस्‍वर्‌कायः जाङ्‌ह्ओआः’ त लेखती मुओमा च्‍यवःआलाङः। लौ इ नीङ्इ झाह्ओ चीःआक्‌मालो इस्‍वर्‌कोः कुरा ङाइ द्याह् स्‍यान्‌ती चीःताक्‌चेःनाङ्‌स बा।

रोमी 1:20

ल्‍हाव्‍ह्‌दैबाङ्‌कोः जापीनःती न्‍यास्ओ दीन्‌हाङःसै परमेस्‍वर्‌इ जाङ्‌ह्ओ थोक्‌लम् च्‍यवःती मान्‍तालम्इ ओउःकोः च्‍यवःसा खाय्‌मालो गलमा द्योक्‌मालो ग्‍वम्‌लेः चीःसामा खाय्‌नानी। ओउःपाय् दोङ् ताङ्‌ह्ओ परमेस्‍वर्‌ लेःआः त तय्‍ह्‌सामा खाय्‌नानी। ओउः त झ्‍यान्‍ते “ङीइ चीःङुसुलु तय्‍ह्‌ङुसुलु” त दाय्‍ह्ओ सुइमा तोसा खाय्‌नीली।

हेब्रैनी 6:13

परमेस्‍वर्‌इ आब्राहाम्‌कायः तोती गम्ओ बेलाहाङः ओउःइ लयःकोः मय्‍ङ् पेह्‌ती कीरीया जेःआकान् दोह् हायःती दाय्‍ह्‌सा कीरीया जेःतोक्‌हाङः लयःसै ताङ्‌ह्ओचाक्‌कोः मय्‍ङ् पेह्‌सा खेःतो। खेःसापाय् खेःतो परमेस्‍वर्‌सै ताङ्‌ह्ओचाक्‌पाय् सुमा नाःइली लयःकोः मय्‍ङ् ह पेह्‌ती तोसा खेःतो।

प्रकाश 1:18

ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।

प्रकाश 10:2

ओउःकोः क्रुत्‌हाङः यात्‌ज्‍योः मीओ फास्ओ कागत्‌कोः थुरी खेःतो। ओउःकोः ङोय् दोम्‌पाय् द्युम्‌मालो तीः माल्‍गहाङः मुओ खेःतो वेःदोम् साःहाङः तेक्ओ खेःतो।

प्रकाश 14:7

“लौ परमेस्‍वर्‌कायः एङःतीलेः ताङ्‌ह्‌ताक्‌नु। ओउःइ मान्‍तालम्‌कायः तय्‌छनःती योसा दीन् दाह्ओआः बा। लौ ओउः ल्‍हाव्‍ह्‌दैबाङ् फेल्‌बाङ् तीःलम् जापीनःती न्‍यास्ओचाक्‌कायः लुङ्‌तीलेः ताङ्‌ह्‌ताक्‌नु दा” त दाय्‍ह्‌ती ओउः ल्‍होक्ओमयःइ सोतोलेः दाय्‍ह्आकाय्।

प्रकाश 16:17

ओहाङःसैको ओउः लोनेकोः ल्‍होक्ओमयः ओउःकोः मानापाय् अलवःहाङः पुह्आकान्। ओउःकुस् थेङ्‌ती सात्‌गोता वाङ्ओ खेःतो। ओहाङःसैको ओउःकोः माना पुह्आक्‌तीको ओउः मन्‍दीर्‌हाङः मुओ राजा च्‍युङःसा थाव्‌सै यात्‌ज्‍योः सोतो हाव्‌नयः वाङ्‌ती “लौ द्याह्‌पाय् द्योक्‌जेःआ बा” त दाय्‍ह्‌ती दाय्‍ह्आ।

प्रकाश 4:11

“लौ ङीकोः प्रभु परमेस्‍वर्‌य नाङ्‌पाय् ताङ्‌ह्‌ताक्‌सामा मनःसामा ग्‍वम् ल्‍हासा स्‍याव्ओ चाक् लेःतेःआः बा। दोह् हायःती दाय्‍ह्‌सा नाङ्इ सबै थोक्‌लेःतेः जापीनःतीतेः जाङ्‌ह्आकान्। सबै थोक्‌लम् नाङ्इ लयः झाक्‌तीलेः जापीनःती जाङ्‌ह्‌ती झ्‍यान्‍ते ओउः थोक्‌लम्‌पाय् मुलेःनै बा” त दाय्‍ह्‌ती ओउःमयः दाय्‍ह्‌नै।

प्रकाश 4:9

ओउः चार्‌ जीङः नाःओलम्इपाय् ओउः गलमा सीमालो राजाकोः थाव्‌हाङः च्‍युङःओचाक्‌कायः ताङ्‌ह्‌ताक्‌ती “च्‍युता” त तोती मनःधै मेधै मुलेःनै।